女兒的人際關係,好頭痛

parrot1214

我個女成10歲啦.但是她其他人相處唔係好好,
我已經比佢参加一d團體活動,等佢多d同人相處.
但係始終沒有太大改變,
而且最近發覺個女有d唔係好想返那團體活動.
快升中了,真擔心她.這問題已纏繞了五.六年.
可有解決良方?

Gace

what kind of orgnization did you ask your daughter to join?
I would recommend you to let her join organization such as red-cross, girl guides.  
From these organization, she will really get to know real 'close' and 'good' friends as these organizations stress on team work heavily.

Irene_BB

你有無問吓學校啲社工呀 可能佢哋比到啲議見妳喎

BillyM

「唔係好好」是甚麼的意思？是她不願和其他人溝通定係會得罪人？

tkkmama

你女係米獨生女呀??

parrot1214 寫道:
我個女成10歲啦.但是她其他人相處唔係好好,
我已經比佢参加一d團體活動,等佢多d同人相處.
但係始終沒有太大改變,
而且最近發覺個女有d唔係好想返那團體活動.
快升中了,真擔心她.這問題已纏繞了五.六年.
可有解決良方?

parrot1214

我個女的確是獨生女,已参加了女童軍,自小二左右小學內已有校工幫過她,但校工曾想幫她開file,我又怕會令她,好似將佢區別咗做一d問題兒童咁,所以我沒有開file.怕影響佢升中.
已参加了女童軍,但在女童軍她和其他人相處也不好,佢經常話d比佢大過的女童軍唔好,大的唔做嘢(如洗碗,拿重東西,攪小圈子等)要d細的去做.嚟緊長假期會有camp,佢話唔想去,問佢,佢話想同屋企人過.都唔知係籍口定真係想同企過.
儀容都有d問題,因佢有濕疹,但勸佢搽多d藥膏,佢又唔係好積極........你話係咪頭痛呀!

parrot1214

佢就係致命傷,好計較,唔積極,點教點勸都係咁.你話死唔死呀!
唔係好覺有好朋友,(D朋友時好時壞),又無表兄妹(個個都細佢7,8年).日常生活無咩特別.返學放學,補習班,活外活動一星期一次.上下英文班咁.

Midagemum

我女女以前都係甘，現在有很大的轉變。
係唔係又係對她要求好高，成日不覺意(有時係特登的)螺她同其他人來比較，所以她都用甘樣的要求來要求其他小朋支，試下欣賞她多的，俾的時間她，多的鼓勵﹐等她有的自信心，甘她可能會順氣的，亦會同你做好朋友

parrot1214

本人性格,都可以話孤癖,因為我好少同朋友keep in touch,尤其離婚後(女女1歲度),女女唔係同我住,但日日都會見.
我又無問女女要唔要人分享歡樂與憂愁呀,有時問佢,佢學校d嘢,佢又未必會答我.

judy

有正确之觀念，自然為正确之行為。

讓女兒多看書，特別是讀一些性格豪邁作者所作的書，或歷史書，感受些大場面，對樹立良好性格有帮助。

parrot1214

可否比d書名我参考下.佢都好願意睇書.好似偵探書.
最近佢好喜歡看一套-青春系列的書.好唔好呀?

Yukyuk

俾您參考下:-
  
教 孩 子 發 展 人 際 關 係

    　孩子離不開父母，需要朋友。您的孩子會受到同學的排擠嗎？什麼的孩子，最容易受同伴排擠呢？如何幫助孩子適應團體生活？以下提供您一些增進孩子人際關係發展的方法。
q 儀容服裝整齊清潔
q 鼓勵孩子經常面帶微笑
q 不強迫別人做不喜歡的事
q 鼓勵孩子在能力範圍內多幫助別人
q 與孩子的朋友或其家長保持友好的關係
q 多和同學打招呼問好，多讚美別人的優點
q 待人真心誠意有信用，不欺騙，不捉弄同學
q 鼓勵孩子邀請鄰居小朋友或同學到家裡來玩
q 鼓勵孩子思考：如果我是他，我的感覺是如何？我會怎麼做？