如「何」交左「學費」能有「好」嘅「改變」

ABC-DAD

如題，咁去睇，教育嘅意義又是否只憑一次分數/結果去評斷果效呢？

可以達成嘅目標，積累下來就可以邁進長期目標。

我用【時間】交「學費」用積極生活去堆積【學費】
2024-01-20改左「如果」做「如何」

ANChan59

学过不如做过，做过不如錯过！

ABC-DAD

學、做、錯都只係歷程，無咩「好過」或「不如」
陳蛇提出嘅都精闢獨到，但未必容易參透其中奧妙。
錯得多就會成功？老生常談只是談。

實際講【交學費】【出錯】都係要揾出可能成功嘅過程，交得多定少就睇目光選擇啦。

ABC-DAD

估唔到咁空洞嘅題目都有人點擊嚟睇。

我想話有啲學費就慳得就慳，特別係教人走捷徑嗰隻，講嗰個都聽返嚟，試當真都要對位同天地人夾到先可以符碌到嘅，無人會將家傳秘技四圍傳吖。

欲練神功、揮劍自宫：後續係如不自宫，更易成功。

lot888

如果你相信人嘅天性係唔會改變，改變只是隱藏本性的方法及程度。那交咗學費就很難有好改變，因為你會做同一類決定，得到同一樣結果，分別只是結果帶來多一層後侮及痛苦。越在壓力情況下，你的決定更趨主觀，判斷下一步張跟你天性而行事，最後結果當然是一樣。如結果有分別，這只由於客觀環境改變，並不是因為你能從之前已交學費而有所進步。

ABC-DAD

回覆 lot888 的帖子

會進步嘅會進步，色盲嘅就唔關交學費嘅問題。
Y/N：0/1，都係好基本嘅進化邏輯，我可能唔啱，但係出貼好過跟貼。

唔開貼都係一種選擇，有宇宙人話大爆炸係起點又係終點。

咁又如何呢？

天地一沙鷗啫

ANChan59

ABC-DAD 發表於 23-9-13 22:23
學、做、錯都只係歷程，無咩「好過」或「不如」
陳蛇提出嘅都精闢獨到，但未必容易參透其中奧妙。
錯得多就 ...

家父教我嘅時候話，學嘢很多時一學就會，也會只係知道皮毛，真係落手落腳才知道難處所在，這些都是好經驗。

做嘅過程之中，做錯咗，或者發現錯處，又比做過更上另一個臺階，更入心入肺，再伸延可以去預防措施，減少將來出錯。

錯誤的代價，可大可小，變成你講嘅學費，搏唔搏，點樣止蝕又好難講。

另一方面就係，多做多錯，少做少錯，唔做唔錯。

ABC-DAD

ANChan59 發表於 23-9-14 18:52
家父教我嘅時候話，學嘢很多時一學就會，也會只係知道皮毛，真係落手落腳才知道難處所在，這些都是好經驗 ...

因時制宜，因事而異。
我自己教小朋友就睇餸食飯

ANChan59

ABC-DAD 發表於 23-9-14 19:01
因時制宜，因事而異。
我自己教小朋友就睇餸食飯

我咁樣寫啊，當然係交過不同大小嘅學費，仍然生存到，也是一個經歷。

冇話對錯，我講自己啲領受，同時咁樣教仔，他吸收幾多，就隨緣！

ABC-DAD

是很宝貴的分享。
要代看到的人多謝你，這裏沒太多人會講多謝

ABC-DAD

lot888 發表於 23-9-14 14:15
如果你相信人嘅天性係唔會改變，改變只是隱藏本性的方法及程度。那交咗學費就很難有好改變，因為你會做同一 ...

欣賞你嘅參與，相信你表達嘅都係親自體驗過嘅經驗之談。

加樂爹

學費與學習，我是這樣想的：
我覺得自己唔係一個聰明人，就是那種學一懂一得資質，優點就是清清楚楚。
我評阿仔就是 1.2罷，就是教他一，佢會有20%額外是我預期外的回報，可以話欣喜。

我個人好easy going, 因為覺得人有多方面，例如，有些人才能一般，但可以找到相處恰當的好處。
對孩子卻上心，佢嘅回報唔一定在成績，而是他的回應深度或闊度。

所以學習（學費)，我一直覺得心裡是有點目標的付出，不一定是成績，希望阿仔日後能做到平衡道理。

ABC-DAD

回覆 加樂爹 的帖子

有爹捧場分享，真係好開心，無想過有咁多不同嘅反响。
多謝！

ABC-DAD

這個可以一看太極…量子抖緾

ANChan59

ABC-DAD 發表於 23-9-14 22:30
是很宝貴的分享。
要代看到的人多謝你，這裏沒太多人會講多謝

我也多謝你不時開題目，有些感覺，會分享多些。

我也要向你學習，主動些講感謝。

ABC-DAD

ANChan59 發表於 23-10-30 08:26
我也多謝你不時開題目，有些感覺，會分享多些。

我也要向你學習，主動些講感謝。

多謝🙏🏻美言

ABC-DAD

如果太被動，如「何」會積極啲。

shadeslayer

很久沒過來，好奇一看，熟悉的名字還在，希望各位家庭過得不錯，孩子又叻又生性。

stillgood20

shadeslayer 發表於 24-1-21 08:48
很久沒過來，好奇一看，熟悉的名字還在，希望各位家庭過得不錯，孩子又叻又生性。 ...

是的.很久沒見了！

平穩.平穩.平穩.
還好！

2024年是術數另一個20年開始.
希望大家,來臨新的20年有進步.

shadeslayer

回覆 stillgood20 的帖子

大家的孩子也相繼讀飽書，開始工作，真的是另一階段！