Ssgc聖提女，ywg英華，坑真 比較

jiljill

這種自我中心，全世界都要繞著我轉的心態，2019年反映無遺。

minnieevergreen

回覆 jiljill 的帖子

其實係雙向既﹐當然出黎社會﹐你要學習適應社會﹐呢個一定係事實。
但世界好多、社會有不同群組﹐每個群組既文化都唔同﹐
我地係可以搵一個合適自己既文化同群組去生活﹐發展自己所長。

舉例﹐就算出到社會打工﹐同一份工作同一份人工﹐不同公司﹐甚或同公司機構不同分部﹐都有不同既工作模式﹐係A公司做得唔開心﹐只係代表你唔適合A公司﹐都唔能一定係失敗既﹐轉去另一公司發揮到所長既都大有人在。
我作為一個媽媽﹐亦作為好多人既上司﹐除左個人工作/學習態度真係好差之外﹐我好少用"失敗"去形容小朋友或者下屬。不斷話佢地失敗者﹐唔會令佢地成功。

jiljill

失敗者總是多藉口

jiljill

喺EK咁耐，未見過有家長怪責自己子女唔夠努力。全部都係社會嘅錯、學校嘅錯、老師嘅錯，自己個仔女啱曬。

猴子爸

minnieevergreen 發表於 23-12-13 13:09
回覆 jiljill 的帖子

其實係雙向既﹐當然出黎社會﹐你要學習適應社會﹐呢個一定係事實。

这应该是跟个人成长经历有关的。看到jiljil的留言，感觉他好像小说的主角，经历了人世间沧桑，在逆境中自强不息，硬净面对一切，所以“关爱”这类字眼，在他眼中只是弱者渴求的庇护，是失败者无奈的寄托。

jiljill

我只係講客觀嘅事實，嚴父出孝子，慈母多敗兒，千古不變嘅定律。又要關愛，又要成績好，你當香港係烏托邦呀？

jiljill

唔信你望下身邊嘅人，講呢啲說話嘅人，一般仔女讀書都好唔掂。

PTL_L

jiljill 發表於 23-12-13 13:26
唔信你望下身邊嘅人，講呢啲說話嘅人，一般仔女讀書都好唔掂。

咁又唔係一定，總有例外，EK有幾多人發言啫？唔代表所有人，好多都係齋睇唔講嘢唔分享，就算分享部分都係啲無意義嘅分享。雖然我好欣賞你嘅直率，但有少少以偏概全。

jiljill

例外嗰個要疏遠，因為佢係一個虛偽嘅人。

jiljill

我身邊無數尖子，冇一個唔係拼搏到牙齒出血的。但係人哋同你有親呀？點解要將成功嘅方法話畀你知？

PTL_L

jiljill 發表於 23-12-13 13:29
例外嗰個要疏遠，因為佢係一個虛偽嘅人。

其實睇吓父母有幾貪心啫，個個都想自己小朋友成龍成鳳，但去到一啲位就會明白自己小朋友嘅長短處，最緊要接受不足，如果接受到又唔貪心又唔洗要面子嘅，總有啲人唔想去到最高點

minnieevergreen

jiljill 發表於 23-12-13 13:26
唔信你望下身邊嘅人，講呢啲說話嘅人，一般仔女讀書都好唔掂。

真係唔信。
自問女女讀書一D都唔差喎﹐
但佢由出世至今﹐我一下都無打過佢﹐
平日相處讀書時認真討論讀書﹐遊戲/親子時間打打鬧鬧
但阿女不論成績同操行都好﹐人際關係亦好。

睇返我自己都當年都係放任式生活﹐自問都唔係好唔掂﹐假假地都係爛鬼三大出身既專業人士丫


人人都有唔同既管教方式﹐唔會一本通書睇到老既﹐放鬆D啦﹐咁多負能量生活好累嫁

jiljill

做唔做係仔女嘅事，父母根本逼唔嚟。我想講嘅係，做唔到就做唔到，唔好關愛、教育制度乜乜乜咁多藉口。

minnieevergreen

回覆 PTL_L 的帖子

其實點先係最高點?做到醫生? 發左達 ?

我自己覺得去到最高點﹐就係發揮到果個小朋友既長處﹐令佢生活得順利﹐作為媽咪已經好開心。

PTL_L

jiljill 發表於 23-12-13 13:32
我身邊無數尖子，冇一個唔係拼搏到牙齒出血的。但係人哋同你有親呀？點解要將成功嘅方法話畀你知？
...

咁認同呀，尖子都要付出，呢個世界冇免費午餐，但唔係個個都想做尖嘅，尖嘅下一層又比平常嘅好啲，不過又唔洗點出力，壓力又細啲，榮譽相對又少啲，但人輕鬆開心啲，唔好咩？人一世幾10年，可以贏或尖一世咩？最緊要搵到自己定位，唔洗刻意勉強，唔勉強之餘又唔太差，咪幾好？人地尖咪由人尖囉，人嘅能力都係金字塔，唔洗刻意追求就ok啦！

jiljill

呢個就係1%同99%嘅分別

jiljill

PTL_L 發表於 23-12-13 13:38
咁認同呀，尖子都要付出，呢個世界冇免費午餐，但唔係個個都想做尖嘅，尖嘅下一層又比平常嘅好啲，不過又唔 ...

呢個都係我同自己仔女講嘅說話。

人生係你嘅，點樣活係你嘅決定，將來唔後悔就得喇。

jiljill

如果人係咁容易滿足嘅話，你就唔會見到2019年咁嘅情況。

人永遠都係希望不勞而獲，自己躺平，但係又想要人哋擁有嘅嘢。

PTL_L

minnieevergreen 發表於 23-12-13 13:38
回覆 PTL_L 的帖子

其實點先係最高點?做到醫生? 發左達 ?

我哋帶小孩子嚟到身邊，咪就係為咗咁，其實最開心真係出世頭5年，每日開開心心咁同佢玩，星期六日又諗去邊玩，最緊要無病無痛！

PTL_L

jiljill 發表於 23-12-13 13:43
如果人係咁容易滿足嘅話，你就唔會見到2019年咁嘅情況。

人永遠都係希望不勞而獲，自己躺平，但係又想要人 ...

其實唔係滿足，係要學識接受自己嘅能力不足。接受咗唔代表一定要躺平，反而可以選擇想突破定躺平？！另一方面，躺平一定係壞事？