23考小回顧

Shinglo2018

九月小一開學 大家最後入到心儀學校嗎
回顧考小入面 有冇最後悔啲咩？
我自己說最後悔參加太多所謂嘅興趣班
又花時間 又花錢 大家呢？

qq6a

Shinglo2018 發表於 23-9-10 21:57
九月小一開學 大家最後入到心儀學校嗎
回顧考小入面 有冇最後悔啲咩？
我自己說最後悔參加太多所謂嘅興趣班 ...

請問大家有冇後悔參加面試班？其實係咪幫助不大？

chun719

Shinglo2018 發表於 23-9-10 21:57
九月小一開學 大家最後入到心儀學校嗎
回顧考小入面 有冇最後悔啲咩？
我自己說最後悔參加太多所謂嘅興趣班 ...

最尾結果滿唔滿意?

天外之人

回覆 Shinglo2018 的帖子

你覺得入咗呢間小學,之前做既野全都冇關係?
作為過來人,冇話後唔後悔,除非家長係有所要求,先會有呢啲野令家長去付出,但有冇真正既回報冇人答到自己. 小朋友已入小學,而家最重要係點樣令小朋友對學習熱誠不減先係重要,唔係為了分數參加啲乜乜班.

HK-CR7

入到心儀小學, 但無對做過既野後悔, 因為之前準備考小做既野全部都有得着, 我地興趣班不多, CERT也不多, 因為一早知個遊戲點玩

反而面試班就值得上, 當然揀間夾到既報讀

Shinglo2018

回覆 qq6a 的帖子

面試班 我心態係了解程度 想要老師comment我會建議需要的家庭就早啲試
因為有啲出名機構上完覺得無咩料到
有啲普通 但個老師又提供到有用意見

Shinglo2018

回覆 HK-CR7 的帖子

認同 夾岩好重要機構好唔一定等於老師好

Shinglo2018

回覆 天外之人 的帖子

我覺得家教 自己教 永遠都最有用如果有你地咁早識遊戲規則就好 行少好多冤枉路

Shinglo2018

回覆 chun719 的帖子

我覺得今年人少咗 感覺係易咗但收生準則真係會R爆頭

我以為我小朋友怕醜
應該比較受傳統學術型學校喜愛
但收親佢嘅反而係新式活動教學型
但佢一向都唔多講野

天外之人

Shinglo2018 發表於 23-9-11 14:04
回覆 天外之人 的帖子

我覺得家教 自己教 永遠都最有用如果有你地咁早識遊戲規則就好 行少好多冤枉路

這就是論壇好處,當然有好亦有壞,吸收既知識自己衡量輕重對錯再去安排怎樣做.
孩子學習既教育,本身就係要孩子能夠學以自用,分數不應過度著緊,讓孩子喜歡學習,怎麼類型教學都無所謂. 怕醜都唔多講野不是壞事,因小學成長路慢慢令孩子放開,家長令佢開心啲去學習就得. 當然如你所講,孩子在家妳既教育都要好好引導,這點做得好,中學妳可放一萬個心.

chun719

Shinglo2018 發表於 23-9-11 14:11
回覆 chun719 的帖子

我覺得今年人少咗 感覺係易咗但收生準則真係會R爆頭

會唔會因為傳統係一線直私
活動都係二線直私?
活動教學入面有冇港大?

會唔會你個小朋友少講野
但係有邏輯同思想好靈活有創意?

都聽好多家長講, 未真係派彩 都唔知邊種學校會揀自己個小朋友
有啲家長反而 個小朋友唔係幾守秩序，其實覺得岩活動教學揀間傳統學校比佢學返個紀律。
有啲就唔多講野入活動教學反而令個小朋友開朗左多野講。

不過我覺得直私啲收生標準真係無得估。
唔介意不如分享下你對見左既直私既感覺。

天外之人

chun719 發表於 23-9-11 15:18
會唔會因為傳統係一線直私
活動都係二線直私?
活動教學入面有冇港大?

