關於中三選科

auroresy

輕鬆了兩年幾，感覺又回到了升中選校時要做功課做部署的時候
想請教大家選科問題，今年阿女中三，英文好，中文都尚可，數學唔得，精英班🧑‍🏫教得飛快，跟唔到，剛剛開始出去補習、希望有成效。鍾意背嘢，記性好，但唔靈活。

對未來職業規劃暫時無咩明確方向，也知道之後做嘢唔一定做返同所學專業相關的職業。但理科之類的工程 金融 醫療這些一定唔合適，因數學差。

這幾日研究左呢度的post,  係唔係就應該揀自己容易拿高分的科目？因為唔確定讀咩學系，所以未研究哪個科目加權分高的問題。阿女想選歷史 地理 經濟或BAFS，但數學唔好，之後大學一定讀唔到經濟之類吧，那選經濟能考得好嗎？對之後大學選科有幫助嗎？另一科BAFS，對數學唔好的人來講容易取得高分嗎？對大學選科又有幫助嗎？

好似見到有網友話學多一門語言，想請問這個對DSE成績幫助大嗎？比如法文，阿女有學過法文，我自己也識法文，所以比較易上手。這種語言考試的難度如何？

mimi1102

個人意見, 如果唔係一心要做醫療系或工程系, 可以唔洗刻意揀Chem & Phy, 其餘商科, 基本上你讀咩野科, 只要夠分, 就會收. 所以我會建議揀科有信心攞到高分的科目嚟讀.

我女因為中三時, 有一刻諗過要做醫療系, 又以為chem 好易讀, 所以揀左chem, 結果讀到半死, 但其實當時並唔係冇其他的選擇.  

2jkidsfather

mimi1102 發表於 23-10-12 10:26
個人意見, 如果唔係一心要做醫療系或工程系, 可以唔洗刻意揀Chem & Phy, 其餘商科, 基本上你讀咩野科, 只要 ...

所以最好在中三時已經知道自己的能力丶興趣。

medicine

mimi1102 發表於 23-10-12 10:26
個人意見, 如果唔係一心要做醫療系或工程系, 可以唔洗刻意揀Chem & Phy, 其餘商科, 基本上你讀咩野科, 只要 ...

田忌賽馬理論
當全港尖子的目光据大部分聚焦在醫(或相關)時,化學必然是最競爭激烈的.

既然有得規避(選擇),過了初中三年,應該清楚幾多斤兩從而早早決定是否爭奪炙手可熱的課程

mimi1102

medicine 發表於 23-10-12 15:21
田忌賽馬理論
當全港尖子的目光据大部分聚焦在醫(或相關)時,化學必然是最競爭激烈的.

多謝你意見.
我係用過來人身份同樓主講的, 雖然佢讀到半死, 但最後都冇drop, 並已經順利過渡了.

不過如果可以從頭揀一次, 我相信佢一定唔會再揀

唔係所有人都可以係中三知道自己鍾意啲咩, 而且中三時的chem, 大部份人都話易讀, 我女都唔例外, 我女可能遲熟, 佢係去到中六轉入直路的時候, 先肯定到知道將來想做咩同讀咩.

woooiiii

回覆 auroresy 的帖子

數學必修，無得避，加油補喇。

mcl233

mimi1102 發表於 23-10-12 15:33
多謝你意見.
我係用過來人身份同樓主講的, 雖然佢讀到半死, 但最後都冇drop, 並已經順利過渡了.

中三和中四已經好大分別啦，否則就沒有中伏呢2個字～

Chem係百搭，適用於任何學科。揀文咪仲多嘢讀啲～

又不過，公開試係自己揀餸食飯，當然最好揀自己鍾意食，又有能力食得好佢，係最理想的～

選修科大家都係揀餸食，以前套餐式還好啲，比較多計2個餸，宜家Best5/6，可以計到4個自選菜式，更加要小心啲叫餸，叫咗唔岩食就橙了～

auroresy

mimi1102 發表於 23-10-12 10:26
個人意見, 如果唔係一心要做醫療系或工程系, 可以唔洗刻意揀Chem & Phy, 其餘商科, 基本上你讀咩野科, 只要 ...

多謝你意見！ 明白， 咁就更確定了要揀自己有興趣又可以讀得好，能取得高分的科目

auroresy

阿女決定要揀his / econ / bafs management, 唔知bafs management 好讀嗎？系唔系都系難拿高分？