有無讀過"大窩口聖尼哥拉幼兒園"呀

pyh

請問有無學校近況?
有好多野想問?

hehehaha03

我朋友教個這間學校，她說環境不佳，教師質素都麻麻地，最後她也沒有教下去。

pyh

環境是不佳,舊舊的.又收生不足.
不過老師好nice呀.
thankyou.

羊咩囝

PYH,其實我個人認為校舍裡面環境尚算清潔且地方夠大,不過最慘是行六層樓咁高,我仔仔行到二樓已經話好辛苦要抱抱,幼兒班個導師真的好好,我很喜歡她,但我最後都無俾仔仔入讀,原因是個主任佢要我俾仔仔入讀暫託,原先話兩日觀察表現,但兩日變左四日,但四日後至今都無答案給我,最後放棄了!

pyh

羊咩囝
點解主任會咁呀?
上星期面試時,她叫我考慮清楚,
怕bb婆婆唔願意bb返全日.
校舍有d地方,只有半身牆,好怕會危險?5樓咁高.
bb11月才足2歲,才可上學.
唔通現在真的無位,但11月有??
所以收我bb??
現在羊咩囝bb去邊間讀呀?
我重未決定呀.

羊咩囝

PYH,
羊咩囝宜家讀緊海濱迦南幼兒園,SO FAR OK! 但估不到阿仔返左一個月多D,常規秩序學得都好好,返來都自己學會除鞋同放好原位,吃完飯亦會用手巾抺咀仔,呢D野係我無EXPECT佢會咁做.

我發覺聖尼X拉收生不足唔多唔少同佢收生手法有很大關係,我自己覺得個主任有少少問題,我唔明整整一個鐘半面試當中,已經好清楚了解小朋友的個性同特質,就算要暫託試讀亦無問題,但為何一日推一日,DAY1 & 2話有新同學仔入,易哭要處理先,無留意到仔仔情況融入與否,眼見個仔跑去隔離高班到,都無人理會,接著就打電話來叫我加日數(暫託),我無理會佢地,而佢地亦無再跟進,手法好差!

其實佢地有樣野都幾好,無咁多費用交! 六樓對於我而言都實在太辛苦咯! 而且我唔鐘意佢地無班房兼兩班一齊上堂,大仔帶幼兒班的同學仔去洗手間,2個老師睇廿多個小朋友,我最担心是走火警,咁細個小朋友點走呢?

pyh

海濱迦南都收了我仔仔,下午班.
請問羊咩囝是否下午班??
我其實都唔多放心bb返全日,
"聖"個位會留到10月中比我,
我見真是兩班一起上音樂堂,約12個小朋友.
我想快d決定,放番個位比其他小朋友.
迦南又要注冊.

羊咩囝

PYH,
我仔仔讀上午班黃組,我所知迦南上午班一早已經爆左LA.宜家只得下午班.
你不如試幾日暫託了解一吓先,可能小朋友會喜歡呢? 其實全日同半日都無所謂,最緊要是學校能夠提供安全的學習環境俾小朋友暢遊.
就我自己而言,都是喜歡小朋友讀半日,半日返學半日在屋企瞓覺玩吓又或者落公園,始終只是個兩歲小朋友.

pyh

羊咩囝
見解相同,多數都是讀半日哪.
bb11月才足年歲入學,上午班是無機會入.

羊咩囝

唔緊要喇! 上/下午班都是一樣,最重要是小朋友愛返學,我仔仔一早起身就話要上學去,自己背書包添!

pyh

羊咩囝
咁就好哪,小朋友喜歡上學,
迦南都記一功.
今日要去迦南辦手續哪.紅組.