有啲後悔無比小朋友讀英小

sheepeep

唔該晒各位嘅建議。感激！

天外之人

TAIOU4 發表於 24-2-26 22:19
唔知你英文好唔好
我睇簡體雖然唔夠Native快
但敢說已可一目十行

我同老公都係有限公司，所以先至找一些有语境的地方，令孩子可以感受一下。网上教学的确係方便，但肯定会差一点，从之前疫情的网上教学，知识率有下降就知问题所在。另外网上教学只有视觉同听觉，有語景的地方自然五感都有，这对学习上都会有新鲜感而有所得益，唔係点会有咁多人都送去外国地方学习。

睇唔明会否因为太死板呢?你不是说每个家长都有唔同的方法吗?我孩子的中文会从我给他的文章修改中学习得到趣味，当然每星期都有到国内实景感受一下中文的运用，所以每一年学校都有抽样文章刻在书本上供人欣赏，我从来都放心主科冇问题。

不再说了，孩子应该从自修室离开，我去准备定晚餐，有空再说。

TAIOU4

天外之人 發表於 24-2-27 19:00
我同老公都係有限公司，所以先至找一些有语境的地方，令孩子可以感受一下。网上教学的确係方便，但肯定会 ...

原來你想話X國文化協會有語景
Net Chat冇語景
睇尼我真係誤解o左語景o既定義了

原來 1 on 1 與不同外國人仕交流叫冇語景
坐定定12人一班睇片做作業先叫做有語景
我學到o野了

Rpp

唔駛後悔無讀英小，我三個都係普通中文小學。中學最嘥時間係中文科。若果當年讀英小我死俾佢哋睇。中文百份百肥佬，英文其實易
追中文好多。

Joemk

回覆 Rpp 的帖子

我都覺得我無後悔讀中文小學, 起碼中文日日寫, 中文學習能力差極有限.
至於英文, 叻唔叻, 其實都未必關中小定英小事.

英文叻, 可以家長栽培.  大把方法搞好佢.

中文小學, 一樣有英文叻(聽說讀寫)的學生.  尤其衣家年代, 學英文易過以前好多.

所以, 不用灰心.  你肯教, 佢肯學, 就成功在望.

sheepeep

Rpp 發表於 24-2-28 00:56
唔駛後悔無讀英小，我三個都係普通中文小學。中學最嘥時間係中文科。若果當年讀英小我死俾佢哋睇。中文百份 ...

中文真心難

天外之人

TAIOU4 發表於 24-2-27 21:39
原來你想話X國文化協會有語景
Net Chat冇語景
睇尼我真係誤解o左語景o既定義了

你所指係不同外國人溝通,但都係死板的坐在電腦面前,衹可以講有語冇境.對棲主小朋友心態隨時沉悶下去. 且對小二學生能力有點過頭,你提及這種小四以上或許會合適好多.
其次提及Net Chat講活動教學,孩子鐘意乜就同你Show & Tell,主要都係孩子要主動,被動式孩子隨時一個字"無",其次玩來玩去都係同電腦面前的一位老師,點及身邊都係同年齡階段一起玩好? 反過來稔,父母有否多陪孩子玩而令孩子從中去學習?

TAIOU4

天外之人 發表於 24-2-29 09:53
你所指係不同外國人溝通,但都係死板的坐在電腦面前,衹可以講有語冇境.對棲主小朋友心態隨時沉悶下去. 且對 ...

