培正唔好??

hokkaida

其實我一直覺得培正一條龍, 唔駛煩, 好適合我呢D怕煩的媽媽!
但身邊D朋友好多都話培正中文教學, 小朋友接觸英文的機會較少, 唔係幾好, 攪到我心大心細, 唔知去唔去IN好, 大家有無意見呀?

j63

個人意見，培正一定係一間好學校，英文學校出身唔一定英文叻，好睇個人能力，而且唔一定收，所以都係收

safarimama

agree! 培正一定係一間好學校，英文學校出身唔一定英文叻，好睇個人能力，而且唔一定收，所以都係收

hokkaida

我都明, 都好難入

Cynthiasia

既然報左名梗係IN完先算, 收左你,你唔讀係一回事, 佢唔收你又一回事, 都未IN就諗咁多, 唔好咁快煩住, 到時手上睇下有幾多選擇再考慮都未遲.....

Oscar媽

培正一定係好學校,如果覺得英文唔夠,咪另外搵英文外籍老師補習,中文學校出生都好好...

龍柱

我都係咁想,如果收左上到小學咪另外補英文lor! 又如果係luck draw, 抽到一間好野,咪放棄培正 P1 lor!

Oscar媽 寫道:
培正一定係好學校,如果覺得英文唔夠,咪另外搵英文外籍老師補習,中文學校出生都好好...

bb2

培正一直都係以中文教學, 但無影響學生的質素,母語教學唔一定唔好, 好多係社會上有名有成就的人都係讀培正架, 最重要係睇佢地的教學質素, 佢地有好多名人back up間學校, 設施一流.....; 相反好多英文名校的學生因為係直升的關係, 連上堂老師講的簡單英文都聽唔明, 我有朋友個仔都係讀名校喇沙, 但係佢話班內好多同學其實成績比普通屋村學校可能仲差,一樣聽唔明老師講乜........

