求教：G10考SAT score 1350應該再考嗎？

BearMoon

剛剛得到成績。應該如何再安排？重考應該是否G11暑假呢？

Radiomama

BearMoon 發表於 23-9-9 13:53
剛剛得到成績。應該如何再安排？重考應該是否G11暑假呢？

是美式學制？建議在Dec 2023 or Mar 2024再考。

BearMoon

謝
他是本地英中中四生。一般要求大概考到幾多分先有用？
PS想到美升學，不是長春藤(emoji)(emoji)

beastiebistro

BearMoon 發表於 23-9-9 16:37
謝
他是本地英中中四生。一般要求大概考到幾多分先有用？
PS想到美升學，不是長春藤(emoji)(emoji)

報美國大學係好博大精深嘅學問，SAT成績其實只佔好少比重。當然SAT有要求，但係冇話幾多分先叫夠，而且其他要求一樣重要。針對你想報嘅大學，網上都搵到入讀學生平均SAT分數。

BearMoon

心水大學入學top25%-1370
心大心細唔知仲考唔考好。怕再考仲差。為追多幾十分（因為自己操練習 5堂drill course) 再報好呢？（心知冇可能1500）
係咪轉去考AP selective subjects?
謝謝回覆

beastiebistro

BearMoon 發表於 23-9-9 17:38
心水大學入學top75%-1370
心大心細唔知仲考唔考好。怕再考仲差。為追多幾十分（因為自己操練習 5堂drill co ...

都係嗰句，報美國大學有太多嘢需要準備，唔會因為SAT多幾十分就實入到（就算1550變1600都冇咩guarantee）。如果自覺其他方面都準備得七七八八（consistent嘅課外活動，leadership嘅展現，community service，essay preparation等等），又有啲時間，再考都未嘗不可（始終分高啲一定好啲）。

嗰1350點分佈？800數+550英文？定係700數+650英文？我諗呢樣都同再試會唔會improve有啲關係。我覺得香港人數可以aim高分啲，但係英文可能真係未必會improve到好多。

BearMoon

謝謝回覆
600（eng) 750(maths)。平時網practice 600-660（eng)，720-790(maths)

再考可能Aug2024學埋S5數咪好d。英文真係幾頭痛，再操多啲？

你非常啱。考美國大學非常博大精深
會唔會去準備考AP好啲？

beastiebistro

BearMoon 發表於 23-9-9 20:29
謝謝回覆
600（eng) 750(maths)。平時網practice 600-660（eng)，720-790(maths)

我認為英文要有系統訓練先可以順利提升，反而數相對容易（中四足夠應付有餘），失分多數係唔小心，同學S5數無關。

美國大學都唔係完全唔識DSE，亦知課程rigorous程度。考唔考AP我認為幫助唔算好大，因為AP主要係俾美國本土學生學深啲嘅課程。DSE本身夠rigourous，冇需要靠AP去撐場面。

我都係嗰句，報美國學校，成績只係佔好少比重，其他方面有冇準備先考功夫。嘥晒啲時間去追嗰幾十分或者幾個AP，有可能得不償失。

ckh689

SAT English 難考，對本地生都一樣，即使first language係英文，都未必考到高分，所以都要多練習。英文卷上，好多文章一大篇，但只問四至五條問題，要攞高分，閱讀速度同理解能力一樣重要，唯有睇多啲、做多啲。

August 2024才考下一次SAT有點遲，我覺得最好G12開課前已經考到滿意成績，因為一開課，已經要為報考準備。如果八月先發現成績唔理想，要再考多一次就未必能趕及ED/EA。

更新：
經網友提醒，8/2024樓主孩子是升11年班，所以仍不算遲。我的原意是，應在12年班開課前在公開試拿到理想成績，當開學以後，就可以專心準備報考大學。

Radiomama

BearMoon 發表於 23-9-9 20:29
謝謝回覆
600（eng) 750(maths)。平時網practice 600-660（eng)，720-790(maths)

