入IS可唔可以讀好中文？？定係先入Local School然後轉IS?

ynwa97

我哋個plan係想小朋友喺香港讀到小學畢業，然後升中學時考慮移民外國或Send去讀BoardingSchool。

我哋都係外國返嚟，比較鍾意外國教育文化，因為會多注重小朋友全方面發展，功課壓力又唔會太大 (more group projects, encourages critical thinking plus better overall sports and extra-curricular activities )。我哋唔太鍾意香港嗰款比較死板/注重默書和考試分數/背答案/多功課和要補習 "just to keep up" 嘅教育文化。

但係同時間我哋想小朋友學好中文，打好基礎。底線係離開香港時、要識睇報紙，可以用普通話溝通（廣東話我哋會喺屋企自己同佢講），作文方面希望可以寫得出short story。

想請教一下小朋友IS 用家：有冇邊間reputable IS 係可以讀到小朋友中文水平等同其他average/above-average 嘅local school 小學生一樣（當小六年級計）？如果唔得、加少少補習(i.e一個禮拜一兩堂)可唔可以做到？

我另外一個諗法就係：先送小朋友去讀local school。如果太辛苦讀唔成或者唔鍾意，遲啲就插班轉去讀IS。請問咁樣插班會唔會好難入？(小朋友有 FP，我哋兩位家長都可以算係 native level English，有信心在家中可以train小朋友到 native/near-native level)。

依家小朋友未入幼稚園，但係因為報邊間幼稚園都會好影響小學入學係去IS定係local school，所以都要快做決定選邊條路…

penp0319

可以考慮基信小學，跟UK課程，中文和數學行local 課程，小朋友可以打好中文基礎，有FP 轉IS, 並不難！

chanti

ynwa97 發表於 23-10-24 18:31
我哋個plan係想小朋友喺香港讀到小學畢業，然後升中學時考慮移民外國或Send去讀BoardingSchool。

我哋都係 ...

SIS, ISF !

Youweird

说点我个人经历：

首先，理想中的双母语绝大多概率是无母语，即没有一个语言可以达到母语标准

其次，去了没有中文的环境，中文很快忘记

ol_bb

penp0319 發表於 23-10-24 18:39
可以考慮基信小學，跟UK課程，中文和數學行local 課程，小朋友可以打好中文基礎，有FP 轉IS, 並不難！
...

唔介意校舍細，基信幾好，性價比高！

dr.gigiwong

回覆 ol_bb 的帖子

（Chinese International School，CIS滿足曬你要求

Erminator

ol_bb 發表於 23-10-24 21:22
唔介意校舍細，基信幾好，性價比高！

我相信樓住目標係可以學到真正中文嘅國際學校或差不多教育理念嘅私校，或tier1 local school, 即係又可以學到local school 中文，但英文水準亦達到之後外國升學水平，加上本身學校聲譽係外國亦有認受性。
同樓主差唔多背景嘅家庭其實好多，係外國讀書但係香港從事嘅工作需要一定程度中文(普通話)水平，所以希望下一代可以從小打好中文基礎，但亦想有外國式教育。

如以上推論與樓主所要求吻合，及學費唔係最重要因素，以下是個人見建：

IS: CIS (limited space in Reception Yr), CDNIS (but its bilingual program is still relatively new, hence not fully proven), SIS (if you doesn’t like ISF for whatever reason)

Private school: ISF (probably the highest level in Chinese, but some  parents may not like it ), CKY (many view it as a comparable alternative if they can’t get into the local school of their choice.

Local school: DGS, DBS, SPCC, SPCS, MSS, SSC (a school of its own tier) and etc.

Of coz there are many other great schools in HK, but they may have their own shortfall in certain area.  Anyway, you always need to precisely define what sort of Chinese proficiency you want your child to achieve and how much you could afford to lose on the other end.  Just know how to read and speak isn’t precise enough.  

mandy_ng207

Youweird 發表於 23-10-24 21:14
说点我个人经历：

首先，理想中的双母语绝大多概率是无母语，即没有一个语言可以达到母语标准

雖然我的孩子還小，但我完全同意你的看法。而且母語是純英語的孩子學歐洲語系是比較容易，跟「雙母語」的孩子還是有一點分別的。

964000

ynwa97 發表於 23-10-24 18:31
我哋個plan係想小朋友喺香港讀到小學畢業，然後升中學時考慮移民外國或Send去讀BoardingSchool。

我哋都係 ...

如果都打算去外國，又鐘意外國教育文化，我就唔會為了學幾年中文而入本地小學，我頂唔順個D成疊通告，幾時換季用咩顏色髪夾都要管，浪費太多時間在測驗考試（起碼一年用了2/3個星期時間考試週，人地IS term break 就去玩增廣見聞），而且小朋友會比較內歛怕錯欠自信（這個看自己小朋友性格，因為已經內歛唔想再內歛）連家長我自己自信都高埋參予了很多家長活動。
仲有課程內容，又通識科而家又話人文科甚麼，到時又多一咋野背。
如果你打算家中keep native English level, 必然重英輕中，到時跟學校中文課程實辛苦，小朋友只會告訴你憎中文，可能高小已頂唔順呈分出國/轉IS，到時都係要自己keep中文，分分鐘已慣咗家中說英文大D連中文都唔講，咁到時中文都好難keep.
其實我女在English heavy IS現高小都可以學到廣東話流利，用普通話溝通到，寫到短文（但冇乜文采同成日google translate), 但未識睇報紙，不過你在LS小學英文程度又會低D（尤其writing方面），我就唔會為了學中文而miss了我可以比最好的童年佢，我小朋友在IS幼稚園和小學，可以話幼稚園初小係最開心的日子（家長也是當然參予率高），miss 咗的人就唔會知自己miss了甚麼，對小朋友性格發展也很好，現在高小有班自細一起長大的同學好開心，就算將來分開都會保持聯絡的，好多大學又再遇返。

beastiebistro

ynwa97 發表於 23-10-24 18:31
我哋個plan係想小朋友喺香港讀到小學畢業，然後升中學時考慮移民外國或Send去讀BoardingSchool。

我哋都係 ...