我嗰個就係小二開始玩
家長可因應小朋友程度找不同老師
我相信了解自己小朋友的家長
一定會找到合適的教學方法
為自己子女上度身訂造的課程

並不是盲目的去上1對12補底班

你好像好信任尼間公司冇試過其他嘢
真係要代佢哋多謝你

fmf903

中文其實仲難學，你睇幾間一線直資學校SPCC, SPB都係中文小學，入面個小朋友英文都一樣好叻。所以自己好好栽培都冇問題。

天外之人

TAIOU4 發表於 24-2-29 10:22
我嗰個就係小二開始玩
家長可因應小朋友程度找不同老師
我相信了解自己小朋友的家長

我不是信任呢間野,我衹係買佢環境,始終不是富裕家庭,很難有機會身在英國這些地方感受語境. 我就是了解自己孩子,讓佢玩得開心啲去學,現在英文一樣都可以運用得流暢自如. 你孩子心態可能唔同樓主既孩子,你用的這個NET CHAT做到你要的目標可以,但樓主孩子未必可以,當然報這間X國文代協會都一樣,唔知有冇效果,之旦係可以比孩子感染一下環境氣氛,唔需要咁死板坐在家中電腦面前(更何況做得唔好,長期性對眼睛都有壞處).

天外之人

fmf903 發表於 24-2-29 10:49
中文其實仲難學，你睇幾間一線直資學校SPCC, SPB都係中文小學，入面個小朋友英文都一樣好叻。所以自己好好 ...

我也是這樣想,所以中文要早期先學好最重要,英文要學好好快會上手,但不論什樣,都要令孩子從小感覺讀書學習係開心既先有效,強逼去學衹會事倍功半甚至反效果.

TAIOU4

天外之人 發表於 24-2-29 12:09
我不是信任呢間野,我衹係買佢環境,始終不是富裕家庭,很難有機會身在英國這些地方感受語境. 我就是了解自己 ...

好利害
連辯論例牌Point 眼睛建康都出埋
分分鐘之後會要用埋軟技巧同溝通能力尼打
不過對精明o既家長以上跟本不是問題
有控制力與運用方法已經可以全Point K.O.

仲可以將坐定定上補底班做作業比喻作感受英國環境
唔知仲以畀錢幫襯佢就等於搭o左飛機去英國上私校
最後幫襯完結果除o左比人貴外
同坊間同類機構真係有不及而無過之

淨係睇佢個經營手法己知佢好識做生意
- 心理戰術, 沉沒成本
幫襯佢之前要小學生考個幼稚園中班不如o既付費試
跟住畀頂高帽你戴話你可以入唔記得o左叫高級班定精英班
等 D 家長同小朋友都聽到 High 晒
尼個做法極其卑鄙

- 屈人畀一年錢, 否則收天價 (沒Discount)
坊間有幾多間要簽咁長約先?

- 以小時去定價, 但每堂是個半鐘
當家長見到個小時價已經覺得係差不多坊間最貴
點知仲要 x 1.5倍
尼個價上實體 1 對 2  Net Teacher 課都有找啦
最大騙局係個半鐘裡面有半個鐘係睇幼稚園Level o既不說話羊仔卡通
真好做

- 冇得更改課程上更高班
課程內容同香港津校冇分別
冇新o野學之餘內容淺到無論
唔係我做乜叫佢做補底班

- 冇得請假, 唔返都要返錢
唔記得有冇得請病假同補課
但坊間其他機構多數都係上幾多堂就畀機多堂錢
尼次終於可以感受到英式合約精神了


主要係以上數點
可能對富裕又沒有去比較坊間其他機構o既長期用家係沒有問題
但請你在盲推前
先試一試比較下其他機構或我所講的方法
同一個乜都未試過o既人去比較邊樣好
真係紙上談兵講乜都得

天外之人

TAIOU4 發表於 24-2-29 13:32
好利害
連辯論例牌Point 眼睛建康都出埋
分分鐘之後會要用埋軟技巧同溝通能力尼打

唔駛咁勞氣,你唔係講過各家長有自己認為合適既做法,更何況我衹是講出我經驗比樓主參考,家長做唔做係另一回事,有冇成果自己心裡有數,我唔否認這間中心價格偏高,我都講過買佢環境及與其他小朋友交流,且加上身心又健康啲,感覺你好像都是用大人角度去睇,冇稔過小朋友心態去睇,從你字裡看出都幾谷孩子學習,醒少少就要學深啲,學淺啲好似浪費時間,看出你我教育睇法唔同.不過唔梗要,自己孩子有成果就得.
我就無得比較下其他機構,因為都無參與過其他野,連補習都無(除非你講這個X國文化協會係),所以如你所講同一個乜都未試過其他o既家長去比較邊樣好係有點差異,

TAIOU4

天外之人 發表於 24-2-29 18:07
唔駛咁勞氣,你唔係講過各家長有自己認為合適既做法,更何況我衹是講出我經驗比樓主參考,家長做唔做係另一回 ...

