【認知】課程有冇人試過？

丸媽媽

請問你們有否接觸過這課程?
http://www.mindmaster.com.hk/02.htm

早於兩年幾前，已見在都市日報賣廣告，曾經亦上過佢地度聽簡介，但聽完都未係好了解，而且費用都唔平,全套課程分為四級,初/中班各$2300/六堂; 高/深造班各$2600/六堂,即係全套課程共24堂接近一萬大元,真係要清楚了解先決定報唔報

請大家分享下．．．

melisa

是妳自已報讀？還是讓孩子報讀？

LAVAN

我個仔last year 讀過,真係幾貴, 不過我覺得有小小用!!

不如你講下點解你想你的小朋友試試呢??   

丸媽媽

Melisa>>當然係仔仔讀啦

LAVAN>>你仔仔幾大? 是否完成晒全套課程?
兩年幾前聽完佢地簡介,當時聽完都唔多明學習內容意義何在 佢地講就講到目標好理想,但又冇太清楚解釋所學內容何解對小朋友有咁大影響力
不過最近有朋友仔仔(升P.5)上年年尾開始讀,讀完收效好大,原本佢媽咪比佢讀,係因為同仔仔關係愈黎愈差,仔仔往往一言九頂,但讀左之後,仔仔真係頂少左父母,相對佢地亦鬧少左個仔,讀書又自覺左,結果成績由全級中位考到前幾名

見佢個例子咁成功,之後都有其他朋友幫仔女報,但佢地就話收效未必個個都咁大,所以想收集多d意見,看看是否值得比仔仔試

LAVAN

丸媽媽,
我仔現在也是五年級. 他在今年三月完成課程.
既然你聽過簡介,你應該知道課程的 main point 不是令到小朋友成績一日千里, 而是要改善家庭溝通及關係, 俾小朋友有自省能力,撻箸他們內在潛能,從而得到適當的發揮.----以上是個人觀感.   

所以我想你先要清楚 : 點解你想你仔仔試 ?? 是想他的成績猛進鴉? 抑或改善脾氣態度. 如是前者,我相信認知課程沒有幫助, 如是後者, 或者可以一試.   

丸媽媽

LAVAN>>好多謝你意見
我仔仔本身有專注力缺乏症,以致對讀書有好大問題,長期挫敗好影響自信,課堂學習動機又愈黎愈低,上課睡覺,逃避做功課,刻意唔抄手冊,老師或同學幫埋佢抄都擦去部份要做功課 :-x 所以好希望幫佢改善呢d唔好心態

至於佢脾氣、家庭溝通及家人關係,總算過得去,呢d反而唔太擔心。

照你了解,這課程對改善學習態度有否幫助?  :-|

LAVAN

丸媽媽,

其實我都檬查查, 不過我也想和你分享下!!   

我仔性格內儉,有心事不懂表達,又固執己見,不接受引導,使我很頭痛; :cry:  :cry: 同爸爸火星撞地球,經常無謂爭辯,佢當然唔夠老豆拗,所以成日因小事而   
個人愈來愈唔開心,令到我好擔心;讀書方面無心機,做功課求其,易哭 ........ :cry:  :cry:

而家讀完course, 我發現有些改變, 他 仍然固執,但會控制自己情緒,少了哭泣,多了唱歌,肯自動睇書(不過尚未能全本睇完),肯聽人引導,總之我覺得他大過o左, 冇o甘 bb.   

但這些改變關 course 事,抑或是他大了一year的自我成熟,就不得而知咧.

LAVAN

丸媽媽 寫道:
這課程對改善學習態度有否幫助?  :-|

我覺得若家庭/家長能夠配合, 這課程對小朋友有幫助     

丸媽媽

LAVAN>>多謝你詳細解釋,我都問過幾位朋友意見(讀緊/讀完),comment與你所講差唔多,相信我會比仔仔試,起碼肯定呢個課程唔係亳無價值

Anyway,多謝你熱心o既回應!  

LAVAN

唔使客氣!!!