美孚 地利亞小學

BaileyTang

請問有人小朋友 2025-2026 會入讀美孚地利亞小學嗎？

阿厘爸爸

如果想知道美孚地利亞好唔好⋯才決定入讀與否的話⋯我會建議你係今個星期或下星期初⋯係美孚站留意吓這間學校學生⋯你便可以搵到答案。

註：因工作關係⋯之前會時不時見到呢間學校的小五小六學生⋯真心⋯我自己唔會俾小朋友去呢度讀⋯因為南亞小朋友去到小四⋯佢哋只會跟自己的族裔嘅人玩，同埋，佢哋放咗學係地鐵站都英文粗口橫飛

ymyyy

回覆 BaileyTang 的帖子

我囝有唔少同學入地小，亦有哥哥姐姐讀緊地小，語境英文強，中文弱，我覺得華人定南亞裔南都有好有懷。

BaileyTang

回覆 ymyyy 的帖子

2025-2026 年度入讀嗎？我仲考慮緊，想搵下有無用家🙇🏻‍♀️🙇🏻‍♀️

BaileyTang

回覆 阿厘爸爸 的帖子

點解去到小四就只會同自己人玩？咁小一至小三呢？

阿厘爸爸

BaileyTang 發表於 24-12-8 17:58
回覆 阿厘爸爸 的帖子

點解去到小四就只會同自己人玩？咁小一至小三呢？

小一至小三南亞與華人小朋友都玩得融洽，但南亞的族群甚巨，小四時候他們開始踏入青春期，對自己的身份及族群有一份認同，會漸漸跟相同族群的同學玩⋯尼泊爾會跟返尼泊爾玩、印度跟返印度，印度就同巴基斯坦會有衝突（主要受父母及族群影響）

另外，南亞細路大個d就唔會鍾意本地華人，因為佢哋大個d會見到自己的親友被本地華人歧視（阿差、一陣味⋯等歧視）

所以奉勸家長如果揀呢類型的學校，真係要諗遠啲、諗得細微啲。

校園的欺凌情況也是要考慮的，例如：會被偷零用錢、小息時候會被2、3個同學要求「請食嘢」

註：點解會知，因工作關係，我需要入校工作

BaileyTang

回覆 阿厘爸爸 的帖子

全部都係咁？網上真係好少呢間學校嘅資訊🥲🥲聽你咁講，香港小朋友入左去讀會無朋友同比人蝦？
唉

BaileyTang

回覆 阿厘爸爸 的帖子

咁你見唔見有無香港小朋友讀，佢地讀成點

ymyyy

回覆 BaileyTang 的帖子

係啊～佢哋都係華人，我覺得地小冇問題，但係地中校風就真係麻麻地。

阿厘爸爸

BaileyTang 發表於 24-12-8 19:33
回覆 阿厘爸爸 的帖子

咁你見唔見有無香港小朋友讀，佢地讀成點

有本地華人小朋友讀書，都係之前所講：佢哋小息或放學都會同返本地華人小朋友玩；有啲生得高大嘅南亞同學（同年級的）會兩、三個向生得無咁高嘅隔離班同學要求請食嘢或借錢（高小猶其明顯）。

本地華人學生普遍息事寧人，佢哋覺得無乜嘢。關於學術方面：華人學生英文聆聽能力方面真係比較強，英語會話能力達工人姐姐level （敢講英文，但講得通唔通順就真係⋯）體育方面，南亞小朋友在身型及體格佔有優勢，所以華人小朋友相對比較普通）
老師對南亞小朋友係明顯有愛心及有耐性。家長唔好有太大期望子女會有好好的英文語景，因為南亞學生佢哋係會用返自己國家語言溝通，情況就係本地華人小朋友會用廣東話或普通話溝通）。

最後，真心咁講：如果想強化小朋友的英語能力，都係睇多啲英文書、英文卡通片、帶小朋友多d去快餐店（Sxbway、FxveGuys、Joxly Bee）用英文點餐仲好啦！

選學校仲要睇一睇果間學校教出嚟嘅學生係點？學校年報、網站、傳媒採訪⋯一定會話自己學校有幾好，一定會將最好一面呈現。想知實際情況，如我之前所說，趁學校放聖誕節假前，係返學及放學時段去美孚站及學校附近觀察學生表現，咁樣仲實際。

每個家長的標準唔同，我認為唔ok，但其他家長可能又覺得ok。

Chris852

ymyyy 發表於 24-12-8 21:13
回覆 BaileyTang 的帖子

係啊～佢哋都係華人，我覺得地小冇問題，但係地中校風就真係麻麻地。 ...

仔仔由地幼讀到中學,我覺得不錯. 師生關係很好. 我以前中學是讀安柱, 現在要我選的話會選地小和地中.
毫無疑問母校安柱是非常好的學校, 同學仔讀書好叻, 有些更是世界比賽時拿下第一.
但我覺得地記學生很陽光, 夠真, 種族間關係都不錯, 沒有岐視. 學會尊重
讀書方面, 學生有好有普通, 好的都入到醫科, 藥劑師...建議小朋友培養閱讀習慣. 因仔仔同學都是書不離手, 玩時都很投入. 其實, 仔仔表哥, 在新界區不出名學校讀書, 今年正式做醫生了, 他都是書不離手. 所以閱讀習慣是極重要. BTW, 由於大部份外籍, 英文始終會較好, 學生亦會較自信.
選學校, 視學生性格, 或家長希望小朋友在什麼學校環境成長.