請問邊間好D, st. catherine or 根德

happybibi

我個仔仔係根德園讀緊k1, 功課多唔多, 暫時未知道, 不過我侄仔以前讀過, 佢媽咪無物點理佢功課, 後來去左SFA, 佢極力推薦我地比仔仔讀, 講到我老公好鐘意根德園, 結果仔仔就由一間活動教學的幼兒園轉去根德園.  其實我自己有些抗拒傳統教學, 我比較鐘意活動教學, 所以當時心情好矛盾, 不過好好彩, 仔仔竟然話好鐘意根德園, 我個心安樂左好多.

其實我覺得兩間幼稚園好難直接比較, 好似橙同萍果, 只可以說適唔適合自己的小朋友以及家長對學校的期望.  盡量了解自己的小朋友以及學校的教學模式, 再加上自己的需要, 才作決定啦, 其他人的好, 末必一定適合自己的, 相反亦然.

monmantong

I would say they are both very good kindergartens, that's why a lot of parents really love to send their kids to these 2 schools.
I think parents should evaluate which one is suitable for your kid's character and your situations, not only base on their sex, or its reputation.

how the kid behave, and what he/she will be, not
only rely on school, as kids only spend 3 hours. The home education, parents' role are more important to raise up the kids.  

HuiTung

兩者的確不相伯仲, 都要看父母的態度.  我都知有K1 Kentville 生每天放學去補習, 唉! 太過份了!  

Joy_E

聽人講∼（相對而言）st cat 英文好，kentville 數學好
其實兩間都係唔錯既學校，相信讀其中一間都好，我囝囝讀kentville，因為我hb較鍾意（佢話想囝囝數學好）

starfox

HuiTung,

我覺得只是傳聞, 我唔覺得K1 Kentville 生需要每天放學去補習.  其實Kentville唔係一間十分傳統的學校, 我女女每天都在愉快中學習, 回家後亦不需溫習, 但她可以完整地告訴我今天在學校學了怎麼,完全不用家長操心.

Bambi

我仔現讀小一, 最近見到老師我問佢亞仔在學校表現如何, 老師就話佢好乖, 好自動自覺做堂課, 各科表現都算叻. 我相信佢係典型根德仔.
其他kinder我無接觸過, 評論唔到, 但有數得計, 根德學費$2,4xx, SC$3,6xx, 差成千銀我拿來請人教英文我唔信唔叻, 而且kent英文根底唔差. 唔係一定有net英文就好架.

chanwyf

兩間都未面試, 咁好彩兩間都收先算啦...我講我自己個仔呀!

Fionyiu

two kinders are my dream schools.  Let my son to study Kentville in am class, go to St catherine in pm class. hahah.....   

meichi

St.C真係日日都有外籍老師教英文，不過就由以前既45分鐘到而家既25分鐘。不過Phonics真係教得好好架。
K.1真係好輕鬆(不用寫字，只係畫下線條)，不過到K.2下學期開始就會谷一大堆生字、配詞、筆劃等等，K.3谷埋填充、重組句子、閱讀理解、標點符號、續寫句子等等。但係就真係有外籍老師同你日日講英文故事，我朋友特登遲d湊個女放學，就係為左個外籍老師可以同佢個女多講英文。
St.C畢業通常不能自己處理功課，中文概念冇咩，數學唔夠強，但係英文真係唔使你理，英文默書好輕鬆。
根德由K.1已經教小朋友認字讀配詞，差唔多下學期就寫字，不過就冇外籍老師同你講故事教你拼音，但係都有教vocab，Conversation等等。Maths有數下數、比較、畫波波。K.2就加埋寫筆劃，寫配詞、睇圖寫字，相反詞，同音字，口頭作句，睇圖作句，聽故事問問題。數學Mental，比較，前後數，加減數...英文大細階，vocab，Conversation。K.3就加埋閱讀理解，標點符號，默書。數學加埋文字體,IQ題等等。
小朋友係根德畢業，就會發覺佢地中文文法，作句子，硬筆書法都非常好，佢地作句通常會用自己識寫既字去諗。數學心算都好好。英文一般。

英文好St.C
中數就根德
講到尾兩間都係好學校，唔係都唔會咁多人報名= =

Bambi,
我非常認同你拎千幾蚊搵人教英文呢句話。
所以我都係俾囝囝讀根德。

starfox,
根德K.1出去補習不是傳聞，我朋友兩個仔就係咁。
St.C一樣K.1就出去搵人補中數。

mrsmickeylai

多謝各媽咪資料!其實內心有D矛盾,見

happybibi

其實所謂k1補習, 係唔係去playgroup玩呀?

我侄仔k3時可以自己一個看英文版snoopy漫話, 當時我好impressed.  其實這樣的英文程度是否算高?  足夠應付小一嗎?  選擇根德園的其中一個原因, 都係希望佢升小一時, 容易適應.   唔好意思, 好似有點離題. 有無媽咪可以比意見.

meichi

happybibi,

我既朋友K.1係去搵人補中英數
不過佢地搵果個係根德既old teacher

HuiTung

happybibi,

我知個位就唔知係咪去playgroup, 只知放學坐校車唔係返屋企, 而係去補習社!  聽講佢姐姐(入了DGJS)以前重補得犀利.  但坊間的確有這類補習社, 其中一間是小X元.  什麼SC補習班, Kentville補習班 ...   我時不時就見佢地在校附近派單張.

