趙永佳、余昊昕：「寒門有鴻儒，豪門無白丁」的現代科舉

ANChan59

beastiebistro 發表於 23-10-2 14:30
陳sir你啱嘅，我將幾樣嘢撈埋一碟嚟講。

- Legacy admissions主要係私立大學／本科生問題，我意思亦都唔係 ...

你講嘅Legacy admission 似DBS小學入學，第一輪唔計Legacy 。

在link 入面也有提及early admission 及其他入學條件，可能Legacy 較有認識及經驗，他們懂得點樣玩。到多元智能比拼入學，就係將學術成績的比重降低。

我同意你說的Equal opportunities，這種Equality admission 已經很多年的方式，是否有longitudinal studies 證明你的水平下降的說法？

雖然我冇興趣美國學制，但我冇咁悲觀。

poonseelai

ANChan59 發表於 23-10-1 19:53
【明報文章】今年7月，美國經濟學家Raj Chetty等人發表一項關於不同家庭背景的學生升讀美國精英大學的研究 ...

講返香港情況, 大部分大學學位也只看分數, 無須面試, 亦應該無legacy concern, 咁數據代表什麼？家庭環境好D有資源去補習所以考試成績會好D？學校所教同考試要求有落差？

EK有個討論話入三大也要睇什麼科, 有D水泡科畢業人工好低喎

ANChan59

poonseelai 發表於 23-10-2 15:28
本帖最後由 poonseelai 於 23-10-2 15:31 編輯

講返香港情況, 大部分大學學位也只看分數, 無須面試, 亦 ...

你有什麼看法？

ANChan59

poonseelai 發表於 23-10-2 15:28
本帖最後由 poonseelai 於 23-10-2 15:31 編輯

講返香港情況, 大部分大學學位也只看分數, 無須面試, 亦 ...

我自己對這幾個圖表及subsample 有些疑問，我覺得Cat I 人數可能最少，相對Cat II - IV。因為部份在完成高中前已經離開香港，不在Cat I & II。

poonseelai

ANChan59 發表於 23-10-2 16:23
我自己對這幾個圖表及subsample 有些疑問，我覺得Cat I 人數可能最少，相對Cat II - IV。因為部份在完成高 ...

我一直有一個睇法係英文水平回歸後一直下降, 可能同一直被矮化有關, dse英文合格率已低過中文科, 只聽過如其他科成績好也會收中文2, 有無個案其他科成績好而英文2也會收？

英文合格率低過中文在EK 無乜討論，有家長講過上得EK多是中產家庭,唔會英文唔合格,所以只會擔心中文。

咁假設中產孩子英文好D,是否同資源有關？ 現在孩子能上網嘅, 是否可更有效免費運用網上資源學好英文？

Radiomama

有人話，學者做研究，是為了解決問題（無論大小）；這樣呢篇報道嘅學者是為了文章末段這句說話嗎？
「⋯中產家長們都不遺餘力參與各種「教育競賽」，為子女的教育不惜投入大量時間和金錢。他們所做的一切，為的就是給下一代提供其能力範圍內最優質的教育資源。那麼，那些玩不起這一種競賽的學子，又怎麼辦呢？」
想一如美國、甚至內地，向某些階層提供「傾斜」的優惠，讓他們容易一點入讀大學嗎？

ANChan59

poonseelai 發表於 23-10-2 16:53
我一直有一個睇法係英文水平回歸後一直下降, 可能同一直被矮化有關, dse英文合格率已低過中文科, 只聽過如 ...

我不會花時間去深究DSE英文中文合格率，或者補習，嘗試用其他角度講下，只係分享，不是唯一答案。

香港Cat I 因為係高中產及專業人士，所以學歷絕大部份都係學士以上，個人能力，資源係一定佔優，家中雙語、三語都可以，搵外援又可以。

香港／亞洲家長都非常重視孩子們的學術成績，在升小，升中已經會拋開距離。$肯定係一個重要分野，但我個人係在全人及多元智能方面花很多時間及精力，我認為在不同地方都可以讓孩子在前列。

跟住我會講孩子是第一代，第二代，抑或第N代大學生，對教育的目的，發展方向，方式，都有分野。

我對城大有贊有彈，但其中一個做法，我十分欣賞。就係畢業禮他們場數最多，因為每個畢業生都會逐個上台接受學位盼授，我問個點解，原因係他們的畢業生絕大部份都係第一代大學畢業生，對他們家庭、家族意義重大。

