Band3選校問題

Cherryroy

小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔開心，說不想自己上band3學校。
爸爸說她顧着玩，無溫習，但實際在呈二前兩星期已經開始溫習，補習老師日日陪佢由4點溫到8點，自己見到結果都好傷心。所以想請教下我仲有咩方法幫佢。如果唔好彩真係派上band3,我怕出事。因為近排太多學童自殺～～

kl2010

回覆 Cherryroy 的帖子

你那區?  可以派位選2C第一志願 不要太擔心

cloudcloudrobot

Cherryroy 發表於 23-11-21 09:03
小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔 ...

你估計兩次呈分後係Band 3中，要在呈三追回Band 2，要大大出力喔。自行一定唔揀Band 3校，試吓Band 2中學丫
無論點，考好個呈三，希望上返Band 2，加油

猴子爸

Cherryroy 發表於 23-11-21 09:03
小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔 ...

凡事作两手准备。先看看交通时间可接受的范围内，有什么校风好的B3学校，拿多一些意见，也让你女儿慢慢接受。此外，如果呈三和毕业试都有进步，即使最终派B3学校，也说不定可以叩入B2学校。

Cherryroy

回覆 kl2010 的帖子

我係KLN3校網，講真，我未見過自己個女咁大反應，我講我哋選好band3學校，佢鬧我，話我想佢去band3學校～

adriantai

直資啦

Cherryroy

回覆 cloudcloudrobot 的帖子

即係我囡呈3都可追上band2?我又想請教下如果我自行應該排五旬節，彭學高，胡兆熾邊間去博抽獎，扣門機會大啲？因為自行我知肯定唔得。

gracelam

Cherryroy 發表於 23-11-21 10:17
回覆 kl2010 的帖子

我係KLN3校網，講真，我未見過自己個女咁大反應，我講我哋選好band3學校，佢鬧我，話 ...

如果經濟許可， 試報吓B2直資中學，可能有少少機會。

cloudcloudrobot

Cherryroy 發表於 23-11-21 10:31
回覆 cloudcloudrobot 的帖子

即係我囡呈3都可追上band2?我又想請教下如果我自行應該排五旬節，彭學高，胡 ...

冇話唔得既，要大大出力咁囉
以我所知，KLN3除左開平要自行過先可以叩門，其他冇自行冇揀過都可以叩。你們在KLN3已很好，大量好的Band 2/Band 3中學選擇

你所提及的學校，都係Band 2校(彭接近Band 3)，自行一試無妨。不過多口一句，盡量給你女兒認清形勢，升中唔同升小，升小抽獎全靠運氣，升中除左運氣，實力都很重要

加油

minichong28

其實兩星期前先開始溫真係太倉卒, 常識可以背都OK, 但中, 英都係要日積月累的, 多讀多聽多寫數學就可以每日操卷, 起初可以每日10-20條去做, 測考前就一份份卷去做
加油, 希望幫到你, 同小朋友講, 一齊戰鬥埋呈三後可以鬆一鬆

我幾時都同小朋友講, 爸爸媽媽係同你一齊並肩作戰, 佢從不孤單, 同埋永遠唔會臨測考先抱佛腳, 幾時都係將準備做到最好

worldcat

對唔住都要講聲，小朋友咁大反應而唔係反思，父母應該一路係教育方向就已經無乜要求。尊重每個家庭對小朋友的教育方向，但宜家先諗點幫小朋友會唔會太遲。你覺得個女兩星期前開始溫習已經好努力，但其他小朋友係兩個月前兩年前甚至6年前已經準備。一般考完呈一，有心追就要呈二呈三努力。 而且亦好現實咁講，呈三發力B3追上B2係最難，仲難過B2上B1。以上係同大人講GE。

回歸小朋友方面，首先同小朋友解釋升中係成績先決，宜家好好預備呈三。例如訂立好每日功課外再加2~3小時溫習時間，一星期只可睇電視+玩電子產品少於1小時。
呈一二後係B3中，呈三應該都要最少B2頭成績先穏陣少少，如果學校有實際名次加過去升中結果分佈人數，自己大約計下要追幾多名先可以入B2 POOL。
另一面，集中睇定B2C~B3A學校，小朋支其實邊識分B2 B3，特別B2C~B3A係一個比較模糊的範圍，如果一間學校有B2有B3學生入，話佢係B2就得。
KL3 相對競爭無咁大，入返B2唔係無機會。
最後呈三有改善，但計落都仲係KL3 B3A 或B2邊沿人，而且呈三學校係3月頭考，可以考慮馬上搬屋去弱區再申請轉區大抽奬(第二輪轉區申請正常係3月截。)。

Cherryroy

回覆 worldcat 的帖子

你說得對，爸爸對她無要求，只求合格，但我有要求，就是要全部高高過75，一路p1~p5頭兩學期都無問題，到第3學期就開始下滑。所以到呈2一開學就係教一課溫一課，考前兩星期就把所有錯最多嘅再做再解。但發覺學校活動太多，令佢心散哂。（考試期間，都仲有校外比賽）所以對於今次佢係真係唔開心。

Poyau

Cherryroy 發表於 23-11-21 10:31
回覆 cloudcloudrobot 的帖子

即係我囡呈3都可追上band2?我又想請教下如果我自行應該排五旬節，彭學高，胡 ...

請問有無考慮 德蘭(女) / KTSSS

Mchacha

如果無唔合格，可以試吓搵d B2直資

worldcat

回覆 Cherryroy 的帖子

如果學術上唔係真係BELOW AVERAGE，呈三收心養性增取好啲成績。上到B2最好，如果唔係就抽奬揀B2尾/B3頭，再去叩B2直資。
最緊要呈三要爭取好名次，唔係單單分數有進步就得。

hiuching8

讀band 3先會減少自殺風險，夾硬讀唔啱程度嘅學校，年年考第尾，壓力一定大。你揀間校風好嘅band 3實際啲，等佢唔好學壞。

Cherryroy

回覆 Mchacha 的帖子

就係唔合格，仲要兩科，英文差1分 ，數就差十幾

Mchacha

Cherryroy 發表於 23-11-21 13:59
回覆 Mchacha 的帖子

就係唔合格，仲要兩科，英文差1分 ，數就差十幾

如果咁樣真係預算B3啦，唔好俾佢覺得B3就係洪水猛獸咁，搵間校風好嘅再發展其他潛能

kl2010

回覆 Poyau 的帖子

選這2間都好

lot888

樓主女兒喜觀運動，競爭心態可能大一點，如屢獲殊榮，學校名人，要讀B3，心理可能有點障礙，未必能接受。如果心態改不了，就改成績。我可先跟你分享一個技術性出貓嘅方法（其實唔應該咁做），打探中，英作題目，預先找捕習老師準備一，兩偏萬用文。背默，考試時因題目作調整，更改。一般關於游山玩水嘅描寫文，多机個四字成語都能十拿九穩，英作有関事情，人物介紹及故事記述，同一方法處理。數學就從之前測考，或師兄師姐攞上一兩年考試卷，同一份卷重做再重做，再再重做，再再再重做，要發緊夢都識寫，之後改改數字，改小小題形都要一樣全答對，目的係令小朋友習慣，一見類似嘅題目就落筆，從而建立信心，考試時頭幾條好有信心識答同冇信心唔識答，對之後答題影響好大。記住，重點係唔好貪，唔好一條未完全掌握又跳去做第二條，最失敗就係嘗試挑戰新題目。常識就張課文变做圖入腦，帶幅圖入去考試。閱請理解，無論中英都係較易失分地方，短時間難有大進展。,祝后來居上。