啟基學校（九龍塘）有用家分享嗎？

lomodear

啟基學校的五心教育，愉快學習很吸引，但好像今年報名人數不多，是不是升中成績問題？近年網上關於此校的討論較少，有家長可以分享一下近況嗎？ 對比選此校時的初心和現實情況，有沒有差距

QYC

lomodear 發表於 24-11-26 12:59
啟基學校的五心教育，愉快學習很吸引，但好像今年報名人數不多，是不是升中成績問題？近年網上關於此校的討 ...

我都想知，我小朋友有offer，我地好鐘意學校既課程同理念，但真係好難搵到近年關於呢間學校既討論。

CL0406

當年呢間未in直接比offer，好似主要sell關愛。好睇家長想要乜，如果追求成績可能要再考慮下，以學費黎講性價比唔算高。
不過好似學校有自家廚房，呢個真係好吸引

wonderfuls

同問，我都收到offer，其實好鍾意呢間學校，但學費+雜費唔平，網上嘅討論都比較早期，近年討論比較少，好想知真正用家，覺得呢個學費同學習體驗值唔值？

lomodear

回覆 CL0406 的帖子

請問當年是不是啟思學生所以不用 In？

LeeCC

lomodear 發表於 24-11-28 12:25
回覆 CL0406 的帖子

請問當年是不是啟思學生所以不用 In？

以前啟思學生都要in, 印象中係一班同學一起入去，好似上堂咁

jagabeechips

是用家，仔小二，返學很開心，係好適合我小朋友嘅學校，關愛同好多機會俾各個學生，所以絕對值得。建立到佢自信，係我最重視嘅。學校廚房更加唔使講。學術都是跟課程，當然如果要同谷嘅學校比，就完全冇得比啦。

QYC

jagabeechips 發表於 24-11-29 10:58
是用家，仔小二，返學很開心，係好適合我小朋友嘅學校，關愛同好多機會俾各個學生，所以絕對值得。建立到佢 ...

真係好難搵到近期關於呢間學校既討論，有現在既用家分享實在太好。我好鐘意呢間學校既理念，但點解好似咁好既學校但咁少人講，我入左offer group都冇乜講野。請問可以分享多啲嗎？學生只在英文堂講英文嗎？

zebrama

選擇啟基，一定是俾佢嘅教學理念吸引，以學生為本，無論老師家長校工，都係非常鼓勵孩子，六年小學生涯一定係開心，學費事實上不能與一般直資相比，但學校上下一心培養孩子自信心呢個環境，坊間買少見少

lomodear

回覆 jagabeechips 的帖子

好多謝用家分享呀。考慮呢間學校既家長都係注重小朋友平衡成長+全人發展既，但始終香港主流教育價值觀方面太K型（只著重學術成績），而我地呢D暫時未想太早送小朋友去國際學校/出外留學既家長，都要考慮升中遊戲會唔會提前被分流/淘汰，擔心HAPPY SCHOOL到5，6年級又要走返去催谷既路，小朋友到時就更辛苦。。。我自己就係15，16 呢樣野。所以真系想多聽真實用家分享HAPPY SCHOOL既學生如何HAPPY到最後

cheesetoast

用家，2個小朋友是轉校生，從傳統谷學校轉讀啟基，轉讀後，非常開心，好鍾意返學。
學校廚房非常好，每日都讚午餐好好食。
學校好用心安排不同活動，是真正的活動教學，小朋友比傳統學校吸收得更好，睇得到明顯進步。
每日接放學，都感覺到啟基的小朋友好開心，唔會因為默書，考試感到有好大壓力。

44536271

啟基前用家:

優點:
1 關愛學校
2 課程循序漸進, 唔會一下子去到好深要家長搵外補去追
3 多活動, 多課外野玩
4 學生大多喜愛返學
5 相對其他學校, 唔谷
6 有廚房, lunch 學生無投訴
7 同學仔幾乖 (以我小朋友身邊的同學來看)
8 老師幾有heart 教

缺點:
1 學費有點貴
2 校舍較細 (不過小朋友唔會覺得細)
3 要呈分
其實除左要呈分, 基本上都無乜好大既問題..