所以Cat III and IV 多是第一代，只外兩個多數是第二代。因為不是第一代，所以對遊戲規則，眼界，人胍網絡，都佔優，會為孩子有更好安排。

你都知道個別Ek網友如何安排孩子去英國最top 嘅寄宿學校，他自己已經是第二代留学英國，咁他的舖排比較在海外留學版家長，肯定細緻到位好多，目標大學及專業都會有更高期望，而且又唔搶香港學位。

孩子讀完非學位，繼續讀學士學位，有其他分別及考慮，選科，GPA，家庭經濟負擔，同學學習氛圍及目標，都有影響。

願意學習，有千百個方法，如果唔想學習，有千百個理由！

最近自己在香港上網睇free course 有關Al，DS，CFA，海外升學等等。睇係有好多免費資訊。

ANChan59

Radiomama 發表於 23-10-2 17:06
有人話，學者做研究，是為了解決問題（無論大小）；這樣呢篇報道嘅學者是為了文章末段這句說話嗎？
「⋯中 ...

學者不一定是解決問題，可能是提出一些意見，觀點，理論，作進一步研究。

香港出生率低，學生人數減少，入大學機會高咗好多。

他不列出不同Cat 的人數，這個可能有很大影響他的結論。

beastiebistro

ANChan59 發表於 23-10-2 17:38
學者不一定是解決問題，可能是提出一些意見，觀點，理論，作進一步研究。

香港出生率低，學生人數減少， ...

其實我諗我最終論點係大學係做學問／研究嘅地方，係應該俾有學術才能嘅人入讀，最應該行完全學術精英制。唔係人人適合讀大學，天生才能唔喺呢方面，冇需要夾硬入大學，去職業先修學校，或者音樂／藝術學校，甚至職業運動員一啲問題都冇（呢啲領域都係行緊佢哋各自嘅精英制㗎喇，又冇人complain...）。德國人呢方面就做得好得多，技術人員地位一啲都唔比大學畢業生差，入technical school唔入大學，一樣咁得到社會尊重。


但係唔知幾時，好似變咗入大學係唯一向上流嘅方法。而大學就不停開新course，增加學位，搞到全部發晒水。呢樣無論外國大學，因為嗰啲左膠平權理論又好，香港嘅大學（最近又傳明愛升格大學）又好，只會lower standards。

我個人認為搞落去係冇可能唔「溝淡」學術水平...

可能我係「右膠」...

ANChan59

beastiebistro 發表於 23-10-2 18:01
其實我諗我最終論點係大學係做學問／研究嘅地方，係應該俾有學術才能嘅人入讀，最應該行完全學術精英制。 ...

我覺得公眾對讀大學及大學畢業要有範式轉移（paradigm shift)，我一直同阿仔講現在所謂大學畢業資歷，可能等於我們果代高中畢業。但不少人認為等同以前，所以在就業前景，起薪點有錯誤的理解。

試想我嘅年代本地大學畢業生只有2-3%，到現在遠超過25%，還要想有2%的江湖地位及前景，可能係想多咗。

去到大學研究係另一回事，我認為現在仍然係精英制，你又睇下科技研究人員，例如美國拉莫斯實驗室入面有幾多%黑人研究員。NBA及田徑就多，游泳，體操又有幾多。音樂指揮，演奏很少，唱歌的就不少，咁古典音樂有幾多黑人呢？

亞裔家庭始終認為工字不出頭，德國，瑞士及（日）本有學術，技術，匠人的社會地位，係不同嘅觀念。

唔好講遠，香港朋友成日問點解阿仔咁叻，點解唔去IBank，我最初嘗試解釋，現在都費事講咁多，Dark Horse 。

乜膠都好，最緊要自己一家人知道目標係什麼？點解咁樣做？其他閒人，forget it！

barque

早在 20 世紀 60 年代，耶魯大學校長小金曼．布魯斯特就曾明確主張，學校要根據學生的成績而不是其家庭背景來錄取學生，希望由此打破精英世襲。但他的期望落空了，因為精英階層找到了保持優勢的秘訣：通過支付高額費用，讓孩子獲得最好的升學訓練，從幼兒園一直到高中，外加各種昂貴的課外補習班和培訓項目，讓他們的子女在各級入學申請中獲得難以匹敵的競爭力。頂層富裕家庭對子女的教育投資是驚人的，對每個孩子的累積花費可以高達幾百萬甚至上千萬美元，由此 “ 維護了一個有效的世襲統治階層 ”。

ANChan59

barque 發表於 23-10-2 18:32
早在 20 世紀 60 年代，耶魯大學校長小金曼．布魯斯特就曾明確主張，學校要根據學生的成績而不是其家庭背景 ...

