小朋友一技傍身

LeeCC

貓頭鷹之家 發表於 24-2-26 08:38
體育又唔呈

其實每個家長都有自己preference,,音樂叻的就話點解視藝比重高過音樂，運動叻的就話點解體育無呈分,無體藝的就會話應該只計中英數常

我當年都講笑，話音樂應該同中英數一樣x9,

利申，當年小朋友5級樂理 +樂器7級distinction

貓頭鷹之家

自私地想當然會，呈中英數常音藝，其實邊個諗出嚟？促進經濟發展

LeeCC

貓頭鷹之家 發表於 24-2-26 09:04
自私地想當然會，呈中英數常音藝，其實邊個諗出嚟？促進經濟發展

補習社琴行應該多謝佢啦

猴子爸

LeeCC 發表於 24-2-26 08:56
其實每個家長都有自己preference,,音樂叻的就話點解視藝比重高過音樂，運動叻的就話點解體育無呈分,無體 ...

其實當初設定視藝x3, 音樂x2, 體育x0, 教育局有冇解釋？ 係咪因為Art係可以應用某一啲行業，而音樂就局限d?

Raccch

感覺谷成績考前10容易過堅持小學六年每日練樂器。依家感覺學業成績時間投入同金錢投入都會少於樂器，而且明顯重要過體藝表現。
唔係tiger mum小朋友又唔係特別有對音樂有興趣，主打學業，小學六年再慢慢學樂器考個三-五級就差不多了。

Zleep

Rpp 發表於 24-2-25 23:29
8級都難．將8級時間放去學業上應該易過8級加級十。

你講到級十要升上級一好易咁。有點離地的說法


有時d 野唔係努力就可以做到，正如一d 小朋友，你要佢游水，劍擊，佢地係練極都唔識的，更何況係級一二三？  一級得3個？

猴子爸

Raccch 發表於 24-2-26 10:04
感覺谷成績考前10容易過堅持小學六年每日練樂器。依家感覺學業成績時間投入同金錢投入都會少於樂器，而且明 ...

咁就不如搵到小朋友嘅興趣，專注學習達到進深程度，佢嘅自信心都會不一樣。
我覺得小朋友喺中學，若在學術之外有起碼一個強項，對佢嘅成長必定有正面幫助。
樂器8級或以上+樂團成員、運動校隊正選、奧數/辯論代表、校外嘅武術、街舞攞獎….

Rpp

Zleep 發表於 24-2-26 10:12
你講到級十要升上級一好易咁。有點離地的說法

咁不如順其自然大家開心，又唔會離地。

letterland

liverpool2023 發表於 24-2-25 21:59
都唔完全係
我識人咁既情況，起碼爭取到interview 機會
如果無樂器，咁既成績根本無得in

最後咪又係輸成績

miss0217

LeeCC 發表於 24-2-26 08:56
其實每個家長都有自己preference,,音樂叻的就話點解視藝比重高過音樂，運動叻的就話點解體育無呈分,無體 ...

如果加埋視藝體育都x9就更開心
話晒當年我仔呢三科成績都有9x, 幫補唔少....

貓頭鷹之家

有時間就可以做多少少，如果住近小學，每日起碼多一小時，每日一小時，可以用來溫書或者體藝。 小朋友的成就要多方面配合。

rsx

猴子爸 發表於 24-2-26 09:49
其實當初設定視藝x3, 音樂x2, 體育x0, 教育局有冇解釋？ 係咪因為Art係可以應用某一啲行業，而音樂就局限d ...

當年政策女仔早熟著數，升中比返多啲quota男仔balance返，但比人投訴話歧視取消左！

照呢個做法應該加埋體育呈分balance返男仔先天性弱勢！

叫投訴之都其實部分原因係你唔投訴，有關部門或機構係唔會做的

mcl233

又另一角度去看，現在音藝已經出現刻意為呈分而去惡補，若，體育都視作呈分卷之一，咁，體育範圍廣闊，咁應該考試內容應該考啲乜呢？足叻既投訴考籃唔公平，籃叻既又去投訴考排唔公平，田投訴考徑，徑投訴考田危險。須知就算成人運動員，亦不可能樣樣都存在某程度上既天份～

到時家長既資源負担更重，學生壓力更大，經常都要去補習埋體育～

咁，DBS呢類學校就真係有遠見了，體藝學兼備，家長唔好投訴呈分試壓力大喎，操到身心俱疲～

LeeCC

rsx 發表於 24-2-27 08:50
當年政策女仔早熟著數，升中比返多啲quota男仔balance返，但比人投訴話歧視取消左！

照呢個做法應該加埋 ...

男仔唔一定運動有著數架，至少我個和身邊幾個都唔係

反而身邊唔少女仔係運動健將

猴子爸

rsx 發表於 24-2-27 08:50
當年政策女仔早熟著數，升中比返多啲quota男仔balance返，但比人投訴話歧視取消左！

照呢個做法應該加埋 ...

我當時諗可能係因為有啲小朋友先天疾病做唔到PE要求，但視藝同埋音樂就冇呢個問題，至於X3 X2呢樣嘢，就唔係太明白。

wpc666

如果運動做不到最top, 真的不要浪費時間，大量訓練很影響學習。寧可把時間放在學業上。

Rpp

音樂咪一樣，無天份就無謂谷考什麼8級，好多8級什麼樂器都係廢紙一張，最後都係成績唔夠就係唔夠。

貓頭鷹之家

Rpp 發表於 24-2-27 12:53
音樂咪一樣，無天份就無謂谷考什麼8級，好多8級什麼樂器都係廢紙一張，最後都係成績唔夠就係唔夠。
...

咁可憐，廢紙一張。

Rpp

個人覺得小學玩升中遊戲規則，一係玩學業好尖，一係樂器同運動好精，有個什麼演奏級，運動有什麼校際什麼獎，運動方面更加唔知了，中和番成績。

Rpp

貓頭鷹之家 發表於 24-2-27 13:08
咁可憐，廢紙一張。

鋼琴當年老師直情講廢紙一張。有張演奏級睇埋成績先會加分。