中二生中文差

D.W

  各位家長好！
   各位好,我係學生本人（應該好少學生入嚟教育王國)

  本人係中二生（男）,上學期統測中文肥咗佬（統測及考試）),之前中一已經係咁,無論背哂書,溫好哂範圍晒都好,仍然係咁(次次都差幾分),已經對中文無哂信心。

  自己覺得文言文太難,都唔知佢（文言文）到底講乜嘢,搞唔清楚由邊學起,連基礎我都覺得唔容易。

  閱讀理解嘅問題太複雜,題型多,撞都撞唔到幾分。

  讀本（校本課文）部分較奇怪,可以攞第一（全班）,但都係靠死記硬背背返嚟。（第一指小測,因主要考讀本）。

  我想針對文言文,䦧讀理解兩個範疇拉高分數（起碼合格先),唔係嘅話高中仲慘。

  希望各位家長俾啲意見,感謝各位

  非常感激




  

gracelam

D.W 發表於 23-12-3 01:03
各位家長好！
   各位好,我係學生本人（應該好少學生入嚟教育王國)

文言文初步可以睇吓三字經／論語， 書局或網上好多及解釋。 另外書局亦有文言文練習， 做得多大概知道篇文章有7，8成!

白話文閱讀理解就真係多睇書， 台灣／大陸作者乜都涉獵下， 睇完理解寫作時代背景， 思想帶出咩人生道理／感悟。記低作者靚靚字句／有用字句， 將來作文亦可引用XX作者曾寫過……. 作文必會加分！

中文真係要長期浸，欣賞你努力背讀課文內容， 上來親子網問亦要勇氣， 現在才中二初期還有時間去追成績， 加油年輕人

D.W

感謝家長回應
我會努力的！

2010YL

D.W 發表於 23-12-3 01:03
各位家長好！
   各位好,我係學生本人（應該好少學生入嚟教育王國)

真心欣賞你會上嚟呢度問，有關文言文/閱讀理解已經有家長回答咗你，我都唔多講，但我想講中文文作，2024年dse中文改制，中作佔嘅全卷比例係31.5%，即係話中作死咗，好有機會攞唔到 level 3(如果其他卷都係一般分數），level 3 係大學收生最低要求，好多人都係一卷救全科，我自已當年會考都係用大部分時間操作文先有讀書，唔好睇底作文，加油

CellT

D.W 發表於 23-12-3 01:03
各位家長好！
   各位好,我係學生本人（應該好少學生入嚟教育王國)

我建議去圖書館借關於講解文言文的書，例如:＜吾識文言文＞＜通識文言文＞有助了解文言文的基礎概念。
之後再睇<香港學生圖解文言字典初階>會更能加深對文言詞彙的理解。

TAIOU4

睇多D原聲大陸古裝劇

qinqinyan

D.W 發表於 23-12-3 01:03
各位家長好！
   各位好,我係學生本人（應該好少學生入嚟教育王國)

我做中文私補的，你份卷如果課內老師俾範圍全部攞曬分，加少少課外都可以攞到合格。文言文唔係一時半刻可以學識，何不如攞曬課內分加白話文閱讀理解分先，咁樣點都有70,80分。

liverpool2023

qinqinyan 發表於 24-2-19 14:18
我做中文私補的，你份卷如果課內老師俾範圍全部攞曬分，加少少課外都可以攞到合格。文言文唔係一時半刻可 ...

中學中文攞7、80分係級頭了吧？

qinqinyan

liverpool2023 發表於 24-2-19 15:48
中學中文攞7、80分係級頭了吧？

可以咁講，唔止一科要溫習架。課內不失分已經好好啦！中文都唔係個個勁，文言文靠估已經攞到幾分，課外真係唔好考前溫習了。

gracelam

qinqinyan 發表於 24-2-19 14:18
我做中文私補的，你份卷如果課內老師俾範圍全部攞曬分，加少少課外都可以攞到合格。文言文唔係一時半刻可 ...

