應唔應該搬區?由觀塘去九龍城

randy4champ

我有兩小朋友,大的小五,現住藍田及入讀附近小學哥哥成績應會是band 1，想佢入男女中學，

見觀塘band 1男女中學不多，也沒有band1A的男女中學
現在諗緊應否搬屋到九龍城區，我自少在九龍城區band 1中學讀所以都了解,
但問題要搬屋,搬的話要洗唔少錢，而且哥哥搬後妹妹還要在藍田小學讀多兩年，（他們都很喜歡小學所以不想轉小學），就怕妹妹交通每天從九龍城區去藍田時間較長較辛苦,
所以糾結緊搬唔搬好,
唔搬的話就哥哥應該會報順天，爬文應是觀塘區最好的的資助男女中學
搬去九龍城區的話哥哥就會選擇多左及應該好左D的中學,
想問問大家意見,謝謝.

ikeyf

回覆 randy4champ 的帖子

搬 觀塘band one唔夠位 就算派到都唔係乜嘢特別好嘅學校 但九龍城區 學校好多選擇又多咗好多位出嚟 可以話求其一間 無論學術定係 學習氣氛都比觀塘好

catf2

九龍城去藍田好近啫，妹妹到升中時時都是派九龍城網，一舉兩得，九龍城Band1和 Band2 學校都比官塘多選擇，搬到就快點搬。搬左到時呀妹可能接受到轉校就幫佢報插班！近點

Rpp

能搬則搬。

ha930

現在的成績是不是邊緣人? 要考慮觀塘區轉九龍城區有機會跌 Band, 如果好肯定是 Band 1A/B 應該沒問題~

除了搬屋, 其實也可以在自行階段選九龍城區的學校, 考到就唔駛搬啦~

其次, 我記得觀塘區大抽獎, 好似可以選銀禧中學的, 如果放乙一其實好大機會抽到, 因為其他人肯定在乙一先放同區的 band 1 中學~

wccfgoldcard

回覆 randy4champ 的帖子

正路唔搬。

如你所寫，細女在現小學仲要讀多2.x年，即宜家應讀緊小四。如搬家不轉小學，車程遠左辛苦左會影響佢小五小六呈分結果。如搬家加幫細女轉小學，又怕她不適應，一樣會影響佢小五小六呈分。


而且，如搬，係為了幫阿哥入b1A or b1AB級既男女中學，我會優先考慮入沙田/大圍多過去九龍城。


反而先幫細女試插入九龍城/沙田較一線小學，如有offer加埋細女係接受同願意嘗試既，才考慮舉家搬去此區會較合理。

猴子爸

randy4champ 發表於 25-2-13 00:08
我有兩小朋友,大的小五,現住藍田及入讀附近小學哥哥成績應會是band 1，想佢入男女中學，

見觀塘band 1男女 ...

如果确实是B1，即使转校网都是B1, 在九龙城区大抽奖真的很着数。

wccfgoldcard

回覆 Sing13 的帖子

贊成，咁辛苦搬去九龍城，又唔係搏喇沙，如搏培正中/民生中，又有幾多非直屬位可抽。如搏迦密華英又成村人去爭，正所謂，有乜為呢。不如報多幾間直私，搏有offer，好過搬。

catf2

Sing13 發表於 25-2-13 09:54
插班直資，福建播道優才，幾年學費未必比你搬家費多。

照咁講,優才播道係將軍澳，福建係山中吊腳到爆咪又係遠，仲要比學費，咁搬去九龍城似乎著數啲

Woodstock801

randy4champ 發表於 25-2-13 00:08
我有兩小朋友,大的小五,現住藍田及入讀附近小學哥哥成績應會是band 1，想佢入男女中學，

見觀塘band 1男女 ...

