請教考小一，在家做練習與外補

ifcsir

請教持續每天在家完成中、英、數習作，同出去外補習中英數，是否都比不上出街補習？
現在小朋友幼稚園中，每天做習作做得幾好亦幾開心，但每天只做中英數各一篇，通常1小時左右擔心做太長時間，會有反效果，其餘時間睇英文卡通片及睇下書

一來考慮補習費用，二來出去補習也要一來一回需時，一日都只係補一科補唔到咁多，但可能補習老師應該有佢地教育方法

語景都係要靠外補習，但唔知一星期補幾多日，先至可以面試時對答到

簡單啲來講

英文外補，一周補三日，一日補兩三個鍾，就當又上半日幼稚園。補咗兩年半。功課和補充就晚上做。對答如流，老本可以吃好多年
覺得麻煩，可以去上英文幼稚園。英文有語境就唔需外補，家裏操下做點補充就得。

RainyRice

ifcsir 發表於 24-3-28 02:30
請教持續每天在家完成中、英、數習作，同出去外補習中英數，是否都比不上出街補習？
現在小朋友幼稚園中， ...

你的目標是什麼？做到的是什麼程度的練習？家長可以給什麼支援？小朋友肯唔肯俾家長教？”睇吓書”小朋友識多少字？
面試：小朋友可否用中英文自我介紹和答問題？
每個家庭不同，神校名校龍校同普通直資都已經唔同。可否分享多些或問得仔細些？

RainyRice

ifcsir 發表於 24-3-28 02:30
請教持續每天在家完成中、英、數習作，同出去外補習中英數，是否都比不上出街補習？
現在小朋友幼稚園中， ...

同埋調返轉唔好講補唔補習，而是家中可否支持小朋友去到考小學的程度。我小朋友冇考好多學校，不過下面我估是普通比較出名學校的expected Level ：
數學：如果可以輕鬆做到20內加減，再嘗試滲入乘數除數概念。但要加一些應用題，每日得閒問吓小朋友數，最緊要心算要快，講到尾去面試都不是做卷。
英文：如果讀到Oxford reading(?) tree stage 4/5應該普通學校面試應付到。
中文：讀到青田圖書紫色是最低要求，認字之外仲要識重組句子等基本中文。
Oral:中英文都好重要，除了要自我介紹，也要對答如流。多和小朋友做不同的活動，增加生活經驗，什麼都傾/問/解一餐。如果家中沒有英文語境，我相去讀一個Trinity  oral考試課程，但不俾錢用去考試，應該都足夠。
上各個新聞和升小網站，還有某些出名升小KOL YouTuber 通常都會講吓面試考什麼，EK都有好多考完的人分享類似以上的”考小學要什麼程度”資訊，多些蒐集資料，跟住自己溫都未嘗不可。

sandra1004

ifcsir 發表於 24-3-28 02:30
請教持續每天在家完成中、英、數習作，同出去外補習中英數，是否都比不上出街補習？
現在小朋友幼稚園中， ...

三年內玩左兩次考小一，叩門津校，考直資都試過
首先要諗下target 邊間學校，搵下過往兩年考試模式及試題
問成功考到的家長經驗
再去面試班睇下對答要點應對
語境我屋企都係睇YouTube 卡通片
我屋企小朋友自小喜歡閱讀或者伴讀

ifcsir

簡單啲來講 發表於 24-3-28 06:21
英文外補，一周補三日，一日補兩三個鍾，就當又上半日幼稚園。補咗兩年半。功課和補充就晚上做。對答如流， ...

老本可以吃好多年

呢句好吸引呀，正呀

ifcsir

RainyRice 發表於 24-3-28 08:34
你的目標是什麼？做到的是什麼程度的練習？家長可以給什麼支援？小朋友肯唔肯俾家長教？”睇吓書”小朋友 ...

謝謝你，對對對要諗好目標，目標不敢是神校，目標都做緊功課中，父母都不是讀書高手。
父母肯盡量教小朋友肯聽，但太難同超多1小時會冇咁集中，父母會收手，希望保持讀書熱誠。

中英文未自我介紹，青田係橙色，數學學到K3，但未(emoji)加減數

ifcsir

RainyRice 發表於 24-3-28 08:52
同埋調返轉唔好講補唔補習，而是家中可否支持小朋友去到考小學的程度。我小朋友冇考好多學校，不過下面我 ...

好好，好詳細謝謝你，睇左您分享，原來現在程度係相差好遠。

中英文未自我介紹，青田係橙色，數學學到K3，但未(emoji)加減數

ifcsir

sandra1004 發表於 24-3-28 11:41
三年內玩左兩次考小一，叩門津校，考直資都試過
首先要諗下target 邊間學校，搵下過往兩年考試模式及試題
...