課文內容+白話文閱讀理解咁易攞到7，80分?

qinqinyan

gracelam 發表於 24-2-19 16:08
課文內容+白話文閱讀理解咁易攞到7，80分?

間間學校出題唔同，我教直資比較多，佢地課外文言文比例唔算高。白話文錯，多數錯長答題，但唔會全部扣曬分。
你可以攞自己分卷去計返邊的d係課內，占幾多分。

qinqinyan

D.W 發表於 23-12-3 01:03
各位家長好！
   各位好,我係學生本人（應該好少學生入嚟教育王國)

如文言文我建議你先睇明主要意思，初中大多故事。
狂做練習作用唔大，去睇多d文言故事。
明左篇嘢講咩再去估，詞語解釋要考平時背，錯一個記一個。明意思攞幾分唔難。
希望可以幫到你啦！

Dylanli2017

中文讀本或課外高分主要靠鑽研技巧。是作文高分難d。

liverpool2023

qinqinyan 發表於 24-2-19 16:22
間間學校出題唔同，我教直資比較多，佢地課外文言文比例唔算高。白話文錯，多數錯長答題，但唔會全部扣曬 ...

唔知你教既係咩banding既直資
我嗰兩個直資如果中文7字已經炙及頭嗰批

其實你有沒有了解過dse份卷？文言文先應該要操

liverpool2023

gracelam 發表於 24-2-19 16:08
課文內容+白話文閱讀理解咁易攞到7，80分?

咪係囉！
白話文閱讀理解出名難
課文就肯定要熟讀

LeeCC

我好明樓主，我都係同路人
樓主睇下份卷有得讀和無得讀的題目分數比例，我地初中無得讀佔70％，畀你好勤力，有得讀的拿到90％，無得讀的閱讀理解做得唔好，都會唔合格，最多只係話可以接近合格，唔好咁難睇

相反，有同學閱讀理解強，就算唔讀書，總分都有60％以上


初中閱讀理解題目通常一開始就填個表，分析文章內容，寓意等等，如果呢part錯，基本上後面都繼續錯得七七八八

初中文言文字詞解釋反而是取分題目，因為有得讀，雖然佔分未必多，但如果本身中文弱，閱讀理解會大出血的，就真係粒粒皆辛苦，逐粒分執返來，希望唔合格得唔好咁難睇

qinqinyan

liverpool2023 發表於 24-2-19 19:49
唔知你教既係咩banding既直資
我嗰兩個直資如果中文7字已經炙及頭嗰批

佢係中二學生，DSE操卷唔係中四五先操咩？

qinqinyan

LeeCC 發表於 24-2-20 06:50
我好明樓主，我都係同路人
樓主睇下份卷有得讀和無得讀的題目分數比例，我地初中無得讀佔70％，畀你好勤力 ...

咁你課外70%，當你攞曬課內30，課外做啱一半都係60幾，咁又真係幾難。
通常學校要你自己外補或自己操，咁你上到高中就可以輕鬆少少。
你間係英中還是中中？

LeeCC

qinqinyan 發表於 24-2-20 12:31
咁你課外70%，當你攞曬課內30，課外做啱一半都係60幾，咁又真係幾難。
通常學校要你自己外補或自己操，咁 ...

課文佔30％，閱讀理解60％，語文知識10％

語文知識包括修辭，課外文言字詞，甚至課外文學名著詩詞歌賦都問過，包羅萬有，你話係有得讀又得，無得讀又得

英中

bananaGi

2010YL 發表於 23-12-3 22:37
真心欣賞你會上嚟呢度問，有關文言文/閱讀理解已經有家長回答咗你，我都唔多講，但我想講中文文作，2024年 ...

中作佔嘅全卷比例係31.5%


想請教一下, 作文一向不能高分. 請問平均分在哪裡算安全?
謝謝