直私小學備戰區

升學情報專員

各位家長好，升小報名高峰期又快到，大家係咪開始有啲壓力？
我有過雙重身份：曾是老師陪伴學生經歷小學面試，亦試過以家長身份與孩子進入面試室。我深深感受到，比起小朋友，其實家長更需要支援。

建立呢個備戰區嘅初衷好簡單：我想將經驗轉化為對大家嘅支持。
無論你想提出有關升學嘅疑問，定係單純想圍爐分享，呢度都歡迎你。我亦好希望子女在讀直私小學嘅家長一齊入嚟，用過來人身份分享經驗，幫下新手爸爸媽媽，為佢哋打氣。

關於揀校建議：
由於每間學校都有唔同風格，如果想問「A學校 vs B學校，邊一間好啲？」，請在「小一選校」版塊另開新 Post 並附上背景資料（例如：小朋友係咪坐得定？性格文靜定活潑？），咁樣大家嘅意見先會更有參考價值！而且樓主亦都可以更方便睇返其他家長嘅回應