我個女個同學成日叫呀女請佢食野.....

Snow

我個女小一，坐附近個女同學，日日小息都話個銀包留左係課室。  想買糖食，叫我個女買俾佢食。  呀女諗住幫助朋友la，請左2次，日日都咁講，呀女都冇理佢。  個小朋友係有帶snack的(聽呀女講都幾豐富的)，但唔知佢爸媽冇俾零用，定係咁arm日日都留左銀包係課室?  不過我覺得個小朋友有D問題law，好似有D貪心同利用人!  佢成日都話唔同呀女玩。

我唯有安慰呀女叫佢識多D朋友仔，唔好唔開心la。


而家D小朋友咁細個就咁多計仔，定係我呀女純品?

  

以後又點好呢?  我又唔想同呀女講佢個同學.....

PinPin

我諗可能係你囡囡同學家長冇比零用錢佢~
佢見你囡囡有,咪叫你囡囡請佢食~
隔離飯香ar ma!~佢覺得自己果d冇咁好食ga!~
我個仔今年p.3佢同學成日拎d野食請佢食...我都有帶零食比佢,佢可以唔食,剩係食人果d,講左n咁多次...佢話人地請,佢冇要求人地比...真係比佢激死~

Snow

我每天都有pack snack俾我個女，俾$2零用佢，等佢有D理財觀念。  佢都冇乜買野食，係買俾個同學仔law。  如果同學無野食，幫朋友我覺得無所謂。

但最唔鐘意個同學仔如果唔請佢食糖，就唔同呀女玩黎要恊人。

PinPin

我個仔有個女同學又係好乞人憎~
我個仔用鉛芯筆,佢日日問我仔拎鉛芯,我個仔唔比佢,佢話叫d人唔好同我個仔玩,攪到我個仔好似女同學死敵咁~
到而家我個仔都話唔鍾意d女同學,好煩wo!~
果個女同學試過係校車摷另一位同學個書包拎野食ga lar!
我仔學校用八達通報到,初初個女同學週圍叫人請佢飲野,我朋友個女比佢"do"到負錢,比佢激死!一唔請就話唔同你玩~
我唔知係佢阿媽唔識教定係個小朋友本身有問題~
個女仔好貪心,成日用d舊野同人交換d新野用,借完野又唔還~我真係好想同佢阿媽傾下....

Snow

Pinpin,

我地D小朋友都幾純良wo!  我都好憎D攪屎棍，成日叫人唔同呢個唔同果個玩，成個小覇王!   

PinPin

Snow,
我覺得果d乞人憎小朋友成日話唔同人玩,攪到好似我地d小朋友唔岩~
   d小朋友點解會咁同人相處既?!

Snow

可能D家長冇紏正la。  我叫呀女唔好叫人唔同D小朋友玩，叫佢諗下如果係自己被人杯葛，佢會開唔開心，咁佢知點做架喇!  所以我都叫佢識多D朋友，唔駛同死一個玩，同學下同唔同性格暨人相處。

勞媽媽

Snow,

我個女都有遇到呢個問題,我最初以為自己個女唔好彩有

Snow

勞媽媽,

嘩!  K3 D小朋友已經禁西利！  

我已經裝滿呀女個snack box, 因為個小朋友鐘意食糖叫我個女俾錢買糖請佢食，小食部要排隊，又多人，呀女又生得細粒，佢話同人迫，排到都無時間食自己Dsnack，我叫佢自己食完先好買野食，唔好人地要乜就買俾人。  

睇左幾個case, 好似D女仔惡D!

cameo

唉,,,,我地做媽咪o既個個都希望自己個仔女可以o係學校識到好同學好朋友,每日可以開開心心咁過一日,但往往有時真係要自己個小朋友學識點去同人相處呢~~
我個女今年升小一,開頭老師話每人要預備濕紙巾午膳用,我特登買大包裝叫阿女放o係學校,但好快用晒,跟住佢話之前隔離位個同學日日都無帶,我個心唔係care一包濕紙巾o既錢,而係個女書包本身都好重,每次用完包"家庭裝濕紙巾"都要自己揹返學校,所以我教左個女,聽日重可以借,但要同個同學仔講,若第二日再唔帶就唔會再借用嘞,但間中忘記帶都要幫吓同學仔囉.........
我個女間中都係一個人小息,開頭都有幾個玩得埋,但反而後期一個人我咪唔明囉,原來當中有一個同學(A同學)成日鬧我個女,我個女唔鍾意同佢一齊,但偏偏呢個A同學就受到其他同學仔歡迎(我女話佢無鬧其他人o架),所以咪玩唔埋,咁間中我個女同吓其他人一齊,有時又自己一個,開學一個月都未搵到個"好朋友"
不過我都有少少放心,只少我睇到個女唔會為左有得跟埋一齊玩就任人鬧囉,但又覺得可能佢本身性格有D自我,所以唯有多D安慰佢要識多D同學仔先開心,,,HEHE
其實"社交"都係好重要O既一課,真係要個女自己慢慢去學呢,,heh

ling媽

不妨寫張字條話比老師知有咁嘅事情，唔需要指名道姓話係邊個同學，等老師多加留意及可於德育課/公民課中教導各同學做人道理。

小白427

我小朋友都有呢d事情發生, 呀仔叫我俾多幾塊錢佢幫佢同學俾圖書逾期費, 請佢同學買飲品.

我就同呀仔講, 呢d應該係佢地父母負責架喎, 我唔可以俾架, 我只會負責你既零用架咋, 如果同學再係咁, 你要話俾佢聽要問佢daddy mammy拎架.

後來就冇呢d事咯.

JessicaMaMa

睇過大家嘅分享，先知原來好多小朋友都同我個囡一樣。亞囡成日同我講D同學搶佢D小食，帶10粒提子，亞囡就只係可以吃到3粒，佢話D同學都有帶小食，但係就偏偏要搶佢果D，佢有時都唔係o甘開心，此終帶嘅都係佢鐘意食果D，結果就比人食哂。開頭我都叫佢忍耐一下，可能小朋友想同你做朋友，遲D佢地可能就唔會再搶，結果愈來愈嚴重，我唯有叫佢惡D唔好再比D同學'蝦'，叫佢地食返自己帶嘅小食，亞囡話好少少啦但係仍然有同學照搶，都唔知點解會有Do甘嘅細佬......

nganc9

當我個仔P.1時也發生過有一個同學常常向他借錢(但沒有還). 我便在手冊的家長通訊寫給班主任知. 之後便再沒有發生了.