原來你中文有時都幾好
識得用盡可用的辯論Point:
- 與其他小朋友交流
- 身心又健康啲
- 用大人角度
- 冇稔過小朋友心態
- 谷孩子學習
- 學淺啲好似浪費時間
- 教育睇法
- 自己孩子有成果就得
- 連補習都無


你咁寫只不過係假設性對號入坐
用意係將對方打造成一個怪獸家長
不過以上全部Point基本上只是你的幻想
越尼越覺得你同尼間o野好有關係
次次都Sales佢
當然我次次都會打殘佢
因為尼間o野堅搵笨

天外之人

TAIOU4 發表於 24-2-29 22:57
原來你中文有時都幾好
識得用盡可用的辯論Point:
- 與其他小朋友交流

有時都可悲,你覺得係咁就係咁啦,我所講既Point衹係因應你的回應而講出,講事實又係錯. 人本身就應該向著美好既幻想去實現想得到既野,你咪又係一樣幻想孩子學Net Chat得到你想得既野,咪又係Sales你使用中既Net Chat,同我冇咩分別,衹在於各自成果不同,現實中起碼我孩子真係實現到.不過長期看電腦手機平版NET CHAT始終對成長中孩子眼睛唔好,多注意一下.戴眼鏡男孩子冇咩所謂,女孩子就冇咁好.
做人唔好咁暴躁,對自己精神健康都冇咁好.

Rpp

TAIOU4 發表於 24-2-29 13:32
好利害
連辯論例牌Point 眼睛建康都出埋
分分鐘之後會要用埋軟技巧同溝通能力尼打

邊間？

tummypooh

首先，你要的英文好，係英文科成績好，定用英文溝通能力好，兩件事，英文溝通能力好，英文科成績未必好。

要英文科成績好，比較簡單，踢去補習，日做夜做練習，死記爛背，點都會有進步。

如要口語聆聽溝好，語境係好重要。唔好諗住田個啲咩咩動物TREE、XX協會一星期加埋得個兩三小時堂會有幫助，如你平日生活配合唔到，去呢啲班學口語80%係浪費金錢同時間。

如家長係日常生活能夠不斷用英文同小朋友交流當然最好（由BB開始，我女小四，廣東話、普通話，英語溝通係冇問題，情況你放佢去同國內小朋友或外國小朋友玩，溝通完全冇問題），但對於一般普通人家庭，未必會做得好或個個都做得到。其實小朋友剛學語言的時候真係黃金期，錯過左要補返真係要花比較大的力氣。

要日常生活都不斷同小朋友用英文，真係唔係個個得，如果自己都係半桶水，可能仲會教壞埋。咁點？都係個兩句，多聽多講。多聽其實而家比係幾十年前我的年代已經唔難，細細過就俾佢睇英文電視，YOUTUBE大把（只不過好多家長成日將網上視頻、手機當成怪獸），反正就係從BB好開始就俾佢睇外國節目，廣東話的卡通當呢個世界從來冇出現過，佢要睇就只有英文。唔需要睇得多，每日睇幾十分鐘已經好足夠。當然如果家長可平日都用埋英文（或某啲性況下用英文，會有更大幫助）

年代唔同，三四十年前，小朋友的語言能力未必相差好大，而家呢一代，只要搵到方法，好多小朋友廣東話、英文同普通話都冇問題。

加樂爹

英小最基本的是學校要維持學生英文水平.所以減輕了家長在高小才發現子女中英文兩頭唔到岸情況.
英小"有心"的家長, 發現只針對中文科, 英文科有學校"加強"的維持, 會輕鬆好多.