puzzledmama

~~~~~

happypenguin

想請問，培正小學是否直升中學？(因pcps website只提及直升小一。)　又，學費如何？　THANKS!!

smallvv

如果同九龍塘名校比, 更係無佢地咁多功課及咁深, 好睇小朋友吸收能力.
我朋友個仔係名校讀, 成績好, 科科八十幾分, 都考第尾5, 個仔好唔開心, 因為返到學校同同學有比較, 讀得唔開心, 都轉左校.
個人意見, 培正 good
  

SUSANNA

我就認為讀書要睇小朋友資質, 名校不一定出高材生(中英文學校是次要). 但學校環境及同學質素就比較重要, 因為在小朋友成長過程中是與這班人相處,互相學習, 長大後也會成為他們朋友, 所以這點才最重要.

ob1

   的確，身邊常聽見很多人都說培正不好，甚至乎網上也經常有人說培正不好。

   以我多年觀察，通常說培正不好的有三種人。

1.        第一種人—每年，培正都有超過二千名學生申請報讀他的幼稚園，而學額只有二百四十個，即是每年有近二千名學生入不到培正幼稚園, 亦即是每年有近四千名學生父母(相信申請者大都不是單親)落選，通常說培正不好的都是這些家長中的一小部份，他們排咗幾粒鐘隊報名，搞咗一大餐恨到流口水但又唔收，仲唔痛之入骨，怨聲載道，Ｘ聲四起咩！梗係會四圍同人講呀、上網唱衰呀咁啦！搞到其他家長人云亦云，也以為培正不好。佢唔好點解咁多人排隊到似輪米咁？又唔見間間幼稚園咁多人排隊？

2.        第二種人—每年，入了培正小學但學生追唔上功課、測驗，考試唔合格而要留班，第二年都再讀唔掂而踢出校的學生父母，或學生小六成績包底上唔到中學的父母又有一小部份都說培正不好，老實講，讀培正追唔上，讀其他傳統學校成績就會好叻、會考就會好醒咩？

3.        第三種人—自己子女讀唔倒好學校，要為升小、升中頭痕，十分無癮兼唔抵得的父母又有一小部份都說培正不好，Ｘ之而後快。

   培正好唔好，要看學生本身資質，有人可以中、英、數次次測驗考試100分，會考10A/8A；有人可以測驗考試唔合格而要留班。

  一句說話，如果你認為俾子女入讀培正是浪費了他的潛質，你咪唔好報讀囉。

  所謂浪費了潛質的意思就是你認為自己子女資質好掂、潛力好勁，將來成就一定會高過培正出品--如諾貝爾物理學獎得主崔琦(普林斯頓大學物理系教授)、數學界諾貝爾之稱的費爾茲獎得主丘成桐(哈佛大學數學系主任)、前科大校長吳家瑋、前浸大校長謝志偉、現任浸大校長吳清輝、戲劇大師鍾景輝、財政司司長唐英年、張鑑泉、李鵬飛、近日非常出位的億萬富豪南太電子老細顧明均……等等人。

   還有，政府規定本港所有(五百多間)官津小學一定要用中文(母語)教學，何以用中文教學的私立(可自決教學語言)培正小學就成日俾人話唔好？

   中學用母語教學唔好？香港有幾多問中學上堂唔用母語啊？培正創校百年，一直用母語教學至今，以上培正出品都出自母語教學。就算將來培正中學這所傳統名校轉直資，可以自決教學語言，培正都堅持用母語教學，這是培正擇善固執的信念，不需人云亦云。

[size=large]如果認為(母)語教學唔好的阿媽們，請你們平時教仔果陣就唔好用廣東話嘞

smallvv

ob1
講得好   

milk2004

ob1
講得好        

vhunghk

ob1,

Excellent!!!  

Although I cannot fully agree with you about three types of persons against  培正, I do agree with you about the below statement.  Most of the primary schools are using Chinese as a media, even some famous schools e.g. St Mary, Heep Yan.

"還有，政府規定本港所有(五百多間)官津小學一定要用中文(母語)教學"

Studying 培正 primary school is not inferior.  

ob1

Smallvv/milk2004/vhunghk:

多謝支持！

呢度咁多家長，邊個認為培正有D咩地方唔好既唔着既，唔怕一次過數晒出來大家傾傾吖，唔駛咁多人成日一得閒就上嚟呢度問，在下願聞其詳。

horsecaller

咁又唔駛咁激......

叫得討論區, 就當然會有唔同0既意見啦 !!

我細個住屋村, 中學讀中文中學, 經過咁多年0既努力, 最後都擁有兩個碩士學位......

香港0既家長想小朋友英文好係可以理解, 讀中文中學唔一定英文差, 但係正常0黎計, 讀英文中學0既英文, 平均都會比讀中文中學0既好, 呢個亦都係一個不爭0既事實, 所以無謂拗, 家長當然會緊張自己小朋友0架啦, so, Take it easy !!  

Alanhoky

[quote]
puzzledmama 寫道:
請容許我對呢個topic, 發表一下個人意見, 千萬不要介意,睇下就算!
我兩個細佬,都係讀培正kg 及小學的, 我亞媽當年係好有期望,好悉心栽培兩個仔入培正呢間名校的,反而我地d女就"求其"派位,入讀英文書院的,所以我地係培正

ArgusMum

真係唔明白為何每到學校收生期,就有人出黎講間學校有幾唔好,最初講YORK,跟住到根德園,而家到培正開始收生,又去講培正....大家都知此幾間學校每年都大把人掙住讀架啦,佢地要講到人地咁差,係咪以為D家長會咁無知聽完佢地既發表就放棄,佢地既目的就係想個個唔同佢掙,等佢既小朋友機會大D??
客觀既發表對家長係好,但唔好中傷間學校麻....作為過來人,好明白明年入讀K1小朋友既家長,已經為選校而頭痛.仲要聽埋呢D傳言,攪到唔知點揀好,好慘架....
ARGUSMUM