要提升小朋友英文程度不能單靠幼稚園, 父母才是最好的人選.  相信妳侄仔的父母也曾為他下過苦功吧?!

happybibi

Hi Hui Tung

這類補習班有沒有用, 我唔肯定. 不過暫時唔打算讀啦.  

侄仔媽咪話在根德園的三年, 是honeymoon, 沒有上什麼補習班/面試班, 亦沒有刻意跟他的功課, 侄仔自動自覺做功課, 跟本唔須要佢操心.  放假就帶侄仔遊mtr河(侄仔係mtr超級fans), 同去圖書館睇書, that is it.  佢係working mom, 除左返工, 佢所有時間都比哂個仔.

侄仔係SFA成績唔差ga, 次次考試都係頭三名.  不過我唔sure佢係唔係個別例子.

我也認識另一個極端的例子, 佢好緊張個仔成績, 因為根德園唔會通知家長幾時有評估, 佢就日日都好緊張, 成日逼個仔讀書, 好彩個仔好聽話, 不過佢就要睇心理醫生.

HuiTung

happybibi,

咁我都鄧妳高興, 有個咁高自學能力的姪仔.  多D入去我地個chatroom分享呀!  

ec822

happybibi
你比了我信心.我仔仔現讀開心幼兒園.我怕佢讀根德會不慣.你的例子讓我放了些心.

咁你個仔是"淑"於那類型的小朋友?

happybibi

ec822,

我用左唔同既方法去問仔仔, 鍾意以前既學校, 定係而家既, 佢次次都會答根德ga, 反而我自己仍然留戀以前那間, 因為家長和老師的connection 好close, 重可以偷睇仔仔上課既情況. 而家就無可能了.  我同老公開左好多次家庭會議, 先至決定轉校ga.

其實諗諗下, 侄仔可能係個別例子, 佢唔算文靜, 因為佢把口唔停, 又好 “古惑”,但係佢對各類運動完全沒興趣, 最鍾意mtr同睇書(睇好多), 電視只睇警訊, 後來識睇報紙, 就只睇港聞, 好似有D怪.

Hui Tung,
我都有留意chatroom ga.  大家都好似幾滿意根德園.  我都想參與, 不過一來沒什麼可以分亨, 因為仔仔唔係好講學校既野, 只係講好開心, 好鍾意根德園, 病左無得返就唔開心(以前唔會ga); 二來自己要爭取spare time 讀書, 因就快考試, 所以好少留言.  呢幾日老板出trip, 有時間清了手頭的工作, 才有空閒寫幾隻字. 下個禮拜, 又開始緊張刺激的office生活啦.

ArgusMum

其實兩間學校各有各好,真係好難去取捨既...我上年都唸左好耐先決定揀根德架.
我好同意Bambi既講法,而且st.catherine K2開始學費又再貴D...
我nephew都在st.catherine畢業,無可否認,佢地英文好犀利,佢讀左3年,我都無咩見過佢有功課做,亦都唔知佢在學校學左咩(以前我未結婚,nephew又係我媽媽湊,所以我日日都見到佢放學好得閑),但佢地考小學又得喎.而家佢在SFA讀緊3年班,成績都好好,仲入左咩知優班,不過我家姐都話佢讀一年班時,無咩自律性架.
佢有D同學仔係KENVILLE上去既,就明顯乖好多架..
所以各家長真係要三思下,無話邊間好D既...兩間都好好..
千萬唔好好似另一間幼稚園咁攪到似鬧交呀..
ARGUSMUM

CD

我囝囝讀緊St.Catherine  K3, 其實佢地吾係無乜功課ka, 每日最少有兩樣, 最多4樣, 但相比Kentville, 可能比較輕鬆。

其實, 我覺得兩間都係好好o既kindergarten, 不過揀邊間, 就要問o下自己想子女接受邊類形o既教學方法。

ArgusMum 寫道:
其實兩間學校各有各好,真係好難去取捨既...我上年都唸左好耐先決定揀根德架.
我好同意Bambi既講法,而且st.catherine K2開始學費又再貴D...
我nephew都在st.catherine畢業,無可否認,佢地英文好犀利,佢讀左3年,我都無咩見過佢有功課做,亦都唔知佢在學校學左咩(以前我未結婚,nephew又係我媽媽湊,所以我日日都見到佢放學好得閑),但佢地考小學又得喎.而家佢在SFA讀緊3年班,成績都好好,仲入左咩知優班,不過我家姐都話佢讀一年班時,無咩自律性架.
佢有D同學仔係KENVILLE上去既,就明顯乖好多架..
所以各家長真係要三思下,無話邊間好D既...兩間都好好..
千萬唔好好似另一間幼稚園咁攪到似鬧交呀..
ARGUSMUM

CCheng

My boy is studied in SC's K3.

Their topic for this week is "Leaf".  When I came back from work tonight and my boy told me that today he went to 2 nursery class and 1 upper class to share and talk in front of the students on what they discussed and found on the topic.  I was also surprised to learn that his class teacher has used the "Mindmapping" method to explore on the topic and let the kids to think and learn through it.  It's amazing!
I think SC teach the students on their independence on thinking and build up their confidence in many aspects which I'm sure they'll benefit from these in future.

As for the homewok, my son can finish them on his own (although my maid may help him for the English one) and for my checking after I came back from works.   So not only Kent's students can do the homework on their own but SC's students also.  It's depends on the personality of your kids and how you train them.  

Anyway, I'm sure that my decision is right and that's what I want my boy to have for the start of his school life !