我覺得可以試多一次，但唔好遲過S5的暑假，即係在2024年的6月前就考埋，可以上網做多兩份卷drill 吓。

另外要睇報咩科，有什麼課外活動同建樹去配合。

最後就係睇吓點樣寫好果啲short essays; 我識個朋友佢嘅孩子最鍾意就係答美國大學呢啲短問題，佢覺得可以俾佢抒發自己，所以一晚就可以答好多題、報好多間大學；有啲孩子最怕寫這些関於自己的題目，寫極都寫唔出。

BearMoon

多謝大家寶貴意見。
小兒想嚟緊十月再試多次。希望操多啲可能好啲

barque

BearMoon 發表於 23-9-9 17:38
心水大學入學top75%-1370
心大心細唔知仲考唔考好。怕再考仲差。為追多幾十分（因為自己操練習 5堂drill co ...

如果心水大學top 75%是1370，其實1350都足夠了。亦都可以考慮試考ACT睇吓會唔會有意外驚喜，因為有些學生覺得ACT合適的和容易啲。

不建議花太多時間在SAT和ACT上，特別是你的SAT成績已經近心水大學的Top 75%.  應多花時間做好校內成績（比SAT成更重要），課外活動，領袖才能和申請入學的文書等等。

BearMoon

ACT 後無讀bio同chem 所以無得考science . 所以先考慮AP 。
佢想博多次SAT. 只係怕衰過之前。如果係博就可能嚟緊十月。佢話趁印象仲有^^
同埋早啲唔會影響S 5校內事宜
希望順利唔衰過之前都還神。

beastiebistro

BearMoon 發表於 23-9-9 23:22
ACT 後無讀bio同chem 所以無得考science . 所以先考慮AP 。
佢想博多次SAT. 只係怕衰過之前。如果係博就可 ...

其實就算衰過都未必有問題。你留意返心儀大學嘅要求，以我所知，有啲大學容許報晒所有SAT分，從中揀最好嗰個，有啲甚至容許super score，即係攞考幾次最好嘅數加埋最好嘅英文當係總數。所以就算第二次考未必好過第一次，都未必有壞影響。

BearMoon

多謝晒大家回覆。希望順順利利。
相對SAT，其實最頭痛應該essay同reference letters.^^

ckmammy

ckh689 發表於 23-9-9 21:11
SAT English 難考，對本地生都一樣，即使first language係英文，都未必考到高分，所以都要多練習。英文卷上 ...

報大學唔係 G12 學期頭先報嗎？ 點解要升 grade 11 嗰個暑假咁早就要考？

beastiebistro

ckmammy 發表於 23-9-9 23:48
報大學唔係 G12 學期頭先報嗎？ 點解要升 grade 11 嗰個暑假咁早就要考？

除咗本身要應付DSE（或者IB）嘅考試，報美國大學其實有好多好多嘢要做。報每間大學差不多都要由頭寫一次一批short essay ，總量唔講得笑。所以SAT（或者ACT）呢類考試，越早考到理想成績越好，少一樣嘢煩。

ckh689

ckmammy 發表於 23-9-9 23:48
報大學唔係 G12 學期頭先報嗎？ 點解要升 grade 11 嗰個暑假咁早就要考？

我其實是說升G12前的那個暑假。

ckmammy

beastiebistro 發表於 23-9-10 00:03
除咗本身要應付DSE（或者IB）嘅考試，報美國大學其實有好多好多嘢要做。報每間大學差不多都要由頭寫一次一 ...

你都有道理， 只係擔心太早考，英數程度都未夠好，考到既分數唔夠高

beastiebistro

ckmammy 發表於 23-9-10 00:33
你都有道理， 只係擔心太早考，英數程度都未夠好，考到既分數唔夠高

數唔難，一般讀到中三都已經可以應付自如。英文確實比較蝦人，大部分香港學生要有啲準備去考先好。