我同你同區，我哋上屆都好多同學仔跨區亦成功考入，唔一定要搬屋。
如果你小朋友係級頭，又係2間一線小學的其中一間，自行報九龍城學校都大機會收，而家就為呈分努力準備下

猴子爸

Woodstock801 發表於 25-2-13 11:28
我同你同區，我哋上屆都好多同學仔跨區亦成功考入，唔一定要搬屋。
如果你小朋友係級頭，又係2間一線小學 ...

"哥哥成績應會是band 1，想佢入男女中學，"

楼主话“应该会”，就不是级头啦，要入B1A或B1B中学，唯有靠大抽奖。

xilihoo

搬去九龍城抽中好學校的概率大一些，不過在搬之前也要問自己：如果小概率事件發生了，自己會不會後悔。總之做好心理建設， 無論發生什麼事都能坦然接受，畢竟大抽獎都是博運氣

Woodstock801

猴子爸 發表於 25-2-13 12:16
"哥哥成績應會是band 1，想佢入男女中學，"

楼主话“应该会”，就不是级头啦，要入B1A或B1B中学，唯有靠大 ...

“應該會是Band 1” 但目標係1A學校，嫌棄觀塘區沒有1A校，唔搬就要屈就報順利天主教…… (其實順利都好受本區歡迎），所以我以為係1A生。
如果有實力使乜搬，出去考任何一區的1A校都有能力入到！如果諗住靠抽獎入就祝小朋友好運 （阿女有同學抽入，考試結果好多科唔合格，分分鐘留班)

TAIOU4

有錢搬校網梗係搬去灣仔銅鑼灣啦
其次係沙田區
其他區就算有男女B1A校都唔易抽
九龍城交通勁唔方便樓又唔平

自行成績好面試叻
跟本唔洗靠抽獎有大把選擇
九龍城靠抽獎頂龍都係抽何文田3寶
跟本唔算B1A

不如諗下將用尼搬屋o既錢同時間去Upgrade阿仔阿女唔係更實際咩?
有錢有時間搬屋就不如做實事
冇B1A能力入到B1A校年年追車尾到時就唔好問點解

Rpp

猴子爸 發表於 25-2-13 12:16
"哥哥成績應會是band 1，想佢入男女中學，"

楼主话“应该会”，就不是级头啦，要入B1A或B1B中学，唯有靠大 ...

樓主應該未必有信心自行入B1，自己都係九龍塘讀過書。知道咗點玩昇中遊戲，所以出帖尋意見搬是否值得？

猴子爸

Woodstock801 發表於 25-2-13 12:44
本帖最後由 Woodstock801 於 25-2-13 12:45 編輯

“應該會是Band 1” 但目標係1A學校，嫌棄觀塘區沒有1 ...

KT区本身真的缺乏英中，九龙城区确是超多，现实不公平，唯有尽人事。

猴子爸

Rpp 發表於 25-2-13 13:49
樓主應該未必有信心自行入B1，自己都係九龍塘讀過書。知道咗點玩昇中遊戲，所以出帖尋意見搬是否值得？
...

我本身住41校区，当然知道九龙城区跟SSP WTS KT的分别啦。。。
能搬则搬，但要确保自己到九龙城区都是B1都是一件事，始终九龙城是强区。

randy4champ

ha930 發表於 25-2-13 09:28
現在的成績是不是邊緣人? 要考慮觀塘區轉九龍城區有機會跌 Band, 如果好肯定是 Band 1A/B 應該沒問題~

除 ...

我小朋友是級頭幾名的，自行的話我唔知入嘅機會大唔大，同埋好似二月就要決定轉唔轉校網，我唔知如果自行入嘅話會唔會三四月先話畀我聽，如果係咁我就好難話唔入先去搬
其他區借位的中學好似通常得兩三個位，呢個就怕咁啱有人爭

randy4champ

Woodstock801 發表於 25-2-13 11:28
我同你同區，我哋上屆都好多同學仔跨區亦成功考入，唔一定要搬屋。
如果你小朋友係級頭，又係2間一線小學 ...

係級頭幾名但唔係藍田最出名成績好嗰兩間小學，就唔知道自行入嘅機會大唔大