唔同banding學校，考試試卷難度有好大區別嗎？

tonyliu8

阿仔考報分試仲未生性，疫情有關，最後一次報分試無考。所以入到band2c學校。


F1F2，係年級第二。平均分80.
朋友個仔遲一年，今年F1.band2A英中。年級60左右。平均分50中。


想請教下各位家長，學校banding唔同，試卷難度會差好多嗎？

阿仔嘅真實水平，水份有幾大？

LeeCC

tonyliu8 發表於 24-2-24 09:26
阿仔考報分試仲未生性，疫情有關，最後一次報分試無考。所以入到band2c學校。

就算同級學校的卷的程度／份量，都會好唔同

hiuching8

tonyliu8 發表於 24-2-24 09:26
阿仔考報分試仲未生性，疫情有關，最後一次報分試無考。所以入到band2c學校。

當然差好遠。仲有個重點，band 2c學校會提供較多貼士俾學生溫習，咁佢哋先合格。

tonyliu8

回覆 LeeCC 的帖子

F1果陣，因為佢係數學年級第一 ，阿仔數學老師考完試，有試過俾其他band1A嘅試卷佢做。
最後做出來成績都相差無幾。都係90+。

但係英文水平差好多，考試都係60+。F2期中考試，除咗英文同另外一科係前十，其他科目都係第一。



其實講咁多，我都係擔心成績水份較大。驚同band1學生差距太大。

kirstyau

tonyliu8 發表於 24-2-24 09:26
阿仔考報分試仲未生性，疫情有關，最後一次報分試無考。所以入到band2c學校。

認真考慮插band1中學，前面都有前輩提到， 本身 阿仔能力高，但係學校要 遷就大部分同學程度，唔會教得深/高階程度，慢慢阿仔會落後Band1校學術， 唔係阿仔能力問題，主要學校問題。

即係好似坊間補習，拔尖定補底班都好唔同，永遠喺保底班 DSE好難突圍而出。

再去到高中入直路，Band1校 大家目標一致入大學，讀書氣氛會好好多。

fanny0806

我對仔女讀地區Band 1A中學:
我女今年S.3平均分68左右，全級排名中游位置
我仔今年S.1得中，英文，宗教合格，平均分55左右(不合格)，全級排名尾15左右位置。

2010YL

當然唔同啦，就B3中學為例，我見高中英文科份卷，仲考緊初中程度架

itckei2003

去 youtube search DSE 關相 video.
我覺得一般非 B1 學生(有樣睇), 對自己考得出奇地差覺得好意外.
我理解係, 校內排名俾左個錯覺佢地. 所以, 如果係 B2 -> B1, 係好值得轉. 仲要趁早.

happyjaguar

可能差别很大，比如英文阅读从八九十分变成合格线下方

rsx

五樓講得啱，程度上會被拖低！轉間1C適合一些！

BSCYL

tonyliu8 發表於 24-2-24 09:26
阿仔考報分試仲未生性，疫情有關，最後一次報分試無考。所以入到band2c學校。

令公子最出色那科數學，90分，在數理強的中學，不算很高分。 另外除英文外，絕大部份科目都是用中文授課， 如果插班2A或1C 英中， 所有科目改用英文授課，是否適應自如？ 在2C 英文60分，必須加強，否則DSE 可能成為致命點。

Rpp

去出面有名的補習社做一做卷咪知咩水平囉，舊年朋友個女講讀醫，亞媽聲稱自己個女科科有星，去有名補習社補化學唔收，交表格入GHS插班無筆試機會。

LeeCC

Rpp 發表於 24-3-12 17:30
去出面有名的補習社做一做卷咪知咩水平囉，舊年朋友個女講讀醫，亞媽聲稱自己個女科科有星，去有名補習社補 ...

去考插班，做下人地的卷，都知道程度

Rpp

LeeCC 發表於 24-3-12 20:10
去考插班，做下人地的卷，都知道程度

主要係個媽媽覺得考E好易咁，學校啲高分以為有星星，佢唔知B 2 A同B 1 A同一樣既分差距。

YolandaTam

Rpp 發表於 24-3-12 20:36
主要係個媽媽覺得考E好易咁，學校啲高分以為有星星，佢唔知B 2 A同B 1 A同一樣既分差距。
...

係㗎，我女當年喺旗袍女直讀，physics高中三年合格不超過5次，冇補習 DSE 都有 5。

LeeCC

Rpp 發表於 24-3-12 20:36
主要係個媽媽覺得考E好易咁，學校啲高分以為有星星，佢唔知B 2 A同B 1 A同一樣既分差距。
...

朋友本身係理科dse補習老師，睇過不同banding 學校的卷，佢自己2個仔女分別讀1A男校，1B女校，佢話就算1A同1B的卷已經睇到有分別，唔好話1C,band2……

佢話，街外補充通常都有將題目分level3,4,5,高banding 的學校差不多題題都係4，5以上，而極少有3的題目，band2尾以下多數都係3，加幾題4，5

初中卷，高banding學校的範圍會多d,而且題目多d

Rpp

LeeCC 發表於 24-3-13 13:17
朋友本身係理科dse補習老師，睇過不同banding 學校的卷，佢自己2個仔女分別讀1A男校，1B女校，佢話就算1A ...

所以咪話個媽媽話佢女係2A學校級頭，90分德望唔比佢哋筆試，佐敦化學唔收，佢哋有星星的。聽到都唔知點復佢。

kirstyau

Rpp 發表於 24-3-13 13:49
所以咪話個媽媽話佢女係2A學校級頭，90分德望唔比佢哋筆試，佐敦化學唔收，佢哋有星星的。聽到都唔知點復 ...

直接畀你仔女學校試卷佢做 可能低兩級都未識做

Rpp

YolandaTam 發表於 24-3-13 12:44
係㗎，我女當年喺旗袍女直讀，physics高中三年合格不超過5次，冇補習 DSE 都有 5。
...

聽過有人講生物三年只合格過三次，讀到好灰，但考DSE有星，現讀法律。

YolandaTam

Rpp 發表於 24-3-13 15:11
聽過有人講生物三年只合格過三次，讀到好灰，但考DSE有星，現讀法律。

喺 1A 校真係常事呀，尤其 1A 男校嘅數學同 physics