Y1 學中文

Leira

請教大家，小朋友之前在IS K，今年year 1, 我想外補中文，尤其在讀、寫兩方面，但係補中文範圍好闊，點樣知道小朋友應該上認字班 （圖像記憶法嗰啲）定係上綜合嘅中文班，定係普通話會話班？

我小朋友由3歲開始上認字班，但今年覺得認字效率低過以前，啲字會唔記得，唔知係咪因為啲字開始越嚟越複雜？

小朋友時間有限，應該點樣揀？

melobi12

我小朋友升Y2 嘅暑假先開始認字班，本來佢認字能力極弱，但由一堂6個字進展到一堂記10個字，突然間幾個月內儲左好多新字喺字庫，我見佢對其他新教佢嘅中文字都開始比較「有感覺」。

不過嚟緊我都會停左認字班，始終中文字淨係靠圖像記憶唔夠。學中文都係要正正經經學返啲部首、拆字。不過我覺得作為入門介紹左一堆常用字俾佢係好有用。

Leira

melobi12 發表於 24-1-29 14:32
我小朋友升Y2 嘅暑假先開始認字班，本來佢認字能力極弱，但由一堂6個字進展到一堂記10個字，突然間幾個月內 ...

贊成，之前我小朋友開始上認字班時，我都覺得佢記得好快，但係而家好似去到樽頸，一個平台期

smilesmilefan

Leira 發表於 24-1-29 12:39
請教大家，小朋友之前在IS K，今年year 1, 我想外補中文，尤其在讀、寫兩方面，但係補中文範圍好闊，點樣知 ...

小朋友係學校已經習慣用英文，係學校每星期得嗰三四堂，對中文都冇興趣去學習，去到樽頸位，好難再記得啲字

year 1都還好，可以上認字班，但year 2認字班係唔足夠, 寫句子，閱讀理解，部首，拆字，喺學校學嘅程度根本就相比本地小學低好多，我覺得綜合的中文班會較好，上埋會話班會更好，我仔都有同我講學校啲小朋友其實好多都唔識中文，甚至有些小朋友雖然有上堂，但連講都唔識講

我仔仔仲要喺學校學簡體字，喺校外補習可以選擇嘅有限，我只係找私補同埋網上課程去學，但都唔足夠，越嚟越覺得國際學校嘅小朋友學中文其實真係好難，我都好想知道可以點幫到佢哋學好中文，或者有冇較為好嘅補習社可以去跟到小朋友進度呢？

mattmm

父母中文過關的話，小學低年級完全可以嘗試自己教。買一套合適的教材+配套練習（書店裡很多選擇），每日15-30分鐘細水長流，效果定好過每週一兩次的中文補習班。送補習班還要考慮在路上浪費的時間和接送人手。

語言的學習必定需要浸潤式啊！

bigheadshrimp

Leira 發表於 24-1-29 12:39
請教大家，小朋友之前在IS K，今年year 1, 我想外補中文，尤其在讀、寫兩方面，但係補中文範圍好闊，點樣知 ...

我覺得小時候上認字班有一定的幫助，不過有一點點基礎後還是要靠看書。正因為時間有限，剛開始時，我小朋友只上補習班，自己在家裏基本不會看中文書。後來發現小朋友只認識比較深的字，反而簡單的字全部都忘記了。我現在每天不論有多忙都會抽10-15分鐘讀中文書。自此以後，中文真的好很多。

不過… 我有繼續俾小朋友上補習班，因為有時我講100句都不及老師講一句…

Leira

mattmm 發表於 24-2-1 13:12
父母中文過關的話，小學低年級完全可以嘗試自己教。買一套合適的教材+配套練習（書店裡很多選擇），每日15- ...

小朋友返左一日學好攰，放學之後效率好低，5歲小朋友每日訓10-11個鐘，我小朋友同佢d同學都係7-8點上床訓覺，瞓之前我都會一齊睇書，真係冇時間做中文練習，尤其我哋做家長要返工啊⋯⋯所以周末出去學中文都係無可厚非。

你是ftm嗎？

Leira

bigheadshrimp 發表於 24-2-1 19:05
我覺得小時候上認字班有一定的幫助，不過有一點點基礎後還是要靠看書。正因為時間有限，剛開始時，我小朋 ...

