英華小一生參加公開比賽亂投訴

仲淹范

大灣盃奧數海選初賽（小一）

時間：2023年12月17日，早上9:00至10:00

地點：創知中學103室

人物：我女兒坐在近門口，第三排第一個坐位），英華小學小一學生（當時坐在我女兒後面，左邊的是該學生的幼稚園同學，不知那間），女兒的男同學（我女兒同級同學），當時坐在我女兒右邊。

事件經過：根據我女兒所講，當時是在該課室以筆試形式比賽。我女兒總共被你的學生投訴5次，令到她被調位及扣分。我女兒當時認為該些投訴過份及監考的處理不當，令她感到很不愉快。

根據我女兒所講，該5次投訴內容如下：

第1及2次投訴我女兒的外套不小心從椅子掉下；

第3次我女兒凍要著外套，要擰後拿外套，英華學生投訴我女兒偷望佢（根據我女兒表示，並沒有）；

第4次我女兒右邊的同學撩我女兒傾計，但我女兒沒有理他；該英華學生居然指使他的幼稚園同學一起投訴（當時他坐在我女兒左邊，應該不太清楚右邊的事，另外該英華學生也涉嫌傾計及騷擾他的幼稚園同學考試）；

第5次我女兒跌咗擦膠，又被投訴。

仲淹范

https://ynews.page.link/AhN61

唔係成績入名校搵到錢就大晒，條死鬼佬夠名大學雙學位

簡單啲來講

仲淹范 發表於 24-1-2 13:57
大灣盃奧數海選初賽（小一）

時間：2023年12月17日，早上9:00至10:00

咁你女唔好彩囉，咁出去比賽麽對手都有。調節好心態，唔受影響為上，但對小一小朋友都好難做到。當一次體驗，下次就有經驗嘛。

chole99

仲淹范 發表於 24-1-2 13:57
大灣盃奧數海選初賽（小一）

時間：2023年12月17日，早上9:00至10:00

應向英華學校投訴

adako728

回覆 簡單啲來講 的帖子

rsx

呢件事令我諗起單嘢：

https://youtu.be/LHqOR6FvncA?si=sa2thun61rncOfR-

他只是一個小孩…父母造成

Rpp

我仔細睇左幾遍你既描述，若果發生係我女身上，我都懶得去處理，周圍時有發生。佢哋咁醒目識得處理自己嘅問題。可能我不拘小節認為小事啫。

kakokkkk

仲淹范 發表於 24-1-2 13:57
大灣盃奧數海選初賽（小一）

時間：2023年12月17日，早上9:00至10:00

理解小朋友當刻情況，我會覺得當下係俾另一位參加者騷擾。

但我同時都會理解個個男同學心情，我想呢位男同學考試心情直升到天花板，未能夠好好調整佢係考試時心態。容易「跳制」，反而我有啲同情呢個咁細學生竟會咁著緊一個小小初賽。可想佢平日壓力應該到不少。

遇見呢件事唔好彩，但也未必係件壞事。家長可好好與佢疏理一下，讓她明白有時候有些事 ，就算自己做好準備，都會發生意料之外和不能控制的事。同埋，學懂在人地角度再睇多一啲，原諒體諒，呢一點先最重要。

最後讚賞佢係呢件事上仍堅持比賽。我一直都緊持從小就要建立同理心，當下小女孩同埋心強 ，佢被人影響心情也比較低。

a250

我相信你打呢段野都避重就輕左你個女做既野, 更何況你都係得你個女一面之詞
細路仔比人罰, 會同阿媽講幾成真?

就當上面講既野係事實既十成, 我嘗試代入果位英華同學既感受, 我都會覺得你個女做既野係煩擾
依家係講緊比賽, 仲要係需要極度集中既奧數
你個女又跌外套 (仲要跌幾次), 又擰後, 又跌擦膠
大佬, 純粹睇你段文都煩la
唔係個個都志左參與, 有人係想win ka

最離奇係有冇需要咁 emphasize "英華小一生"?

仲要用個殺人犯黎類比
喇, 比人既感覺就係仇視 jealous 名校生...
建議你睇開 d....

Jean1769

a250 發表於 24-1-3 23:01
我相信你打呢段野都避重就輕左你個女做既野, 更何況你都係得你個女一面之詞
細路仔比人罰, 會同阿媽講幾成 ...

