新生開學

CM.MUN

8月底小朋友去英國新生開學，返兩日就星期六、日，想問有經驗家長，我哋家長送完小朋友入去之後，要唔要多留兩日，等星期日去見吓小朋友，定係即日或第二日就可以離開？？

yuyueng

即日離開，唔需要亦唔可以留低，想陪同既可以開學前起英國一齊玩同添置物品，我當年送到學校就當日夜機回港。

alpham0m

如果係大學，我建議幫仔女搬完入宿舍之後就可以兩公婆好風騷咁去玩兩日先返香港，小朋友應該忙住參加學校舉辦既新生活動識新朋友，等佢哋去享受下Freshers Week

CM.MUN

小女係Y 11，就係擔心佢突然話需要啲物品，或者掛住父母（應該唔會咁快），應該係話我哋掛住佢想見佢，但係又怕影響咗佢新生活動，所以問吓你哋有經驗嘅家長

beastiebistro

CM.MUN 發表於 24-5-5 11:22
小女係Y 11，就係擔心佢突然話需要啲物品，或者掛住父母（應該唔會咁快），應該係話我哋掛住佢想 ...

我認為即走反而雙方都更容易適應

RainyRice

最好即走，小朋友應該在宿舍有很多活動很忙，又認識了新朋友，如果要抽時間見你反而麻煩。可以想像一下，你小朋友跟新朋友講我爸媽等緊我所以今日唔可以同你哋玩？
又或者相反小朋友好想見你哋，你忍心小朋友嚟見你？現今科技發達，要見要傾偈簡單。不如留多兩個杯麵/即食飯/喜愛的零食給小朋友。

CM.MUN

睇返學校假期，其實又唔係好長時間見唔到，10月中就返嚟兩個星期，始終由細到大未離開過父母，我哋又未離開過阿女，雖然一早做好心理準備，阿女會出國讀書，但係到咗依家馬上真係出國，嗰種壓力牽掛真係講唔出

Poyau

CM.MUN 發表於 24-5-5 09:59
8月底小朋友去英國新生開學，返兩日就星期六、日，想問有經驗家長，我哋家長送完小朋友入去之後，要唔要多 ...

考慮早幾日過去學校個鎮行吓
留幾耐可看看學校活動時間表
有些學校開學時候有家長活動

katrinafu

我女入學（Y 7) 時，我們都預早一星期到當地， 她入學校後，我有留多兩三日，不是去見她，自己去行下街食下野 ， 她有什麼買漏， 她話比我知， 買完拎去學校或寄給她。

CM.MUN

我哋都係準備早一星期過去，帶佢玩玩，周圍行吓，等佢習慣吓時差等等，就係諗自己要唔要多留幾日

TTEE1819

CM.MUN 發表於 24-5-5 09:59
8月底小朋友去英國新生開學，返兩日就星期六、日，想問有經驗家長，我哋家長送完小朋友入去之後，要唔要多 ...

如果你們有假期，可以留在你孩子讀書嘅city / town兩三日，自己遊覽一下，一來可以親自了解當地，認識多dd，稍後你跟孩子對話時都可以明佢講咩。二來係，如果入左寄宿學校，孩子突然話買漏咩或買錯咩，你可以即時買，安排送貨到學校比佢。我就係試過：孩子入左宿舍學校第二天，先發現買錯左足球鞋，在香港踢波多在石屎地，英國踢波係在草地，所以穿嘅足球鞋唔同，我們唔識囉，蠢到死。

不過，第一個周六周日就唔需要接佢出來啦，佢留在學校跟新相識的同學互相認識和互動，讓佢可以快一點跟同學熟絡。

勇闖UK2023

其實我覺得陪到就陪，都係多兩日，有冇用都好，作為父母唔會後悔

sleung2020

CM.MUN 發表於 24-5-5 11:22
小女係Y 11，就係擔心佢突然話需要啲物品，或者掛住父母（應該唔會咁快），應該係話我哋掛住佢想 ...

視乎你嗰間學校嘅情況，有啲學校第一個週末係closed weekend，想見都見唔到，買嘢方面，通常都係amazon直接寄學校

katrinafu

TTEE1819 發表於 24-5-5 13:06
如果你們有假期，可以留在你孩子讀書嘅city / town兩三日，自己遊覽一下，一來可以親自了解當地，認識多dd ...

是呀 ，有假期就留多幾日 ， 我就係幫她要去買泳鏡 、 牙膠（Hockey) , 網球拍 。 當然可以Online 買， 但我自己去買，可以揀下款式和質料。

ricenoodle

CM.MUN 發表於 24-5-5 09:59
8月底小朋友去英國新生開學，返兩日就星期六、日，想問有經驗家長，我哋家長送完小朋友入去之後，要唔要多 ...

當年我小朋友去讀 Year 9， 送完佢入宿舍後，陪佢留多一陣join 埋學校啲Activity，我兩公婆就離開學校。以我記憶好似你咁有個weekend，我哋就問佢有冇嘢需要買，之後再買野送去學校俾佢。我哋問學校星期六可否帶佢出來食晚飯，學校俾我哋帶佢和另兩個新同學仔一齊出來吃飯，之後一日我們才離開英國。諗返轉頭，當時真係十分唔捨得個小朋友，眨吓眼佢已經 Year 13，現在仲好鍾意在英國讀書。
祝你和小朋友都可以快啲適應，加油！

cfs

即走啦，你個year 11咁大個，有乜漏咪Amazon訂送去學校，當年year 9送完就走，以為雙方都會掛念，原來唔會，大家都感到自由開心，佢性格開朗認識到很多朋友，每年九月學校又忙，頭果一個月電話都無乜，冇電話到即係冇事啦，四年後回望過去，孩子處事獨立，所有問題自己解決，放假自己坐火車去監戶人度，自己約的士接送，嚟緊自己安排參觀大學，出去考IELTS,出去讀書都有很多得著，寶貴經驗！

Joe8889

過去都係想佢獨立D，放低就走啦

sumikogurashi

CM.MUN 發表於 24-5-5 09:59
8月底小朋友去英國新生開學，返兩日就星期六、日，想問有經驗家長，我哋家長送完小朋友入去之後，要唔要多 ...

我哋上年送阿仔入校之後多留英幾天就係怕佢有unexpected 嘢漏又急要買，唔住落唔知架，點知真係俾我批中，雖然話amazon 乜都有啫，但人都未適應未有心情時間玩amazon 住，我哋買完送去校仲快靚正，單是踢波的球鞋釘我哋要幫佢買合規格的換過，原本的學校睇完話唔得，你話呢啲細微野點可能入校前會知吖，我真係唔見議送入校後即飛，如有時間多留幾天。

sumikogurashi

TTEE1819 發表於 24-5-5 13:06
如果你們有假期，可以留在你孩子讀書嘅city / town兩三日，自己遊覽一下，一來可以親自了解當地，認識多dd ...

我哋就係仔入咗宿舍無耐佢地有活動，落草地踢波，仔對鞋已經係踢草場用的，點知鞋釘都有分長短，亦唔知佢個場用乜長度的鞋釘，在場老師叫佢盡快換咗唔啱長度的釘，如果唔係我哋多留幾日，邊得嚟咁快換到釘喎。

我哋都冇weekends 時接佢出嚟，唔想依依不捨，我哋留多幾日都只係睇吓佢有冇臨時嘢要救濟咋。

ricenoodle

其實個個小朋友和家庭都唔同，只要你做覺得自己舒服嘅嘢就可以啦！就算你留幾多日最後你都係要俾個小朋友自己返學㗎啦。