DBS / SPCC / 優才

pink_lemonade

這三間學校高中也有雙軌IB/ DSE 課程


想了解一下
初中階段課程設計上有否/如何融入 IB 元素？

例如在教學、功課、測考、課外體驗活動等方面
和一般只提供DSE 學校有什麼分別？


謝謝

ANChan59

還有真道。

mcl233

pink_lemonade 發表於 23-11-7 17:16
這三間學校高中也有雙軌IB/ DSE 課程

唔使介懷坊間啲美化式論述，初中只有一種教學模式，甚麼某某學制可以如何如何，初中咪又係大家排排坐～

beastiebistro

pink_lemonade 發表於 23-11-7 17:16
這三間學校高中也有雙軌IB/ DSE 課程

IB原始嘅設計就係一個兩年嘅高中課程，方便外交人員嘅子女。無論佢哋去到邊，無論之前接受咩國家咩學制嘅教育，都可以喺嗰兩年考到一個有國際認可性嘅升大學試。MYP甚或PYP其實只係IB開始受歡迎之後而衍生出嚟嘅課程，根本原本嘅設計都冇亦冇需要。

所以例如李寶春聯合世界書院，基本上只有兩年高中IB課程，收嘅係本地讀開DSE嘅中五生，一啲問題都冇。好多國際學校（例如一眾ESF，GSIS等等）會先行iGCSE到中四先再銜接IB課程。我嘅理解就係IB課程唔夠rigorous，所以唔搞PYP/MYP而先讀iGCSE（起碼有張證書），打好個底再駁IBDP。

而本地雙軌制學校更加因為要照顧兩邊學生（唔到中四揀科都唔知邊個打邊個），所以根本唔會理會有冇積極滲入IB元素。我只可以講DBS經驗，我認為中四前課程冇特別滲入IB元素，但係DBS整體教學相對比較「活」啲，所以學生中四要適應IB課程冇咩難度。

mcl233

beastiebistro 發表於 23-11-7 21:17
IB原始嘅設計就係一個兩年嘅高中課程，方便外交人員嘅子女。無論佢哋去到邊，無論之前接受咩國家咩學制嘅教 ...

欣賞你既中肯說法。可惜係EK不少會員說法係IB係比DSE更高要求，就算初中係一齊上堂，呢2年高中課程,可以令一個學生脫胎換骨，行DSE條路既學生，係絕對冇能力/適應IB課程的～

ABC-DAD

樓主問得好睿智，答嘅本來好具體，後來就..都係唔好畫蛇添足，慳返早啲抖🥱Zzz。

poonseelai

mcl233 發表於 23-11-7 21:55
欣賞你既中肯說法。可惜係EK不少會員說法係IB係比DSE更高要求，就算初中係一齊上堂，呢2年高中課程,可以令 ...

"行DSE條路既學生，係絕對冇能力/適應IB課程的"

掉轉就聽過喎

mcl233

poonseelai 發表於 23-11-7 22:34
本帖最後由 poonseelai 於 23-11-7 22:36 編輯

"行DSE條路既學生，係絕對冇能力/適應IB課程的"

咁有趣？～

ABC-DAD

poonseelai 發表於 23-11-7 22:34
本帖最後由 poonseelai 於 23-11-7 22:36 編輯

"行DSE條路既學生，係絕對冇能力/適應IB課程的"

無知者無畏吖嘛，講左又會有人氣，「絕對」嗰下幽默又風趣。

ABC-DAD

有能力嘅學生係適應到不同課程嘅，可能有得㨂至係真老闆。


我會講錯架，我唔會絕對啱架，咁講有點「至高無上」嘅威權感，我怕怕。

ABC-DAD

樓主有興趣IB，宜了解一下IB Teacher 嘅要求，邊間學校有無附合資格嘅IB Teacher 同埋課程內容同設計有何配套，比較下邊間合乎你嘅需要，聯合李寶椿書院嘅IBDP都有收DSE升高中嘅學生吖，不一定要双軌嘅學校至可以讀IB嘅，IB School 有收外來生讀IBDP嘅喎，外地都係咁㗎，聯合世界書院係世界性嘅機構，咪只聽啲片面嘅資訊。

有無文化交流同國際視野，係讀IBSchool 其中一個重心，只有本地老師嘅IB課程，只應付考試嘅學習係不可取，現時好嘅双軌學校都加多左國際視野同文化交流活動，學生家長投入與否就不得而知。入寶山空手而回嘅亦大有人在。

poonseelai

beastiebistro 發表於 23-11-7 21:17
IB原始嘅設計就係一個兩年嘅高中課程，方便外交人員嘅子女。無論佢哋去到邊，無論之前接受咩國家咩學制嘅教 ...