總結: 啟基係一間好學校

zebrama

啟基第一類家長，睇通咗用乜嘢教育環境適合自己小朋友，選擇六年培養自信及感恩嘅人

第二類家長通常都係轉校生，希望小朋友搵返學習主動性，家長自己想有空間，覺得傳統模式唔適合

QYC

zebrama 發表於 24-12-3 14:24
啟基第一類家長，睇通咗用乜嘢教育環境適合自己小朋友，選擇六年培養自信及感恩嘅人

第二類家長通常都係轉 ...

其實自己心目中巳經有目標想比咩教育自己既小朋友，就咁睇覺得啟基係好適合，只係唔知道啟基喺實際操作上係咪真係做到佢地講既野，始終真係好少用家分享。不過需然少人討論，但搵到既分享都係對啟基既評價好正面。

eeyorepigpig

lomodear 發表於 24-11-28 12:25
回覆 CL0406 的帖子

請問當年是不是啟思學生所以不用 In？

當年啟思學生直接2nd in

chongcherry

我小朋友讀緊啟基5年級
小朋友讀得輕鬆同開心，學術方面學校跟教育局程度唔會教快，功課量好少，我個小朋友基本上唔駛返屋企做功課。學校都多活動俾小朋友。
揀得依間學校既家長，多數理念都係想小朋友可以快樂地成長，分數其次，心靈教育為先，所以我會建議如果最後上中學都係想小朋友入band1既就唔好諗依間學校，因為學校真係唔會谷學生讀書。
學費係偏貴，不過我覺得我俾得值既。
學校得英文科全英教學，但係普遍學校入面既學生英文能力都偏好。
要唔要外補都好睇家長想小朋友讀咩中學，我小朋友而家五年級要考呈分就有外補囉！

zebrama

chongcherry 發表於 24-12-12 11:55
我小朋友讀緊啟基5年級
小朋友讀得輕鬆同開心，學術方面學校跟教育局程度唔會教快，功課量好少，我個小朋友 ...

對，要考呈分試，啱啱嗰屆畢業生，都考到有X拔＇協X，仲有其他直資

所以，要選擇Band one中學，都係靠自己讀書冇問題，

lflxl

特登登入覆樓主
我係轉校生家長，小朋友讀得超級開心。
學術方面：課程設計有心思，每個年級課程跟足正常指引，冇特別淺，唔係唔谷就等於寶校。中文科英文科都有加插校本課程。功課量每日都有主科要做，份量適中，比空間小朋友消化知識又保持記憶。

關愛度高，老師唔係浮誇式氹小朋友，而係真心發掘佢哋長處去欣賞佢哋，小朋友變得開朗自信。

校內活動豐富，返咗一日學，玩樂&學習都兼顧到，其實而家小朋友缺嘅唔係學嘢而係唔識玩。校內玩夠放學學習會專注咗。

升中問題，讀得唔開心，派位幾好都唔關你事。讀得開心有鬥志力爭上游，都係照正常程序升中。不過啟基家長們理念都幾一致，唔係太焦慮升學嗰啲家長。

我另外一個小朋友讀一線直私，暗谷暗Chur得好緊要。谷嘅學校只係提供一個好深課程框架比你，要考得好都需要自己發力。

lflxl

wonderfuls 發表於 24-11-27 09:48
同問，我都收到offer，其實好鍾意呢間學校，但學費+雜費唔平，網上嘅討論都比較早期，近年討論比較少，好想 ...

學費係唔平，初初轉校都有猶豫。入讀之後覺得超值，喺校內一次過滿足學習玩樂與關愛。

QYC

lflxl 發表於 24-12-15 20:26
特登登入覆樓主
我係轉校生家長，小朋友讀得超級開心。
學術方面：課程設計有心思，每個年級課程跟足正常指 ...

好多謝你分享，睇到你既分享，覺得喺啟基讀書既小朋友好幸褔。好認同你一句，讀得唔開心，派位幾好都唔關你事。