巨鯨游泳會

ink

請問各位沙田友，巨鯨泳會掂唔掂呢?  或者有無泳會可推廣吓? 謝謝

kens223

巨鯨ok ge...(基本四式)
泳天及海獅都掂..(操水)
史丹福就方便家長-室內池(基本四式)
小弟教左3年泳天...家下史丹福

ink

kens223,

唔該晒，係咪要學晒四式先可操水架?  

kens223

ink 寫道:沒錯...學完最好練多一排先..練熟四式同d體能先.
kens223,

唔該晒，係咪要學晒四式先可操水架?  

jenly

雖然佢哋真係人多D，咁至證明到佢哋有料到，如果唔係，巨鯨泳會邊有咁多學生，啲家長唔喺盲嘅。佢哋有两個副總教練都係喺著名嘅大學畢業，有兩個高級教練主任都係大專生，其他教練最少都有F5畢業。個個教練都斯文有禮。嗰D教練都冇人走過，證明非常資深。喺度學游水嘅學生都喺斯斯文文，學生家長大多數都係專業人仕，例如:校長、學校主任、律師、醫生、政府公務員等...。點解我知咁多，因為我個囝囝喺度游咗2年幾，今年沙田區學界仲破埋紀錄，佢哋冇攪泳隊幾年，而家攪番，真係唔講得少，我自己親眼見到起碼有十幾個7-8歲嘅小朋友游50m自由式唔駛40秒，你話犀唔犀利！沙田圍呂明才小學女丙能攞到今年沙田區小學校際賽團體冠軍都係全靠佢哋訓練嘅學生。如果你見到有鬼仔鬼妹喺度學游水或操水，一D都唔出奇！因為我見過唔少。只識講英文唔識講中文嘅港人小朋友(可能喺讀國際學校)都好多。你哋有冇見過佢哋周圍賣廣告呀？佢哋學生多到做唔切，重駛乜賣廣告賣到通街走！佢哋今年嘅暑期班聽講又爆棚，唔想執輸就打個電話去問吓仲有冇位好過喇！咁有份量嘅泳會你哋唔揾，成日話要就腳，名校夠唔喺左近喲，又咁多人唔怕遠！

ink 寫道:
請問各位沙田友，巨鯨泳會掂唔掂呢?  或者有無泳會可推廣吓? 謝謝