見到個家長咁煩，就知個細路都煩

twhkleung

rsx 發表於 24-1-3 15:54
呢件事令我諗起單嘢：

https://youtu.be/LHqOR6FvncA?si=sa2thun61rncOfR-

帶到個細路咁,認真可怕...

令我想起有間中學(荃灣)的學生投訴事件.
我friend 太太係某中學訓導處老師, 有日有個同學A走泥向佢投訴有個同学B蝦佢,老師當時好認真叫A講述详情,点知老師听下听下,... 咦,好佢係A蝦呀B禾,点解A重泥告狀???

依家d野真係...

簡單啲來講

a250 發表於 24-1-3 23:01
我相信你打呢段野都避重就輕左你個女做既野, 更何況你都係得你個女一面之詞
細路仔比人罰, 會同阿媽講幾成 ...

係哦，佢個女仲跌咁多次，被投訴都好正常，英華小一男仔好勇敢，好精靈

a250

回覆 Jean1769 的帖子

正路比人投訴一次都會自己小心d唔好再跌野
但比人投訴完仲要一而再再而三咁跌野
係咩原因?

喇, 我就唔會估
但我相信監考老師會扣佢個女分, 一定綜合晒現場所有情況
比起佢個女... 我會傾向選擇相信中立老師在場既判斷
如果個男同學係無理取鬧, 佢個女會比人罰?

twhkleung

a250 發表於 24-1-4 00:37
回覆 Jean1769 的帖子

正路比人投訴一次都會自己小心d唔好再跌野

如果考公开試,e.g., DSE, 唔知監考老師会点呢?

小曳人

呢單野，令我諗起大仔有次圍棋比賽，對手又係玩野，乜都投訴，最後係其他枱走哂，評判望住佢兩個捉，對手dum 波鐘，我仔捉完嬲到喊！ (我唔記得仔贏定輸，但絕對係EQ訓練！)

但呢個世界總有有呢d人，用"旁門"手段，就算贏咗都唔光彩

咪當孩子上一課囉~

lcmyk

a250 發表於 24-1-3 23:01
我相信你打呢段野都避重就輕左你個女做既野, 更何況你都係得你個女一面之詞
細路仔比人罰, 會同阿媽講幾成 ...

edmond96

睇完成篇文章, 好難單憑小朋友和樓主的說話決定誰是誰非.
不過首先樓主小朋友一連串的行為, 確實有些不常見.
其次是就算真係那位學生有不合適投訴, 也是個別事件,
為什麼要強調是英華學生?

我的小朋友參加了超過 30 場實體筆試的現場數學比賽,
從來沒有發生過如樓主所說的情況.

adako728

a250 發表於 24-1-3 23:01
我相信你打呢段野都避重就輕左你個女做既野, 更何況你都係得你個女一面之詞
細路仔比人罰, 會同阿媽講幾成 ...

講曬我想講嘅嘢！仲要sent左呢篇一模一樣的「公審投訴貼」去好多唔同嘅版面，以一個小朋友的一面之詞就上升到對一間學校的名譽評價，提醒人地「謹慎選擇學校」更加另人費解！雖然不了解件事不能評價，但是相信在場監考老師也不是傻的，在一個這樣的場合相信老師身在其中看得一清二楚，兩個學生對她來說亦不相識，她當時的決定好大程度已經代表了很多。反觀呢位家長在這件事的做法，先令我覺得：有其女必有其父/母

TAIOU4

世界就係咁
總係有D人會有咁天真o既想法

個女畀人恰一次後
個家長去人o地地頭凸個頭出尼
又再畀人恰多一次

分分鐘o個幾個投訴你女班細路o既家長
在這一刻正Call齊其他同學家長一齊上尼圍毆尼個Post
(不過我咁寫出尼班正義o既朋友應該會散水)


就算要投訴學校都要有少少技巧以防殺Post啦
投訴他校學生開晒名真係諗住自己係葉問...

lailaie

我自己的小朋友, 無能力參加依類比較, 借問其他有經驗的參賽者家長, 個比賽好重要架?

即使樓主講的, 全部都係事實, 就當比阿女上一次人生課. 現在先小一, 人生裏面仲有好多場比賽, 今次當攞個經驗, 下次再比賽時, 就小心啲, 坐好啲, 唔好再跌野囉.

我以前去Emax 考公開試, 當年係一張枱坐兩個人, 隔離的考生用擦膠的時候, 成張枱都震晒, 我都覺得好煩