我唔知ib課程唔夠rigorous是指那方面, 簡單D講, pyp and myp係 skill based, myp assessment 中knowledge 部分只佔25%, 我理解igcse 相對knowledge為主, 兩者制度唔同, ibo自己比較過igcse上dp and myp 上 dp, 各有強弱地方, igsce多一個公開試經驗對考dp公開試有幫助

ABC-DAD

語文能（力）唔早早培養好，讀咩課程都吃力不討好。
有啲小說講：
少林寺打木人行，要本師推薦先得，基本功夫要好，先有得着有提升。
否則…傷筋剉骨，終究難成大器。

語文功夫由小學入手，要積纍，數理講究一點通，數學語言都要有好老師點撥一下，揾到當中嘅趣味去追尋更上一層樓，初中都可以發力。

所知有限，言盡於此。

beastiebistro

poonseelai 發表於 23-11-7 23:16
我唔知ib課程唔夠rigorous是指那方面, 簡單D講, pyp and myp係 skill based, myp assessment 中knowledge  ...

I think therein lies the crux of the matter. 點解原始嘅IB係只有兩年嘅高中設計呢？正正就係因為佢rely on啲學生頭15年有個好solid好rigorous嘅knowledge acquisition curriculum，所以最尾兩年教佢skills就搞掂架喇。
咁點解之後會衍生MYP同PYP curriculum呢？我個人認為無非係IBO為揾錢。既然IBDP咁受歡迎，不如向下生，咁咪收多好多中學小學join programme嘅錢囉。而因為件事係top down 發展落去，所以難免理念要一至，唯有小學初中都教skills。但係呢啲小朋友根本冇一個十六歲嘅高中生嘅discipline，淨係教skills咪令knowledge acquisition唔夠rigorous囉。（當然唔係所有初中小都係咁，我講緊多數）。

我講清楚我冇覺得IBDP唔好呀吓，相反我覺得對適合嘅學生係好好嘅選擇。我淨係話MYP/PYP唔係for嗰個年齡層（嘅大部分學生）最合適嘅選擇，亦係點解咁多學校揀先行iGCSE甚至DSE教育到最後兩年先提供IB為選擇。

冇意發動第三次世界大戰，睇完有得著嘅多謝晒，唔啱聽嘅可以當我發噏風。

ABC-DAD

回覆 beastiebistro 的帖子

邊有咁易世界大戰吖。
講得好具體，我同意，係温室長大嘅植物，要適應大環境係要有合適舉措先過渡到大世界。

Adiezz

IGCSE 重學術，先IGCSE後IBDP，方便篩選適合考IBDP既學生，唔達標既學生考其他試，保障到間學校IBDP整體成績。而學生考過IGCSE有經驗，考IBDP都有信心啲

poonseelai

beastiebistro 發表於 23-11-8 00:11
I think therein lies the crux of the matter. 點解原始嘅IB係只有兩年嘅高中設計呢？正正就係因為佢rely  ...

開戰？咪玩啦，我只係一個在職師奶，姐姐退休返鄉後而家要做埋亞四，有時間就分享D孩子在ib school 時所得的資訊。

有一點要講清楚，pyp and myp不是只教skill, 只是myp assessment criteria 的knowledge 部分只佔25%, 即knowledge 唔夠實淨仍可取好成績，上到dp要追得好辛苦。

beastiebistro

poonseelai 發表於 23-11-8 08:17
本帖最後由 poonseelai 於 23-11-8 08:35 編輯

開戰？咪玩啦，我只係一個在職師奶，姐姐退休返鄉後而家 ...

其實唔係話你開戰。

不過EK家長好似越來越兩極化，唔同意嘅聲音好似冇晒存在空間。我都係講定先，費事俾人覺得我撩交嗌。

我冇話我一定啱，不過我有完整思路邏輯，係其中一個角度。

ABC-DAD

回覆 beastiebistro 的帖子

講出EK近期嘅氛圍，部分確是過火嘅。

ANChan59

beastiebistro 發表於 23-11-8 00:11
I think therein lies the crux of the matter. 點解原始嘅IB係只有兩年嘅高中設計呢？正正就係因為佢rely  ...

你的論點及觀察我有其他補充，遲啲講。

如何過渡本土課程去 1B，我感受幾深，這正正是我們選擇lB嘅原因，跟 IB DP成績關係不大。