謝謝你

我每天一小時芝麻街，但小朋友未能英文簡單自我介紹，但短句聽到下，
請教您的語境我屋企都係睇YouTube 卡通片，會否屋企you tube引導小朋友講下英文

sandra1004

ifcsir 發表於 24-4-2 11:05
謝謝你

我每天一小時芝麻街，但小朋友未能英文簡單自我介紹，但短句聽到下，

冇引導佢地講英文
但會投其所好睇YouTube
幫到佢地keep興趣
考小唔多需要自我介紹，反而學下講故事
會比較有用，我仔只考過幾間，都冇自我介紹，而大女叩門都只用中文自我介紹，但都有英文講故事或者對答

lololaw

你target邊類型學校？你小朋友係唔係對學習好主動？肯唔肯聽唔聽大人講解？

RainyRice

ifcsir 發表於 24-4-2 10:59
好好，好詳細謝謝你，睇左您分享，原來現在程度係相差好遠。

中英文未自我介紹，青田係橙色，數學學到K3 ...

我相信我上面講的程度大致可以應付到神/超名校，所以如果做到50+%應該都應付到大部份小一面試，朝着這個目標前進，但不用太擔心做到足。同埋讀故事書，我都不會要求小朋友認識所有字才去下一本，最緊要保持閱讀興趣。不過見到樓主問到(學術）做練習和外補，所以根據經驗，其他人的分享和爬文有以上程度上的提議。
我小朋友都好似有提到沒有一間學校真正需要詳細自我介紹，但基本個人資料(姓名、年齡、自己學校名）小朋友也是應該知道的。
中英數學術主要是應付名小第一輪面試。贊成樓下講，傾偈對答、讀完故事答問題、性格、禮貌、衛生、合作、玩遊戲等更加重要。

Godark

回覆 ifcsir 的帖子

我唔認同，好多一早識晒到小學冇晒自主學習，除非唔諗住繼續喺香港讀書。

RainyRice

Godark 發表於 24-4-4 19:12
回覆 ifcsir 的帖子

我唔認同，好多一早識晒到小學冇晒自主學習，除非唔諗住繼續喺香港讀書。 ...

贊成學太多上小一沒了學習，或許神校教得快和要求深所以有此入學要求。
另一方面，普通小學小一，如果只是做到券幼/龍幼的基本要求(e.g. 只要求認讀寫中英詞語，寫功課）基本上升上小學是涵接到，但對比起幼稚園的輕鬆，在小一會跟得很累。

Godark

回覆 RainyRice 的帖子

Yes it may be harder at early or throughout P1 but very soon they can adapt and every work of brain cells makes them go even further and stronger in their learning journey. It’s fair to parents and the children.

RainyRice

Godark 發表於 24-4-4 22:16
回覆 RainyRice 的帖子

Yes it may be harder at early or throughout P1 but very soon they can adapt a ...

Kids don’t need to go to chinese or English tutoring class if their parents can develop their self-reading habit and skill for both languages during K, instead of only reading for them (親子伴讀). It depends on the kids personality, parents patience and persistence, and the home environment too.

lambeanmama

我個人其實不太建議睇YouTube 學英文。任何語言學習也是聽說讀寫四步曲學習的。考慮啩讓小朋友「聽故事」；上網有不少免費資源；如樂意每月付$100左右，可考慮Amazon Audible 的月費計劃。

聽得多，英文自然會好。我小朋友在5歲前也是聽故事、伴讀為主；並沒有看電視節目的。

我小朋友考小已是幾年前的事了；很多資料可能已Outdated；不過我同意網友所講，留意吓心水目標學校的要求；問問有offer的朋友；會幫到你的。

另外一點，我覺得學術以外，其實不少學校喜歡收坐得定、會聽指令並作出相應反應的小朋友；能專心閱讀是很重要的。

Anne_Hall

我兩個小朋友都係target直資，我無target神校，基本上只考有龍既新派直資。我覺得英文reading好都重要，我兩個小朋友都係劵幼，YouTube雖然成日睇，但係只睇KOL打機同做mission，我覺得都係無咩營養既野，而細佬係劵幼一直都比老師評佢英文oral係講唔到完整句子，同埋細個時有speech delay，發音問題，講嘢係比阿哥差。

但我好比心機教佢地reading, train phonics 之後要佢地讀英文書比我聽。大仔時考直資個陣ort讀到level 6，中文基礎漢字全套讀識。細佬就考直資時ort讀到 level 9, 中文基漢就仲爭一套。但細佬最後都有學校正取收佢。

另外中文講故事都真係重要，要教小朋友講多啲形容詞同感受詞。反而數學我覺得攪掂好20以內加減同文字題都夠用。

好彩兩個小朋友最後都有學校收，哥哥學術overall其實好過細佬，但細佬情況係比阿哥當年好少少。我諗可能真係英文reading好啲有影響。