請問初學游泳,應否用手"就"水泡?

himmamme

我好似聽過有人話好用,點解?

Thanks!

tommythumb

唔好用，自由式要隻手抽高貼位個頭插落水，蛙式要隻手夾埋個身度，用手袖會阻住。

Nymph

初學游水唔應該用水泡,手袖之類嘅野,成日用住點會學得識.同埋會有教練睇住架.
如果有人用浮板,果Ｄ已經係操水班架啦,又或者係訓練某一個動作,所以要問清楚教練.     

himmamme

咁請問如果個小朋友未夠放頭去水,教練會點教?

cheungpopo

我以前就咁學蛙式.
先學撥水同踢腳, 同時都要試下浸頭落水
之後用水袖游, 慢慢入少D氣
最後戴住唔入氣
最後除埋

Nymph

想知道你個小朋友會學乜野泳式先?
蛙式(胸泳)----(1)呼吸,要個頭落埋水.(2)跟住就會教腳先,(3)然後到手,(4)加埋呼吸,(5)成個動作由池边游到池嘅一半,然後逐步加上去.
捷泳(自由式)-----(1)先教踢脚,(2)手連呼吸,(3)成個動作由池边游到池嘅一半,然後逐步加上去.
背泳-----同自由式教法大致相同,只係面向嘅方向唔同.
蝶泳-----(1)先學靭腰(通常都要靱半年或以上),(2)呼吸連起手,(起碼要起一年),(3)手,脚頭嘅協調.成個蝶式要游得靚都要兩三年時間,視乎小朋友嘅進度.     

himmamme 寫道:
咁請問如果個小朋友未夠放頭去水,教練會點教?

niknik

himmamme 寫道:
咁請問如果個小朋友未夠放頭去水,教練會點教?

我個女都係咁，
個教練第一堂問邊個驚水，
佢即刻舉手。
~~第一堂~~
阿Sir教佢地吹波波（向D水吹氣）
然後叫佢地試下先用個口掂住D水吹，
跟住要浸到個鼻，然後到對眼，跟住個頭。
我個女梗係好驚。
阿Sir都冇勉強。
~~第二堂~~
就開始叫D大個D既男仔，
拖出去深小既地方，
教佢在水要點呼氣
1 2 3 就浸佢落水。
其他同學就望住，
我個女貝個個都係咁，
最係到佢個陣，
佢hug到個教練好實，
Sir：唔好咁大力，淨係捉住隻手。
Sir:妳捉到我隻手好痛！
跟住阿Sir講o左一輪，解釋清楚，
1 2 3 -- 我個女就係咁樣浸過頭。
~~~~~~~~~~~~~
然後，當我帶佢去遊水，
我就話同爸爸比賽，
睇下我在水裡舉起幾多隻手指。
~~~~~~~~~~~~~
咁就搞掂勒！

我都曾經好擔心，
希望我的經驗可以幫到妳！