全日幼稚園

chunmame

Hello!
我想問如果咁細個就要讀全日, 會否很可憐.
咁長時間在學校, 會唔會好悶, 好掛住屋企, 難適應, 以致返學返得唔開心呢.
其實我屋企有人揍我個仔.  是否一般都是家長要返工才給小朋友讀全日班呀.
讀全日班是否真的會乖D有規律D呢?
請指教.
Thank you.  

monmon987

我以前係幼稚園老師,我答你呀:
讀全日班的家長有兩種,一種要返工,一種真係想佢學獨立的,但多數都係要返工的為多,因為若要申請學費資助又要讀全日班的,一定要父母都有返工,先可以申請。
咁細返全日班會唔會難適應?其實都要睇返你個小朋友,不過多數好快就會適應,只要你肯放手,唔好成日俾佢見到你係個窗到望,佢就會好d。讀全日班的小朋友會真係會獨立的,冇咁倚賴,因為佢係學校會學識食飯,刷牙,擢被,穿衣......好多平時係屋企要媽咪做既野。都係會有規律d,因為日日都依個時間表行,知道睡前刷牙呢d野。

chunmame

monmon,
好多謝你的回覆呀.
但咁長時間在學校, 會唔會好悶呢.
定係佢地仲開心, 有得玩呢.
因為好似佢地咁細, 要咁長時間在外面. 放學返黎, 沖完涼, 食完飯, 玩一陣就要sleep啦.

chan803

chunmame,

我個囡足兩歲就返全日制幼兒學校, 問佢返唔返學, 一定答返.  有幾次想佢係家中休息, 佢都唔肯.

揾到間好的學校, 返全日應該不會有問題.  係學校有咁多同學仔同佢玩, 又點會悶呀?

kao

返全日班可以學習獨立
都幾好架
而且若是獨生子女o既話
仲可以俾多d機會同時間佢地去學下點同人相處添