初中成績是係高中成績的基礎嗎

阿狸

小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全唔返補習社，反而小朋友開始自主學習，最後最後一次呈分試考得好。
小朋友升中入傳統名校，高手如雲，相比之下，小朋友成績不佳。我的想法係s1-s2比小朋友輕鬆過，唔安排補習，唔要求成績好，唔fail科就OK。
s3先關注成績，有需要就補習，小朋友經歷過起伏後，期望會有動力發力求進步。
有過來人share 下經歷嗎？

tkinwong

中四選科，使唔使睇成績？

gracelam

阿狸 發表於 23-11-25 18:29
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...

中英文科長期要浸， 唔補習都要keep住睇書／睇片。

數學初中如果冇7 80分，若只有5 60分，即使唔補習都要留意下有咩唔識，一定要清理， 家長搞唔掂都要外判， 否則越積越難搞⋯⋯

其他科（初中）只要肯溫習， 一定唔會低分。

P.S. 過來人

Rpp

gracelam 發表於 23-11-25 22:23
中英文科長期要浸， 唔補習都要keep住睇書／睇片。

數學初中如果冇7 80分，若只有5 60分，即使唔補習都要 ...

我覺得你講全啱，真係過來人經驗。

mcl233

阿狸 發表於 23-11-25 18:29
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...

初中係乜科都要讀，當中當然會有高低，興趣或冇興趣，去到高中就大機會可以飛走D弱科。前題係你要保住選科機會，尤其是目標係理科，大部份中學係以成績優先去選科，所以弱科或冇興趣既科亦要盡力頂住～

這解釋為何男生往往係高中會脫胎換骨，正正就係佢已經食緊自己鍾意既餸，主科必考當然例外。又呢一兩年3大已經頗大比例改為Best5/6，已經對男生非常有利，可以用另外既副科去救主科既比較弱成績～

LeeCC

mcl233 發表於 23-11-26 10:38
初中係乜科都要讀，當中當然會有高低，興趣或冇興趣，去到高中就大機會可以飛走D弱科。前途係你要保住選科 ...

同意，到高中，如果派到自己興趣或擅長的科目，真係唔同晒，變得非常有動力

想返起阿仔初中時，對住geog,history，ls,要寫論證essay／debate script和做VA 功課個樣，就淒涼啦

mcl233

LeeCC 發表於 23-11-26 10:50
同意，到高中，如果派到自己興趣或擅長的科目，真係唔同晒，變得非常有動力

想返起阿仔初中時，對住geog ...

所以我係唔同意科科都要硬谷去求高分，我教年輕人係唔好放棄，高中就飛走佢，當然，佢都係鬥志強既人，基本上唔會放棄，用意只係唔想比佢誤會父母好在意佢既成績，盡力就可以～

不過，都係要睇中學既要求，和競爭如何。又所以，我係偏向讀單性別中學，女生性格基本上差唔多，佢唔掂既，相信大部份都係唔掂～

LeeCC

mcl233 發表於 23-11-26 11:03
所以我係唔同意科科都要硬谷去求高分，我教年輕人係唔好放棄，高中就飛走佢，當然，佢都係鬥志強既人，基 ...

初中時，我只要求全科合格，佢目標高中揀的科，就要要高分和排名高，才可以順利升班和入到心儀的科目，無打算揀的科合格就算，反正我地揀科不看平均分排名，只看個別科目排名

mcl233

LeeCC 發表於 23-11-26 11:07
初中時，我只要求全科合格，佢目標高中揀的科，就要要高分和排名高，才可以順利升班和入到心儀的科目，無 ...

年輕人大大下就自動波㗎啦，學風勝一切，仲要父母係天空盤旋咩～

LeeCC

mcl233 發表於 23-11-26 11:13
年輕人大大下就自動波㗎啦，學風勝一切，仲要父母係天空盤旋咩～

真的，上到高中，忽然自動波

Baymax

的男仔大概中二就開竅, 之後會追尋自己條路, 中一二最重要打好個底, 唔係分數, 英文語文能力係靠閱讀同睇片, 中文除基本語文能力, 要陪養語言及思考鑼緝, 也開始陪訓管題技考, 例如key word, marking scheme,

PTL_L

LeeCC 發表於 23-11-26 11:15
真的，上到高中，忽然自動波

最驚，壓力愈來愈大，唔識放鬆！

LeeCC

PTL_L 發表於 23-11-27 13:51
最驚，壓力愈來愈大，唔識放鬆！

而家做家長的，個仔懶又擔心，個仔勤力，仲擔心，真係左右做人難

PTL_L

LeeCC 發表於 23-11-27 15:04
而家做家長的，個仔懶又擔心，個仔勤力，仲擔心，真係左右做人難
...

長青一句，「養兒一百歲，長憂九十九」

mcl233

PTL_L 發表於 23-11-27 13:51
最驚，壓力愈來愈大，唔識放鬆！

所以選科係最好能夠同時兼顧興趣和高分係最理想，相對壓力可能會細啲，最多，你既壓力係追求更好。若係初中選科，係以當時高分為優先，係高中階段係有機會中招的，到時就真係會讀得吃力～

又所以EK某些人仕一直既建議，甚麼科易讀，呢啲說法某程度上係害人既說法，須知你岩別人未必岩，最搞笑係求3求4為目標，即係5＋唔使諗，仲要4仔原來都唔係易取～

LeeCC

mcl233 發表於 23-11-27 22:26
所以選科係最好能夠同時兼顧興趣和高分係最理想，相對壓力可能會細啲，最多，你既壓力係追求更好。若係初 ...

易唔易讀好個人架wor,問着個文人，佢話history 易讀，背書和寫嘢就得啦，你自己係數理人信佢就死得啦
曾經有個文人話，eng lit 最易讀

阿狸

睇來選科都幾需要權衡各種利弊，都幾難喔。選課係唔係會好影響大學修讀乜專業？會唔會有天書參考，學校會唔會比每個同學具體建議？靠小朋友自己權衡定家長都要深度參與？

LeeCC

阿狸 發表於 23-11-28 23:17
睇來選科都幾需要權衡各種利弊，都幾難喔。選課係唔係會好影響大學修讀乜專業？會唔會有天書參考，學校會唔 ...

如果目標經聯招入本地大學，去書局打下書釘，明報出左最新一屆的聯招選科全攻略

如果目標外國大學，就只可以自己做功課，逐間大學網頁去睇

mcl233

阿狸 發表於 23-11-28 23:17
睇來選科都幾需要權衡各種利弊，都幾難喔。選課係唔係會好影響大學修讀乜專業？會唔會有天書參考，學校會唔 ...

所以咪提左比較妥當係為興趣去選科囉，除非你大學報讀學糸，係完全同中學選修科毫不関連，為修而修，根本冇興趣。同之前所指某啲建議係為3為4去揀科，連要讀乜都唔知～

LeeCC

mcl233 發表於 23-11-29 14:53
所以咪提左比較妥當係為興趣去選科囉，除非你大學報讀學糸，係完全同中學選修科毫不関連，為修而修，根本 ...

有心儀大學的科目，要求的dse科目應該都有關連的科目，既然對大學科目有興趣，有關連的dse科目應該有d興趣的，唔會差太遠。應該唔會唔中意數的，大學想讀要有physics／M科的工科

當然跟父母意願去選科的另計啦