中小當然可以學好英文, 但因大部份學校不清晰定位, 更甚是"疏懶",中英文都隨隨便便!
想問, 中小學校有沒有把中文標準定得足夠高呢?

******************************
對大部份家長, 中英文好就是考好份試卷.
所以, x國文化協會, 補習社肯定最安心, 有規有舉, 有野唸, 寫句句字都複習d.

1:1 網上的我無用過, 應該是生動些, 有即時回應, 及伸延學習.
能夠幫你用英文思考, 去構想, 去表達 (並非那種罐頭式回應...如 you are welcome!)
對考試真係未必有即時明顯幫助.
但家長用得, 就應該貪心D, 引導到小朋友自主學習.
網課是導向, 課後是延伸學習.

以上兩種方法, 我看是家長取態, 亦都是學校教育方向.

想下學校每星期兩默, 唸書, 抄寫, 每月有測驗, 每晚排到寫痳痳...
學校唔會想你學物, 想物, 只是肯定你可以考好佢份卷, 好成績.
沒有空間, 何來延伸學習?!

英小特別是資源足的直資學習可以很好.

中文或要到4年級以上才感到"三國演義", " 慶余年" 那些文字...
中文遊戲天書minecraft... 更無心機睇
但英文書刊由幼稚園已經看得明, NG, How it works...初小已經把孩子帶到中學/成人科學世界.
You tube 大量片去睇, 淨係點玩魔術, 都好有門路...有時諗呢D野小學不去玩下, 到中學又點會有興趣呢?

既然初小已有能力用英文學習.
我認為好的英小學校不應把學生劃在考試柜架內, 或是指定的延伸學習區內.
人生可以是這樣, 有點空間為自已興趣去學習.

當然, 家長會buy 考試式教育, 在機械式下操作, output 有保証 (對跟得上既學生)

兩種方向, 都要引導, 要逼, 只是方法與目標(標準) 肯定不一樣.
我不信happy school 那種無為而冶, 或人之初, 性好學那一套.

最後, 讀書得唔得, 看小孩子天份, 家長給他培育環境是否合適 (不是足夠與否).
中小都可以學好英文.

加樂爹

tummypooh 發表於 24-3-2 12:30
廣東話的卡通當呢個世界從來冇出現過，佢要睇就只有英文
...

講得好, 夠絕!
我都同意, 中日的卡通, 都不會在家中播出!

TAIOU4

加樂爹 發表於 24-3-2 13:41
英小最基本的是學校要維持學生英文水平.所以減輕了家長在高小才發現子女中英文兩頭唔到岸情況.
英小"有心" ...

其實香港教育問題係一個好深層次o既食物鏈問題
有少少似舊西歐貴族系統又或者有套叫The Platform (饑餓鬥室) 的電影一樣
上層的人定規則給下層的人津守
但下層想要的都不是上層所想的
而當較上層的人得到所需後
就會反過來破壞下層的褔利

最大問題係訂立規則的人跟本不會津守規則
教育局內大部份識員子女都有OEA
而好多高級公務員都有閒錢給子女讀ESF或國際
佢o地多數子女跟本唔會讀一般學校及考DSE
基本上免費教育做得越好就會對付費教育越不利
所以如不限制公務員子女要津守規則的話
香港教育一定會越玩越爛

不知是好彩還是唔好彩
學校課程廢對部份人來說又是好事
例如比較有能力的家長會輕易找到方法去陪育子女
用最適合的方法去教育自己孩子
使得孩子可用最少力氣就可把課程應付
並有時間做自己興趣
如樓上所講只要看對書玩對Game上對堂
已足夠在香港平庸的教育環境中出類拔萃

但若教育真的成功改革的話
間間學校都專科專教
不會英文老師講Konglish
體育老師數學
個個兩文三語都流暢自然
我想應該沒有人會花錢去上30年前沒網絡年代的英文進補課程
基本上又會係另一個地獄
到時家長便不可再帶孩子搭直升機
真的只可同同學鬥高智商同勤力了...