介紹藍田區幼稚園-06年讀k1小朋友

janetlee

本人仔仔今年6歲讀k3，在藍田平田玄園幼稚園就讀，
這間學校不論校長､主任､老師､嬸嬸都非常和藹可親，
我記得我仔仔初入讀k1時大便不感去廁所，攪到成日賴，
但d嬸嬸及老師無罵他，仲好有耐心教佢，因我仔仔好怕羞，
仲有我仔仔初入學不肯同小朋友一起玩，只有睇住其他小朋友，因佢怕d小朋友撞佢，好在個主任慢慢比佢建立自信心，
所以咁多年佢無話唔肯返學，佢仲不知幾開心。
如有興趣家長，不彷本星期日(10月23日)到此參觀，因為當日他們舉行開放日，有好多食物及遊戲玩。
地址︰藍田平田村平善樓地下-Tel :2243-7116
無介紹錯。  

柏仔媽咪

jenetlee,

你好!我都留意緊呢區的稚幼園, 因為我要報全日制的,所以選擇好少, 我有睇過聖公會慈光幼稚園, 唔知你對呢間幼稚園有冇認識呢??可唔可以評價吓呀?同埋我想問吓玄圓係道教團體主辦嘅, 咁佢係咪會同小朋友講道教的典故o架?

janetlee

柏仔媽咪 :
聖公會慈光幼稚園呢間學校是否是康柏苑停車場頂個間呀，(對面以前是志蓮靜園呢)？
而有關圓玄幼稚園他們是沒有道教書本，亦不會講道，他們同彿教及基督教完全不同，我知道彿教學校是要參拜，基督教要讀聖經及聽聖經故事又要返埋教會，但圓玄幼稚園完全無呢樣野，入到學校裏面唔睇校名都唔覺係道教學校，仲有佢地每年都設好多獎項及獎學金，鼓勵 D 小朋友同家長一起學習，有進取心，所以我覺得學費不貴而又 OK ，因此值得一選。

柏仔媽咪

janetlee,

冇錯呀!係响康柏苑停車場頂嗰間呀, 你對呢間幼稚園有嘜評價呀?我揾到佢全名係"聖公會慈光堂聖匠幼稚園"呀!

janetlee

據我所知此間幼稚園有好耐歷史，我細老今年25歲佢都係讀呢間幼稚園，仲有我有個朋友在這裏教幼兒班，佢話近呢幾年因為出生率低，攪到收生不足(因 D小朋友父母返工大多數讀幼兒園)，而有 D 讀金麗(因金麗程度高)，所以佢地比其他幼稚園差了許多，因沒有錢。

柏仔媽咪

Janetlee,

哦!原來係咁, 唔怪得我去呢間幼稚園時聞到陣陣臭味啦!
但係金麗冇全日制, 所以我冇打算去呢間嘞!咁玄園幼稚園啲程度又如何呢?其實小一派位會唔會受幼稚園的名氣影響呢?

哦!玄圓係唔會同小朋友灌輸道教思想O架?咁都好啲, 因為我對道教冇認識, 只係知有道館打齊呢類嘢, 所以我唔係咁想小朋友咁細個就被灌輸呢啲迷信嘢咁囉!其實我都有去過飛雁幼稚園, 我覺得環境唔錯, 不過好似設施少啲及大堂有個佛像圖响度, 所以我就冇諗呢間嘞!

另外, 我又有去油塘的天主教聖雅各伯幼稚園, 校舍夠大, 但唔知教學概念係點?

唔好意思問咁多嘢, 麻煩晒!

janetlee

圚玄有全日制，另外佢地今年好多派到德田李小強，仲有校長話如果派得唔好可以幫手寫信。

janetlee

唔好意思忘記答你程度，佢地用朗文書同埋有外籍老師又有英文班,舞蹈班, 小童軍,交通安全隊等等

柏仔媽咪

janetlee,

謝謝你的解答!