所以正常教育小朋友唔應該咁刻意去安排,讓小朋友因應怎麼情況去適應去面對,這樣比刻意去就小朋友適應好.   孩子冇去過直資小學,在傳統教學下的活動教學感覺也不少,到中學時有真正了解過幾間,的確直資資源係多,這點係冇錯,但係唔係真係咁而令小朋友學到野冇人會知.若是真係咁易學到野,現今就唔會咁少真正人才.

heidya

Shinglo2018 發表於 23-9-10 21:57
九月小一開學 大家最後入到心儀學校嗎
回顧考小入面 有冇最後悔啲咩？
我自己說最後悔參加太多所謂嘅興趣班 ...

你岩，有同感，當年見小一，乜都冇準備，多數冇見家長，結果全軍盡墨，派到寶校.身邊有人參加乜班，乜班，最後都係大抽獎⋯⋯
小朋友唔好太大壓力比佢哋同家長⋯⋯順其自然，睇緣份

Shinglo2018

回覆 chun719 的帖子

Yes 港同/播道/陳守仁/優才/真道TSL係waiting 入

你咁講都可能係
我小朋友怕醜但講野老積 邏輯批判性強

直私感覺就係有五花八門嘅同學
好活潑又收 文靜又收
家境中上中下全部都有

Shinglo2018

回覆 heidya 的帖子

小朋友話自己表現好果啲一定唔收話唔識果啲反而會收

chun719

天外之人 發表於 23-9-11 16:44
所以正常教育小朋友唔應該咁刻意去安排,讓小朋友因應怎麼情況去適應去面對,這樣比刻意去就小朋友適應好.    ...

我無特別報咩班上咩興趣班
去直資面試係一個比佢選擇既機會
傳統學校有框架 , 有好多必須跟住行既野
多左規限，殺死左好多創造力。

直資學校如果細心了解的確有好多吸引既地方。
6年冇考試既有、每月森林課程既有、
暑假去韓國、日本、加拿大、英國學校交流
學到既唔一定完完全全學術
眼界都好唔同。
btw , 我又唔覺得好少人才。
只係外國升學既好多。

chun719

Shinglo2018 發表於 23-9-11 23:29
回覆 chun719 的帖子

Yes 港同/播道/陳守仁/優才/真道TSL係waiting 入

上面都有offer ?
咁都唔錯喎
最後揀左邊間

curr2000

其實都係學習， 受用的就不浪費。 諗返就係貴，但唔會無用

多多宝

Shinglo2018 發表於 23-9-11 14:11
回覆 chun719 的帖子

我覺得今年人少咗 感覺係易咗但收生準則真係會R爆頭

同我女一樣。不過我最終都係揀左一間傳統學校比佢，學校有明確的學習框架，易跟過讀新派活動教學學校。

eledak

過來人分享一下。小朋友已升中一年。
當年，冇補習冇面試班零cert，順其自然考間小朋友適合的幼稚園。
到升小，依然冇補習冇面試班零cert(果陣好興劍橋英文試，朗誦班的cert，我地一張都冇)
順其自然考入小學。
到小學的6年，依然冇補習冇面試班冇谷體藝，只考了一張樂器好低級的cert)，也順其自然升了中。
現在中學生活愉快。

我想講的是，只要小朋友能去到適合他的學校，他能在所處的環境下開心學習，會有他能力以內的適當發揮，這學校便適合他。

額外排山倒海的補習和活動，可能會爲小朋友添加正常壓力(不管什麼學校。讀書考試，相信點都會有d壓力)以外的壓力，其實所得效果好可能適得其反。

選適合小朋友程度，順着他們的步伐去選，配對適當了，他們在舒態的環境下，可能發揮得更淋漓，那更自然會在教育中得到最大的優勢。
拔苗不能助長，強扭的瓜不甜。