我自己三個小朋友嘅經歷／舖排應該同你希望做嘅一模一樣，我係日誌有詳細記載，你可以睇睇有冇參考價值。（我自己都係boarding school graduate，太太都係外國回流）

我嘅舖排係先讀local幼稚園／小學／中一，再去英國寄宿，原因喺日誌有記載。雖然我小朋友嘅中文唔可以話超強，但係絕對可以應付日常需要。睇報紙雜誌小說冇咩問題，而家三兄妹喺英國更加係如魚得水。

當然我同小朋友係幸運嘅，我哋入到我認為最好最適合嘅local學校，完全有晒你講嘅（more group projects, encourages critical thinking plus better overall sports and extra-curricular activities )，所以turns out我嘅選擇啱晒我要求。

我個人認為呢個舖排係最好嘅。（當然depends on which local school）

Radiomama

beastiebistro 發表於 23-10-26 10:45
我自己三個小朋友嘅經歷／舖排應該同你希望做嘅一模一樣，我係日誌有詳細記載，你可以睇睇有冇參考價值。（ ...

你們是人生勝利組喎，未必個個細路都行到。同係「旺角體藝」學校，也有在小學時已讀得好吃力的。

beastiebistro

Radiomama 發表於 23-10-26 12:15
你們是人生勝利組喎，未必個個細路都行到。同係「旺角體藝」學校，也有在小學時已讀得好吃力的。
...

都係嘅，我認我好彩㗎。不過我見同樓主背景、期望都相似，所以分享下。

964000

beastiebistro 發表於 23-10-26 10:45
我自己三個小朋友嘅經歷／舖排應該同你希望做嘅一模一樣，我係日誌有詳細記載，你可以睇睇有冇參考價值。（ ...

如果學中文係first priority不容有失，咁就真係先local school穩陣d, 細節可能不是最重要，所以樓主都要睇吓自己priority先決定到。

kooliestgirl

我小朋友在local private school完成3年班，但我諗佢實際中文程度得1年班，已經係happy school都唔太應付到，所以轉去IS,由於爸爸唔識中文，所以有爸爸在時主要講英文，但我同佢keep住講廣東話，所以聽講無問題，但讀寫真係攪唔掂，可能真正bilingual 的小朋友真係要好醒目。

Erminator

Radiomama 發表於 23-10-26 12:15
你們是人生勝利組喎，未必個個細路都行到。同係「旺角體藝」學校，也有在小學時已讀得好吃力的。
...

旺角體藝學院其實係上到中學先真正開始需要外援，因為小學上去果班通常都係讀書音樂為主。間學校越來越走國際化路線，不過始終受EDB限制同埋又教得到咁深，啲小朋友其實都係忙於補習，真係唔係個個受到。佐敦體藝就更上一層樓，啲學生25歲前係無敵。其實到最後，你要define什麼是讀好中文，同埋讀好什麼中文，因為每間學校都有自己定位。

Radiomama

要好似beastiebistro 三個孩子一樣先讀local 神校打好一定中文基礎、又同時有快樂童年，真係要睇家庭和小朋友的能力。自問無這個條件，所以當年由bilingual 幼稚園完成k2就轉讀國際學校讀year 1, 一直到考完IBDP畢業才去外國唸大學。

我家孩子的中英文在IBDP都係group A, 即係native/near native, 但其實中文好「渣」，會聽會講（both 普通話及廣東話）、讀ok, 但寫最差。考完試就已經冇再掂中文啦。

行邊條路是互動的、邊行邊修正、要搵啱自己孩子嘅路。

Radiomama

P.S. 從來冇見過補習能夠提升小朋友的中文程度，所以不要太早行這一步。

Erminator

Radiomama 發表於 23-10-27 06:18
P.S. 從來冇見過補習能夠提升小朋友的中文程度，所以不要太早行這一步。

非常同意，中文補習當幫下溫習學校中文課程就ok，千祈唔好以為學校中文少，外補會有好大幫助。以前外國讀書，見有同學逢星期六去唐人街上中文班，話自己已經讀緊中五課程，但其實都只係聽得明，讀讀下都要諗吓個字點讀，寫就小學程度，不過都好過冇。所以點解果幾間bilingual IS咁受本地家長歡迎，因為冇local school咁chur，避免咗個小朋友無端端上山8日練功

Moonlight819

Radiomama 發表於 23-10-26 12:15
你們是人生勝利組喎，未必個個細路都行到。同係「旺角體藝」學校，也有在小學時已讀得好吃力的。
...

其實幼稚園或小學讀local school應該已不算是人生勝利組，－來IS的lower school是其培養小朋友學習的精髓，二來local school 讓小朋友缺少了應有的快樂童年。

Radiomama

Moonlight819 發表於 23-10-27 10:12
其實幼稚園或小學讀local school應該已不算是人生勝利組，－來IS的lower school是其培養小朋友學習的精髓 ...

「有些」小朋友和家長在local school 一樣可以無憂無慮、愉快地學習的；我所指的「勝利組」就係這意思。