入咗自二，備取生入自一機會大唔大？

pandey

阿仔自行分配入咗自二，依家話有同學仔一齊入咗，唔想入自一！如果放榜入自一，要去自二叩返門！想問大家如果自一揀咗ST JO，備取生入嘅機會大唔大呢？我知好多仔報ST JO同PAUL BOYS，兩間都收的話都會揀PAUL BOYS囉.....

acgy

pandey 發表於 24-7-5 15:35
阿仔自行分配入咗自二，依家話有同學仔一齊入咗，唔想入自一！如果放榜入自一，要去自二叩返門！想問大家如 ...

我覺得如果真係自一後備入，就讀SJC啦，無必要為左和同學一齊而去叩自2。相反，叩完自2之後，SJC有位剩結果你仔同學倒轉頭入返SJC，你又會點睇？

pandey

回覆 acgy 的帖子

同學仔自一入咗，我仔係自二。如果入到SJC當然好啦，但阿仔依家話想入自二嗰間喎...

PTL_L

pandey 發表於 24-7-5 16:58
回覆 acgy 的帖子

同學仔自一入咗，我仔係自二。如果入到SJC當然好啦，但阿仔依家話想入自二嗰間喎... ...

上到中學又一新天地，新朋友喎！

tkinwong

六合彩都梗有人中。

lot888

想當年亞囡升中，對自己入讀中學不滿，佢話要跟好友入讀同一中學，我話可以，但要在中一時考到頭5%，以証明在任何學校也可勝任。一年後，我問佢重要唔要插班，佢話唔要，因好鐘意現校，而同小學好友亦較小來往。除非跟小學好友住得近，朝晚見。或家長間好熟，否則小學友谊好快隨快樂的初中生活轉淡。樓主如獲自一收，就去啦，無需多想。

glocatcat

自一後備係有機會，至於大唔大就要睇小朋友本身係咪後備list排得好前？

但我都同意樓上講，其實去到中學又係另一個新階段，要同小朋友討論，揀學校唔好因為某朋友入咗去而揀，要因為學校本身是否適合同埋鍾意去選擇。因為去到中學可能佢自己會識咗新朋友或者同學仔自己識咗新朋友咁可能冇玩返埋一齊，又或者會唔同班，到時讀讀下都會分開。咁就無謂為了一個朋友而去揀一間稍遜的學校。

我自己當年揀學校就係遇到相同情況，因為好朋友而揀咗一間比自己程度得一啲的中學，點知去到中一同學學分唔同班，原先日日一齊食lunch，點知唔夠半個學期，佢就自己同咗自己班啲同學食lunch劈低咗我(emoji)

佢就同咗佢自己班啲人玩。我自己都有時會諗返，如果當時入返一間好啲嘅中學會更加好

acgy

lot888 發表於 24-7-6 09:48
想當年亞囡升中，對自己入讀中學不滿，佢話要跟好友入讀同一中學，我話可以，但要在中一時考到頭5%，以証明 ...

非常同意。呢個情況基本上是常態。就算你女個好友一年後都應該已經有佢新嘅BEST FRIEND，轉校都未必會一齊玩。你個做法不錯，小朋友意願係要尊重，但都要睇下佢個理由合唔合理。

verykin

自二,入咗那間?

LeeCC

早幾年，朋友女兒二線級一，自一揀跨區1A，自二跟朋友一樣揀本區1B,自行結果入自二，還與好朋友一起，好開心好期待預備入自二

7月放榜入自一，媽媽當然開心啦，但阿女喊到坼天，係咁話要叩返自二，媽媽話其他家長同學以為佢個級一女派得好差，所以要叩自二個間學校，係咁安慰佢地

後來校長老師說服到阿女去自一

現在高中啦，好中意間學校

yip144

小朋友愛朋友係好事, 多D鼓勵佢地保持友誼啦,

唔好打擊佢, 殘酷的現實等佢地自己慢慢領會

pandey

回覆 LeeCC 的帖子

最弊班主任建議我哋擺自二嗰間學校响自一，我唔聽佢。唔知派位嗰日如果好似你朋友咁，會唔會有校長幫手呢？！

pandey

我都有同我仔講去到新學校會識到新同學仔，就算去到自二間學校，唔同自己小學同學同一班，都未必會咁friend｡當年我讀中學就係咁！佢話自二間學校小學有好多老師响嗰度畢業，又有好多學兄响嗰度讀，又去過開放日，所以好似對間學校有啲熟悉咁喎！
其實自一自二兩間入到邊間我都好開心，只不過阿仔依家叫晒話要讀自二嗰間！

LeeCC

pandey 發表於 24-7-8 01:47
我都有同我仔講去到新學校會識到新同學仔，就算去到自二間學校，唔同自己小學同學同一班，都未必會咁friend ...

我個小朋友當年都係自己一個上中學，無小學同學一起，好快就識到新朋友，而家高中最老友的就係當年中一最初認識的幾個，就算唔同班，都好friend 。

其實好多人都無小學同學一起上中學既，大家都係識新朋友。

反而有一班小學同學一起上的同學，佢地自己圍內玩，無咁快識到新朋友