有少許壓力呀! 囡囡返了一個月學, 仍是每天喊到拆天

wcms

今天老師告訴我原來我個女唔鍾意食嘢(可能佢是全班食得太慢的一個, 眼見其他人已食完, 自己又未食晒, 所以不開心), 每到返學要食早餐及Lunch, 佢都會喊, 當然我帶佢返學要離開時就喊得最犀利, 全院的家長及老師都差不多識我倆, 我都唔知要點幫佢, 我想不單囡囡有壓力, 我自己都有少許"忐忑不安", 個女喊成甘, 我驚老師不喜歡佢... 我無想到我個女會仲差過2歲的預備班學生... :cry:

承承媽媽

wcms,

我又覺得你無需過份憂慮o既~~!因為教幼兒園o既老師,某程度上都好接受小朋友食o野會慢,會喊,所以你亦無需先給自己壓力.如果你自己先有一種想法,就是你個女仲差過2歲預備班的學生,又覺得女女咁喊,會有可能令老師唔喜歡佢,咁若果女女在學校有甚麼事發生,你就會先預設了老師不喜歡她的立場了.其實初初小朋友要適應自己在學校食飯,是一件不容易的事,吃不吃不由她,吃甚麼亦不由她,尤其你女女已經三歲,有很強的自我意識,與之前在家她喜歡幾時吃/吃甚麼有很大分別.但我想你讓她上幼兒園,可能是因為無人可以照顧她之外,亦可能是希望她有多些群體生活.而你所講所有人已經吃完,只留下她未吃完,也是群體生活的一種.其實你只管由她吧~~!只要她慢慢熟習了環境,和同學玩熟了,慢慢她一吃飯就喊的情況就會改變了,而可能在學校吃得比在家快呢!

++EE

我仔now 2 years old + 7 months, 佢己返了nearly 2 個月 Nursery, 由每天喊到拆天, 先生話佢系全班食

袁太

我女個校長係未開學就教我地幫小朋友正面地睇返學。佢最鐘意咩而學校又有的就不停話佢知學校有呢樣野， 例如佢鐘意玩具就話學校有好多玩具，等佢喜歡學校。你不如試下等女女開心時問女女係學校有咩做呀、唱咩歌呀、同同學仔玩咩之類，搵到佢喜歡的就時時提下好開心播，女女係學校可以做XX。仲有避免話老師惡，例如遲到老師鬧之類。食野方面會唔會係佢太飽所以唔食? 你試下返學前俾少D野佢食，佢肚餓自然會食野，本能來的，如果佢係學校唔食其實亦無大問題播。你自己亦要正面D睇返學，你開心個女至開心架，如果你好擔心咁你個女見到就有負面情緒。慢慢來啦，俾D時間就得。

LOPO

我囝囝都係咁.
佢起初返學無喊, 但返左大約兩個星期後才開始喊 – 入學校就開始扭計, 到daddy走就大喊. 主任

chickenwing

no worry about it too much. My girl cry for two months, it's now her third month in N1 and she stop crying and mentioned she likes kinder lots.

TungTungB

我囡囡9月開始返 N1, 初初她好喜歡返學, 但這兩週開始在學校午睡她就好抗拒, 今週選還大喊話唔返學, 唔要在學校訓覺, 要麻麻咩訓. 老師話她返到學校都一樣, 上堂時久不久就跟老師話唔訓覺, 要麻麻咩訓.

今天決定午飯後接她回家了, 都不知應怎辦, 是否應只讓她返半天呢?

angelapytsang

我仔仔都係9月返N1, 第一個星期很合作冇喊過, 校長仲話可加時, 點知第二個星期就唔掂, 日日喊, 一聽見返學就喊定先, 跟住就變得好痴身, 情況好似LIPO咁, 我自己本身從事兒童工作, handle 好多case, 仲會教家長如何....但到自己個仔就唔知點好, 後來同校長傾, 比佢返一個鐘, 但情況依然, 收尾知道原來在9月第二星期時, 學校開始有d規律, 仔仔未必識守規, 鍾意某玩具又有人同佢爭, 到9月尾我就陪佢返一次學, 返到屋企就同佢唱學校d歌仔, 等佢對學校有歸屬, 慢慢又由一小時變二小時, 朝早依然會喊一陣, 但喊一下好快就收聲, 對佢來講已經有進步, 所以要比d鼓勵及多讚美, 之後就同其他人一齊放學,  到咗4/10仔仔終於主動跑入課室, 還與老師校長說早晨, 由嬸嬸至校長都很開心, 到今天仔仔都好開心返學, 冇扭計

身為父母緊張自己仔女成長是必然, 有壓力是因為眼見其他同齡小朋友都很合作, 何解自己個小朋友仍喊呢?  家長慣性會與人比較, 其實比較就是壓力,  我自己都係, 要學習放鬆, 不要比大家太多壓力, 以一個2歲小朋友, 要適應新環境是唔容易, 嘗試多觀察及請學校幫手, 教育一個小朋友是唔簡單.各位媽咪! 加油! 有時間希望可以上bk多分享, 交換心得     

wcms

多謝各位媽咪的鼓勵及分享, 其實我之前不太耽心, 我亦預佢會喊, 正如其中一位媽咪講, 我是落在比較的圈圈內, 我不開心正由老師告訴我他與其他小朋友不同(即麻煩些), 我心想無理由我個女會最差... 我已在家同佢唱學校曾教的歌仔, 佢都仲話返學唔開心. 我屋企人好緊張, 我媽及姐話我比佢返全日嚇壞左佢, 仲提議我幫亞女轉半天, 但我唔想寵壞個女, 讓她返全日校都係想佢能自理多些, 總不能因小小問題就却步, 對孩子成長亦不健康, 可能壓力就因此而起, 而且每天返學都比所有家長怪眼看...這感受難以說明.