我贊成睇書，你睇書時會講普通話定係廣東話？小朋友學校中文學普通話，但係屋企又講全廣東話，好矛盾。外補 認字班應該揀廣東話定普通話好呢？
雖然學校行簡體，但係我就叫佢認繁，會唔會唔係咁好呀？

bigheadshrimp

Leira 發表於 24-2-2 00:15
我贊成睇書，你睇書時會講普通話定係廣東話？小朋友學校中文學普通話，但係屋企又講全廣東話，好矛盾。外 ...

以前會用廣東話讀，後來發現好多字小朋友只會用普通話讀。為了減少混淆，我們雖然屋企傾偈繼續講廣東話，不過讀書就換成普通話。另外，睇認字書時，我會叫小朋友自己讀出聲，當然我在旁陪伴。可能我要求低，不過我覺得讀國際學校，小朋友識中文已經好好，所以我沒有要求又要識讀廣東話又要識讀普通話…

我們學校都是用簡體字，不過外補和我自己買的書還是繁體字。生活在香港一定會接觸繁體字，所以我選擇先introduce繁體。繁體字比較容易拆開，用故事形式來解釋字的意思。我覺得識繁體字要讀簡體不是很困難。小朋友暫時冇問題。（聽過前輩話他們的小朋友可以讀繁體字，不過寫簡體字。）

另一套philosophy是簡體字筆畫少，小朋友比較容易接受，所以先教簡體。好睇小朋友適合哪一套和家長自己的preference… 先認識簡體字，再學繁體字都冇問題。很多內地朋友都學識睇繁體字。曾經問過學校的中文老師，她們都話小朋友都好adaptable，自己會識得轉channel.

mattmm

Leira 發表於 24-2-2 00:11
小朋友返左一日學好攰，放學之後效率好低，5歲小朋友每日訓10-11個鐘，我小朋友同佢d同學都係7-8點上床訓 ...

5歲的話，每日陪伴閱讀15分鐘已經幾好👍
我也是全職工作的家長，還在摸索階段。6-7歲之後可以嘗試週一到週四閱讀，週五和週末按教材打一點點基礎，系統地教授。平日每天5-20分鐘，週末40-60分鐘，重點是細水長流。

把那每週1-2小時送出去上補習班的上課時間和接送時間，分拆到每一天keep warm。但具體如何分配時間要看每個小朋友的作息決定。

Radiomama

mattmm 發表於 24-2-4 21:16
5歲的話，每日陪伴閱讀15分鐘已經幾好👍
我也是全職工作的家長，還在摸索階段。6-7歲之後可以嘗試 ...

好同意你用的方法和方向，加油！

我仔在學校學繁體、普通話，沒有外補；但我會安排「家課」給他完成，量和程度按年級增長遞增。初初也是每天5-10分鐘左右。曾試過練習寫單字和詞語，也會按詞語來作句，之後也會加入閱讀理解的練習。除此之外，也會伴讀中文圖書等。

不過以上種種大概在小學時仍可使用，初中後就不容易了。中學後遇上好的中文老師，走運。

964000

Leira 發表於 24-1-29 12:39
請教大家，小朋友之前在IS K，今年year 1, 我想外補中文，尤其在讀、寫兩方面，但係補中文範圍好闊，點樣知 ...

我Y1時係上小班綜合廣東繁體班，另外私人PTH學拼音和會話，平時自己廣東話讀繁體中文書。
到Y2就只上私教PTH繁體
Y4開始就停了私教只上網課PTH簡體
我地學校Y1-3冇中文堂，Y4才開始有，不過有同學ESFY6轉來話深過ESF（都係highest stream) ,所以靠自己不比靠學校差，不過因為佢細個學過繁體D常用字都認得，跟學校轉簡體後佢更願意寫字，所以有得揀我都prefer學校學簡體，唔想太花時間在功課
到大個家長會更難叫郁小朋友，所以細個自己攪，大個D靠學校，盡量入最高stream中文都唔淺，起碼佢要keep住作文作句默書背書,係唔睇書囉

poonseelai

964000 發表於 24-2-8 23:23
我Y1時係上小班綜合廣東繁體班，另外私人PTH學拼音和會話，平時自己廣東話讀繁體中文書。
到Y2就只上私教P ...

如果保持到小學睇書已經好好, 上到中學更難, 我好彩孩子小學初中喜愛台劇, 综藝節目和組合, 看電台灣電視節目和聽歌

Fatcream8

我比孩子上普通話嘅網課，一星期一次，一對一同老師互動，透過唔同課題順便認吓啲中文字。佢哋有簡體或者繁體字選擇，我自己間國際學校學嘅係繁體字，老師亦都可以選擇講廣東話或者普通話，但一般國際學校都係英普。