大家傾吓多唔多老師唔識教書或教得唔好？Band 1A校會唔會好d

katrinamama

知道近年教師流失率高，多咗新老師係理解的。好多學校開學前仲請緊人，我見自己小孩及身邊朋友仔女也留意到不同學校總會有些老師唔係點識教書，每堂只是照書讀或是解釋不詳細就自己做練習，俾埋答案學生自己核對就算。如果學生本身自律及勤力，唯有自修or外補，但似乎如果遇到呢d老師，上堂真係失哂興趣。
中學生識得分邊d老師好唔好，遇到好老師，真係對嗰科特別有興趣同緊張d，影響都大。唔識教書嗰d仲可能年纪有番咁上下，不是新入職。

你們學校有冇類似情況？唔知Band 1A校教師有冇穩定d或好老師比例高d？

Rpp

katrinamama 發表於 23-9-10 08:46
知道近年教師流失率高，多咗新老師係理解的。好多學校開學前仲請緊人，我見自己小孩及身邊朋友仔女也留意到 ...

直資留得耐元老級都係識教書，無奈走得七七八八，新入職嘅大部分唔識教，撞到唔識教的唯有自己執生。津校的元老級嘅識教，但係少與時俱進，撞到唔好的可能一堂有半個鐘攪緊電腦未能開機關機，又係自己執生。

3Meowshome

回覆 katrinamama 的帖子

我覺得同流唔流失，新同舊無乜關係。我 70-80年代向香港讀一線名校，一樣有D照書讀，有D什至讀都唔讀，寫Page Number向黑板叫我地自己睇的，都有D係有心有力地教的。 而呢 2 個分類內都各有資深同新老師。
我都教私補，但以我見，如係較新的老師，最大問題係學生有Issues時未必咁快Detect到，呢個真係同經驗有關。

hiuching8

傳統官津band 1a校唔識教書/唔教書嘅老師比例，係高於平均，佢哋無收生壓力，唔會俾人炒，啲學生自己會補習/玩活動，唔需要老師。

TAIOU4

我在選校那年會經常留意各大招聘平台
所以並沒有太大落差

天外之人

hiuching8 發表於 23-9-10 18:32
傳統官津band 1a校唔識教書/唔教書嘅老師比例，係高於平均，佢哋無收生壓力，唔會俾人炒，啲學生自己會補習 ...

真係好似呢位家長所講,大部份學校老師可能因為覺得家長會為孩子補習,所以感覺老師唔會太著緊用心去教.

hehehaha2017

要習慣, 老師唔識教書
唔識教是正常

因為每個孩子的腦都不一樣, 程度有高低

同埋, 父母要求太高, 想仔女考頭個批

考唔到, 麻當學校老師唔識教

父母睇下自己有什麼做到最實際

盡力做, 可以做的野做晒就算晒

不要糾纏在老師 識唔識教書

九流的學校, 都有一流的人才

一路找所謂的好老師, 不如靠自己

我地年代都係靠自己

而家補習猶如 維他命

維他命不能當飯食, 返學, 習慣, 適應 才是最急

習慣,讀得不好, 怪自己先, 唔好怪人

天外之人

hehehaha2017 發表於 23-9-11 12:02
要習慣, 老師唔識教書
唔識教是正常

的確老師都係用佢既知識去教,且同時面對一班咁多學生,自然未必可以都真正教好全部學生. 所以咩學校都好,都係靠自己,自己學得好自然唔需要呢啲維他命,
PS: 亦都因太多呢啲維他命(補習),隨時令老師覺得學生可從呢啲地方學到而鬆懈,攪到要考試前都未教,這樣既老師就真係有點兒那個.

bananaGi

唔關咩學校既事,  老師有學歷但唔代表識教。都贊成樓上所講， 讀唔到先怪自己，再搵出路。

呢個世代，單靠學校，只能做個普通人。

0030

回覆 bananaGi 的帖子

普通人表示：1A中學有識教的好老師，也有照本宣科唔系好識教的老師

cyiuming

Band1a果啲，分分鐘係唔教果啲，（1)你讀得B 1 a重駛鬼我教，（2）讀得B 1 a果啲，佢suppose你－定會自己私補，所以更加唔駛教，反之，Banding低果啲，想提升學校Banding先至落力咁教

天外之人

cyiuming 發表於 23-9-13 11:51
Band1a果啲，分分鐘係唔教果啲，（1)你讀得B 1 a重駛鬼我教，（2）讀得B 1 a果啲，佢suppose你－定會自己私 ...

所以有咁既想法,教育點會好.  還好孩子學校最多都係考試前知道未教都夾硬去教,以免令冇補習既孩子唔識,不過學生就辛苦啲(還好科技上幫到手)

heidya

傳統官津band 1a 校唔識教書/唔教書嘅老師都有。唔關咩學校既事,  老師有學歷但唔代表識教。注要睇下佢地本身心態, 同埋是否真正有心做好尼份工.

反而有學校, 不論BANDING, 將課外活動, 學科補底班, 之類外判....感覺好商業化.....反而尼D班較多冇心教， 應酬就算。。。。。幫助不大

天外之人

heidya 發表於 23-9-14 09:05
傳統官津band 1a 校唔識教書/唔教書嘅老師都有。唔關咩學校既事,  老師有學歷但唔代表識教。注要睇下佢地本 ...

更印證考了有張"沙紙"唔代表一定有心教, 等同孩子學習"冇心"去學,夾硬谷都係為了分數而已,點會係真正人才. 更無可能做到華為任老先生所講既"全才".

BB-Tiger

hehehaha2017 發表於 23-9-11 12:02
要習慣, 老師唔識教書
唔識教是正常

我當年讀間私校（台辦），唔知幾多流，老師絕大部份都係台灣畢業，不過有一位係第一代女大學生，教chem，用香港課本加佢自已出嘅書，只係識叫我地背同默，全級（得兩班）都唔鍾意讀chem，仲要全校得佢一個教chem。英文其中一個miss係sister ，佢係SP嘅退休校長，唔跟書教，但佢話課程夠我地考會考，以前真係乜都唔識。後來有個書記（好似成大學生）接任中文老師，佢真係好有心教又教得好好，好受同學歡迎。之後學校摺埋，佢之後係出面教，後來聽講佢係YC小學部副校長，再升YC小學部校長。真係英雄莫問出處

sheung000

好多老師自己識/考得好都唔代表識教人/有一個好好既表達能力，老師好唔好有時夾學生，好難一概而論，但主動型學習既學生一定會好過被動型學習，同埋家庭Support好重要（補習/出國），學校老師好耐以前已經唔靠得住。除非級3內，否則老師都睇唔哂甘多人

天外之人

sheung000 發表於 23-9-17 01:45
好多老師自己識/考得好都唔代表識教人/有一個好好既表達能力，老師好唔好有時夾學生，好難一概而論，但主動 ...

香港老師唔知有否時間再去深造,不停咁增值自己?還是為了學校老師要做好多多餘既事情而無法自我增值?明知道多人教一班唔掂都唔改善,又攪到好多學校唔夠學生又要殺校,唔明白點解唔小班教學?有幾浪費資源??更何況教育學生點會叫浪費??冇稔過若突然又多了學生唔夠學校點稔??階級觀念學校也是,買既書本又貴但又唔係一定會教,甚至連考試都唔去教,稔住有外面既補習社攪掂,都唔知為何書本要年年改版做咩? DSE又是全部學校統一去考,咁既教育制度唔知優越在那裡??衹會從小令孩子心態有高高在上高人一等心態.所以更特顯家庭教育重要性,單靠香港教育制度死得.