留學爸媽心靈支援組

Radiomama

我哋呢兩年為阿仔在外地過生日都會花多少少心思，希望俾個驚喜佢。去年係空運包裹，裝滿佢鍾意嘅零食；今年就order 佢當地嘅舖頭在凌晨12點送上surprised 雪糕同曲奇餅，我哋好開心。

poonseelai

Radiomama 發表於 23-11-4 15:31
我哋呢兩年為阿仔在外地過生日都會花多少少心思，希望俾個驚喜佢。去年係空運包裹，裝滿佢鍾意嘅零食；今年 ...

我地試過在英國華人超市訂維他奶加零食, 生日cookies, 蛋糕

Radiomama

有時就係靠呢啲令大家開心下，準備嘅過程都會好興奮。反而喺香港果陣都係安排食餐飯、送份禮物，無咁多心思。

Yvonnehoney

唔知點解，個心好唔舒服(emoji)
明明已經係第三年在英國讀書，今次half term返咗嚟兩個星期,剛剛昨天飛返返去，佢轉機時留WhatsApp話好掛住我哋兩個，我覺得個心好痛

Radiomama

Yvonnehoney 發表於 23-11-5 12:25
唔知點解，個心好唔舒服(emoji)
明明已經係第三年在英國讀書，今次half term返咗嚟兩個星期,剛剛昨天飛返返 ...

中學生？鼓勵佢多啲參加不同課外活動，生活越多姿采，homesick情況可能會減輕。

Yvonnehoney

我相信佢過到個邊，見返曬d朋友就會無事既，但總在電話聽到佢咁講，我自己個心就好痛囉！(emoji)
黎緊呢年，佢要考iGCSE,我feel到佢有少少壓力，但又真係唔知點先幫到佢舒緩，唉

ABC-DAD

我個囡中三畢業過去，七月去佢畢業禮之後旅行，原本BNO stay UK 5+1,最後又決定在港揾工。
時間過得好快，我地無食補充劑嘅習慣，只會經常行山做下運動，大仔住左六年宿舍，有一年又去左Glasgow,空巢期咪去佢地間房瞓下，約外母嚟食下飯留宿咁囉，假期兩老去下短線旅行，Facetime /Zoom 都試下，日子都易過嘅。

ABC-DAD

我地要畀佢地獨立，自然要付出代價，可能我地有外地體驗，有朋友親戚在外邊，担心就少左啲。
不過疫情初期，為英國嘅佢撲物資都印象深刻嘅，係九龍灣坐係街排十個鐘口罩，好在親朋好友有援手，日子又過到。
早幾日同阿爺食生日飯，佢話個妹辦事成熟細心過大佬好多。

wloi

其實點解要唔開心？仔女不在身邊，你會多左時間做自己喜歡的東西。所以真係不要生活只圍住仔女轉。
我自己呢，兩個女都去左英國8-9年。細女差不多每日都打電話回家，講佢的鎖碎事。

我聽我兩個女講，佢地無出國留港的同學，都唔少大學已經搬出去住，再不住家裡，好久先見一次家人。所以同我的情形都分別不大。

mother904

好耐冇寄野俾呀女，以前唔需要填貨物協調制度編號，而家竟然係必填項目，有冇好心爸媽教我點填？