請教音小用家

gutc88

慢慢研究緊音小音中，越睇越啱心水有d問題想請教下真實用家

1/ 小學每級幾班？每班人數多少？有幾多個班主任？
2/ 老師是專科專教?
3/ 見今年音中HKDSE人數49人，知唔知咩原因無左咁多人？轉校？海外升學？
4/ 午飯好吃？
5/ 多唔多人外闖？
6/ 小學中學學術表現點？
7/ 日常晚上大家做咩多？做功課？練樂器？溫習？親子？
8/ 全年幾測幾考？測過考過嘅野會唔會返考？
9/ 默書小測多嗎？

因為網上資料較少，但又好想小朋友入音小，所以比較多問題

謝謝

AndrewHo_FB

gutc88 發表於 23-10-26 10:07
慢慢研究緊音小音中，越睇越啱心水有d問題想請教下真實用家

1/ 小學每級幾班？每班人數多少？有幾多個班主 ...

1 4-5 班, 每班 最多 24人, 雙班主任, 非常非常關愛
2 每老師最多教 1-2 科
3 不太清楚, 可能移民
4 維他天地飯商, A-D 餐
5 不知, 但中學是 Band 1, 如果外闖後又去返 band 1，那麼為什麼要外闖?
6 band 1 中學，中3 開始選科, 比主流的多1年預備 DSE
7 晚上大部份時間親子，除非有默書測驗.
8 應該是兩測兩考，但中間很多評估
9 我估每學期有中默英默各最少 6-7 次. 中英文有背默, 高小要背默文言文


由於沒呈分, 又沒排名次，自己在自己的賽道跑，所以完全沒壓力.  主科是 中英數和音樂, 和其他學校的中英數常不同.


政府好似要改小學的常識科為人民科學(?). 如果常識科那麼重要，就不會改，亦不應該做主科，做術科（聖經、體育等等 etc)  比較適合。音小一早已經把常識降低為術科了。在音小，術科是沒有考試，只有測驗和評估，但其他學校的術科，應該測考全部都齊，真是無謂。


小朋友上了幾個月課之後，就會作曲填詞。

器樂老師很勁，很多是外國回流, 甚至碩士學位. 學費已包括器學課的費用。


音小的課程不淺, 如能跟上, 絕對是 band 1 小學的程度.

gutc88

gutc88

其實而家讀書壓力咁大。
真係想搵一間學術好 / 但壓力唔大（龍）/ 功課相對小 /老師有愛心包容
慢慢了解下之後，好似得音小做到

AndrewHo_FB

gutc88 發表於 23-10-26 16:16
其實而家讀書壓力咁大
真係想搵一間學術好 / 但壓力唔大（龍）/ 巧課相對小 /老師有愛心包容
慢慢了解下之 ...

音小的 dse 成績遠比石門的直龍和 大圍的直龍優越。但要看看家長最終目標是 dse 還是其他公開試。


google search:

詹天文 Windy 《沒有你的新學期》

這MV 是在音小拍攝。

gutc88

回覆 AndrewHo_FB 的帖子

我地都幾關注小朋友心理健康但對學術表現都有一定期望

而家真係心大心細

gutc88

回覆 AndrewHo_FB 的帖子

音小真係樣樣都幾好
老師有愛心 / 偏小班 / 一條龍 / 中學學術好 / 少功課壓力+導修學校攪掂 / 多測考(keep住溫習習慣，但唔過份催谷)  / 校車覆蓋範圍大 (唔駛搬屋)

唯一缺點：感覺偏貴，要比12年 (但又包樂器，好正)

家長要比呢個價錢，學校點都要保持住做得好，先有人繼續報讀，所以照計都唔擔心佢將來發展

AndrewHo_FB

學費$6500， 但包器樂，及在課堂內完成，不用放學放假後再花時間上課，省下不少時間和心力。

如果你要外出找一個好的音樂老師，每堂 $400 是起碼（不是坊間 $200+ 每堂的那種）。如果要在音小私補器樂，好像要每堂$500（？）

校園裡好似有 70+ 鋼琴，甚至每班房內都有一個，就算是外面的神校，都應該沒有這設備。

但當每堂$400-$500計，每月要花$1600-$2000， 所以音小的實際學費約是$4900-$4500，不是多出其他直龍的很多。石門的直龍的學費好像要$4300。

又如果小朋友入了一間band 1 免費官津，但校外的功課班$2800， 再加中英數專科每科$1200，及器樂班$1200， 即共 $2800 +1200+ 3600= $7600， 這費用俾音小的$6500學費為貴，亦未計外出補習的時間和父母和小朋友的心力。


讀官津，真是不用花費嗎？還是左袋的$和右袋的$的分別？

gutc88

多謝解答 真係好詳盡(emoji)(emoji)(emoji)(emoji)(emoji)(emoji)

甜甜人妻

AndrewHo_FB 發表於 23-10-26 17:49
學費$6500， 但包器樂，及在課堂內完成，不用放學放假後再花時間上課，省下不少時間和心力。

如果你要外出 ...

想問：

1）坊間話音小學術一般，你覺得音小老師教得好嗎？

2）知道有導修堂，小朋友在學校做功課。小學有沒有作文功課，有的話應該不能即日完成。

3）沒有名次，家長怎樣知道小朋友的水平？

4）目測多唔多小朋友轉走，如果小朋友不喜歡音樂怎樣辦？

AndrewHo_FB

甜甜人妻 發表於 23-10-27 14:58
想問：

1）坊間話音小學術一般，你覺得音小老師教得好嗎？

1）音中大部分的學生都是來自音小，如果音小的學術差，音中不太可能在 dse 有好成績。但音中的成績十分亮麗。

音小是用英文數，銜接音中或其他 band 1 中學是無縫的。


2）小朋友能在導修堂完成或完成大部分功課，返家後有很多親子時間。作文通常不是即日交，小朋友會自己在導修堂及回家後自己攪掂，我們已經很少參與，中英文作文亦再不是父母的惡夢。

3）又不須要呈分，排名次是不必要，亦免了不必要的兢爭。但學校是有成績表，最高 5**，和 dse 的一樣，家長是知道進度的, 亦讓大家早點適應制度。


4）我也不知道升中轉走的情況，可能移民居多。

如果真的討厭音樂，到憎的程度，就不應擇音小。我們對音樂是可有可無，那麼入音小就已經沒有問題。

但是如果要在音樂或常識中選擇一科為主科，我寧願揀音樂。常識在音小只是閒科。