小學新生如何處理被同學推跌受傷?

JIA

我的小朋友是小一新生,第一天上學小息時,在課室走廊外被另一班的一名小一學生A不小心推跌受傷, 他告訴A的班主任,使A被

Dickyma

跟他的班主任講.

麟媽媽

我仔讀男校，呢D碰撞時有發生。
真的好難避免的，那個都只是個返左幾日學讀開幼稚園的小朋友，佢都未適應小學要守規則的生活罷！
我仔試過比人撞到眼鏡都曲埋呀！老師打比我，說已告誡過那小朋友，我都說唔要緊喇，男仔都係咁的了。
叫你個小朋友亦要留意，行路唔好只望地下，見人家跑自己便靠埋牆，學校好多「沖風車」架！

Teresa

"意外"就在2日前發生在我仔仔身上。

仔仔回家，哭著說同學掛在校服的名牌（小一生要掛的名牌）刮損，學校幫他搽了藥水。第二天，班主任打來，說原來我仔仔也有用ruler刮同學手臂，搞到同學仔手臂有多條痕。。。

班主任這樣說，我很愕然，也很embarrass和慚愧，我仔居然會如此頑皮，做出這種行爲。班主任很好，說已經要我仔仔和同學道歉，只是告訴我此事希望我教教仔仔。而幸好同學仔媽咪明白事理，沒有追究！

回家訓話一輪，知道原來仔仔和幾個同學用rulers當劍玩。最後，我和仔仔買了一包糖果，要他自己寫一張道歉卡送給同學道歉。希望仔仔以後乖乖，驚一事長一智好了！

如果你是我，在這種情況，你會怎樣做?

Bluestar

這些小朋友的行為，只是頑皮，貪玩，其實無惡意。

Teresa 你這個"要他自己寫一張道歉卡送給同學道歉"辦法很好，我會記住，萬一日後要用到。

我個仔那班，有2個小朋友取去同學的單行簿(不是學校簿)，撕出白紙來摺紙飛機送給其他同學。
老師知道後，有訓話，並告訴該2位小朋友，可能要賠返本簿給同學。
我個仔有收到紙飛機禮物，但告訴我他很害怕老師以為他有份naughty，個心bup bup 跳。幸好老師知道不關他的事，沒有鬧佢。

麟媽媽

Teresa,

哈哈！這便正是男校時有發生的事了！
舊年我都擔心的，原來個仔一個在家好地地，
但一班男仔一齊時，曳到吖！
要寫類似的事，真係有排寫吖！

現在我覺得，孩子之間的事，
要孩子自己解決，咁佢地會學了如何應付同面對。
點做法？好難講，個個case唔同。

judy

要孩子自己解決，咁佢地會學了如何應付同面對。

講得好！小朋友推跌受傷，甚至打交，很平常。家長聽完小朋友訴說，聽吓就算，咁小朋友心胸都廣啲。

kookooloo

麟媽媽 寫道:
我仔讀男校，呢D碰撞時有發生。
真的好難避免的，那個都只是個返左幾日學讀開幼稚園的小朋友，佢都未適應小學要守規則的生活罷！
我仔試過比人撞到眼鏡都曲埋呀！老師打比我，說已告誡過那小朋友，我都說唔要緊喇，男仔都係咁的了。
叫你個小朋友亦要留意，行路唔好只望地下，見人家跑自己便靠埋牆，學校好多「沖風車」架！

-----------------------------------------------------------
同意麟媽媽的說法﹐我個仔舊年也試過被D高年班哥哥在小息時撞到跌倒瘀(o左)以及眼鏡都變了形,case 同麟仔仔一樣﹐但我沒有同老師投訴﹐只係問呀仔事件的發生過程及結果(老師的處理方法)。然後提點佢自己以後要醒D﹐因為已經是小學生﹐要識得避開﹐因為D哥哥玩緊時係唔會見到佢地D小矮人Ka﹗

MKma

小學生在學校常會受傷，我囝囝在整個小學生涯中，曾出過以下的事故：

放學下樓梯時被同學不小心推撞，我囝囝跌了落幾級樓梯，但個眼鏡就飛脫出來，再被同學踏到變形，最慘果個眼鏡是剛配好兩日的漸進鏡，二千幾蚊便要報消！

上體育課打籃球時被同學用波"省"到，不但鼻樑擦損流血， 一邊眼鏡臂還斷了，又要配過眼鏡！


囝囝做班長摘同學名時被同學仔用膠間尺介到手臂出現幾條血痕！

被一個有少少過度活躍的同學，趁我囝囝未坐下時把椅子拿走，令我囝囝跌過四腳朝天！

此外，被同學不小心撞"歪"眼鏡無數次，同囝囝去眼鏡舖整眼鏡d次數仲多過我去髮型屋！

如果我知道小朋友是無心弄傷我的兒子，我也不會追究，只會叫班主任請那位小朋友以後不要再犯，也叫兒子自己小心一點。但如果是惡意/故意的話，我一定會白紙黑字把整件事情的始末寫給班主任，再補多一個電話。

其實而家既老師，遇到小朋友發生意外和受到損傷時，都會馬上打電話給家長預報事情始末，我也多以寬容之心去包容無心之失的！至於那個拿走我兒子椅子的學生的家長，也親自打電話給我道歉，不停自責，還要我反過來安慰她呢！

麟媽媽

點解男仔唔可以斯文D架呢？
睇見佢地D論盡野真係….
如果是鐘意踢波的話，
你見到佢地D「合法沖撞」仲肉赤吖！
我仔踢親波都唔帶眼鏡架，
唔係多多都唔夠爛吖！

Ted

Dear Parents

May I know which boy schools are you talking about??

YeeOnMama

Ted 寫道:
Dear Parents

May I know which boy schools are you talking about??

我唔信有學校會無此情況, 真喺有我都唔會俾仔女讀, 此學校一定唔正常

麟媽媽

我地D仔個個唔同學校架喎！
其實好多學校特別男校都有咁既情況架喇！

Ted 寫道:
Dear Parents

May I know which boy schools are you talking about??

MKma

其實而家好多女仔仲玩得癲過d男仔架，而且我囝囝讀果間係男女校。我也不相信有學校會沒有這種意外碰撞的情形，除非間學校迫d小朋友像老人家般慢慢行啦！

如果小朋友因受其他小朋友欺凌或故意傷害而受傷，做家長的一定要向學校投訴；但小朋友的不小心碰撞常有發生，我只會叫囝囝自己小心些。

Bluestar

我個仔話，有個同校車的非華人同學，踩左佢個書包一腳，又無端端同我個仔講，他的父親做警察，叫我個仔唔好蝦佢，否則會叫他父親拉我個仔去坐監，給告訴班主任/老師我個仔蝦佢。
  

我個仔問，是否應該告訴那班的班主任。又問，"我無犯錯點解要拉我？"
我們只好教他，如果該同學是因不小心踩佢個書包，便要原諒他，並將書包盡量放近自己，不要阻路。但亞仔堅持那同學是故意的。只好教他，自己沒有做錯事便不用怕，誰對誰錯，班主任/老師會調查清楚，不會單憑片面之詞去處罰學生。這亦是反面教材 - 他不應該這樣對同學。與及要和乖的同學做朋友，遠離曳同學。

麟媽媽，Teresa,
請問還可以怎樣教個仔 ？   

Rachel爸媽

我個囡囡上星期都比同班的一個女同學踢o左一腳，已經講o左比老師知，老師都馬上找個女同學傾，個女同學都say sorry。但昨日又再踢一腳。好彩小女現在都好想返學。