你是否認同精英制？或者支持教育平庸制？

stillgood20

Radiomama 發表於 23-10-2 17:06
有人話，學者做研究，是為了解決問題（無論大小）；這樣呢篇報道嘅學者是為了文章末段這句說話嗎？
「⋯中 ...

那一種競爭赛的學子,又怎辦呢？
………

EK一般以中產角度出發．

我另一角度寫一下．聽過就算．始終唔會調整到視角．

……

所謂教育．是否造王者？

競爭赛的玩法．是資源．

資源:
有自然資源,天然,就天賦
有時間資源,我聽過學生每天(包括假期)自覺早上五點半起床温習．
又聽過,一天到晚對著收音機聽英語廣播,時刻帶著記憶卡筆記温習
有心態資源,有子女知道父母太窮,讀書毅力大爆發．

barque

ANChan59 發表於 23-10-2 18:52
你是否認同精英制？或者支持教育平庸制？

其實不太認同精英制。

ANChan59

barque 發表於 23-10-2 20:02
其實不太認同精英制。

我一直認同精英制，不贊成平庸化。

香港近年的教育制度係平庸化，㩒住強項，弱項改善不足，變成畫虎不成反類犬，點同世界競爭！

pccw2017

poonseelai 發表於 23-10-2 15:28
本帖最後由 poonseelai 於 23-10-2 15:31 編輯

講返香港情況, 大部分大學學位也只看分數, 無須面試, 亦 ...

依家補習係基本動作. 有家底既早就送去外國讀書, 有D家底既咪去直資私校去考IB或IGSE. 總之避開DSE再經Non-Jupas奀奀腳入三大讀神科, 尤其政府無規限Non-Jupas的收生佔比.

beastiebistro

ANChan59 發表於 23-10-2 18:28
我覺得公眾對讀大學及大學畢業要有範式轉移（paradigm shift)，我一直同阿仔講現在所謂大學畢業資歷，可能 ...

PHD programs DROP exam (GRE) requirements

呢篇文有講大部份美國大學嘅post grad學科已經唔再要求學生提交GRE分數，係降低門檻期中一種證明。文中有講明唔要求GRE分數係因為覺得："...the test puts students from less privileged backgrounds at a disadvantage..."，咪即係因為入學門檻太高，唔係要求啲報考生做好啲，而係取消門檻，等能力冇咁高嘅學生可以入讀。長遠點會唔影響學術研究質量呢？



當然係我個人睇法...

poonseelai

ANChan59 發表於 23-10-2 20:32
我一直認同精英制，不贊成平庸化。

香港近年的教育制度係平庸化，㩒住強項，弱項改善不足，變成畫虎不成 ...

既然平庸化了, 又怎會預你同世界競爭？同大灣區競爭都唔得啦！咁就只能背靠一個市場, 當全世界講 de-risk, 香港就 all in

ANChan59

beastiebistro 發表於 23-10-2 21:39
PHD programs DROP exam (GRE) requirements

呢篇文有講大部份美國大學嘅post grad學科已經唔再要求學生 ...

我看完整篇內容，你可能被標題黨誤導了。

在文中有支持及反對撤銷GRE意見者，反對者都係用holistically review approach, GRE 只佔10%，其他包括Master 的transcripts, research track record, personal statement, interview, personality such as Perseverance etc. A rubric approach。

他們都發現GRE成績跟最終成功畢業冇correlations 。

你試吓睇英國，香港，澳洲讀PhD需唔需要GRE或者類似考試，如果大部份唔需要，已經反映咗GRE係法國大餐。

我當年申請英國MBA要考慮GMAT，因為當時美國興，我覺得多餘，因為美國大學水準參差，英國大學平均水平較高。

GRE費時失事，而且每張pager $250,還要穿州過省，加上效用成疑，廢除係正確方向。

自己讀博士的經驗，最重要係毅力，永不放棄，才是最重要嘅指標。最大得着係critical thinking skills。

beastiebistro

ANChan59 發表於 23-10-2 22:50
我看完整篇內容，你可能被標題黨誤導了。

在文中有支持及反對撤銷GRE意見者，反對者都係用holistically r ...

都可能係，不過我都係比較悲觀，我針對嘅唔係GRE分數而係「心態」。為咗「公平」就拆走一啲門欖（無論門欖同最終成績有冇好大correlation），係lowest common denominator 心態。今日可以廢GRE/ SAT/ ACT，聽日可以廢畢業試/升班試/專業試，因為門欖永遠可以再低。
始終我認為大學係應該行絕對精英制，咁嘅心態遲早出事...