Year One 肥咗點算好？

珍妮

各位，
阿女放射Year One 肥咗，現在等再appeal 是否可以重讀或是比趕出校。
大家有無建議，有可能報英國另一間大學重讀嗎？可否報香港大學year one？報副學士？
唉！真係唔知點做好？

NAMNAM媽媽

不是太差, 應該可以重讀嘅。

Activehealth

外國大學不嬲易入難出，尤其醫療科目，因為要保障病人安全。
我以前在澳洲讀物理治療，差不多－半人Year 1 failed.其中有人補考過關，有人留班、轉系、自己放棄唔譠，但應該無人被趕出校。
慶幸我自己準時畢業，但大把同學留班讀多一、兩年正畢到業。
但要知原因點解fail, 佢其實係唔係真係有心讀？如果唔係，千祈唔好勉強。醫療呢啲科目如果唔係真心鍾意，就算讀到將來夾硬做都好辛苦勁唔開心，識大把人都係為人工養家而做！

珍妮

回覆 NAMNAM媽媽 的帖子

係份 Essay 出事連帶嗰科肥咗，所以都唔知是否差，因已 Resit 一次了

珍妮

回覆 Activehealth 的帖子

讀就一定係佢自己鍾意先讀哩科，要比佢再揀都會揀哩科，但是否已盡力讀就只有佢自己先知，可以比佢再 retake year one 都好，好過要佢停學都唔知點安排好了。

現在想考慮多方向以準備萬一，以佢現在還可以報什麼呢？還是真的休學一年再報？

bbbusy

珍妮 發表於 23-8-2 08:52
各位，
阿女放射Year One 肥咗，現在等再appeal 是否可以重讀或是比趕出校。
大家有無建議，有可能報英國另 ...

要有幾手準備，嘗試跟心儀嘅學校聯絡，睇吓仲有冇機會報名

Activehealth

珍妮 發表於 23-8-2 18:15
回覆 Activehealth 的帖子

讀就一定係佢自己鍾意先讀哩科，要比佢再揀都會揀哩科，但是否已盡力讀就只有佢 ...

要學識邊度跌低邊度起返身，一定唔可以停學一年再報。

有無諗過報香港東華學院？佢都有放射(radiation therapy 不是radiography), 不過唔知依家仲有無得報九月開學。

又或者報澳洲大學放射？澳洲二月開學，大把時間報。

yuyueng

Activehealth 發表於 23-8-2 21:25
本帖最後由 Activehealth 於 23-8-2 21:30 編輯

要學識邊度跌低邊度起返身，一定唔可以停學一年再報。

邊度跌低邊度起返身----呢句好正，我仔都正在努力爬緊起身。

樓主可以留班一年 & 想辦法點樣克服Essay呢part，父母最多只能在金錢及精神上支持，行動始終要當事人去做。

珍妮

多謝大家回應，真的希望佢可以原校繼續讀，升到當然好，升唔到都希望可以重讀。香港已經無望今年入大學重讀大一，後著都只是報 Asso. or High Dip再報明年大一

bbbusy

本帖最後由 bbbusy 於 23-8-4 15:58 編輯

本帖最後由 bbbusy 於 23-8-4 15:58 編輯

試吓同大學傾傾，評估下囡囡嘅能力同程度可否應付到現有課程，如果課程真係唔適合佢嘅，就算留多一年，都未必可以順利完成課程。睇吓大學可否俾佢轉系，可能係其中一個可考慮選項。 努力！加油！

jnwchan

珍妮 發表於 23-8-2 08:52
各位，
阿女放射Year One 肥咗，現在等再appeal 是否可以重讀或是比趕出校。
大家有無建議，有可能報英國另 ...

請問你當時係A Level /IB/DSE入？
收分如何？

ononchu

Activehealth 發表於 23-8-2 14:51
外國大學不嬲易入難出，尤其醫療科目，因為要保障病人安全。
我以前在澳洲讀物理治療，差不多－半人Year 1  ...

多謝你的分享，對我好有用。我仔DSE 成績一般，宜家等緊JUPAS 放榜，亦在考慮去澳洲讀物理冶療。

雖然外國大學收分較低，但要求不變，讀讀下先發現讀唔到，真係好慘。

chanchan1108

我當年係AL考生去澳洲讀foundation 再駁上讀PT
讀其實唔難，考試好straight forward, 唔係一試定生死，有時essay呀, group assignment 都計分。
最難反而係實習。因為文化差異，語言困難令到實習好大壓力
我個屆5個香港人，2個肥實習要延遲畢業。

係外國讀醫護，除了興趣之外，英語能力都好重要。

jnwchan

珍妮 發表於 23-8-2 08:52
各位，
阿女放射Year One 肥咗，現在等再appeal 是否可以重讀或是比趕出校。
大家有無建議，有可能報英國另 ...

又想知道
你女讀的是一線大學嗎
所以咁嚴緊

ononchu

chanchan1108 發表於 23-8-4 23:38
我當年係AL考生去澳洲讀foundation 再駁上讀PT
讀其實唔難，考試好straight forward, 唔係一試定生死，有時 ...

請問你去澳洲前英文是否已很好？這樣問係因為孩子英文普通，但去澳州讀PT 實習時都用英文會否極度困難？始終在香港日常生活不是用英文溝通，English seems to be for academic purposes in school environment.  

Activehealth

ononchu 發表於 23-8-5 23:32
請問你去澳洲前英文是否已很好？這樣問係因為孩子英文普通，但去澳州讀PT 實習時都用英文會否極度困難？始 ...

我在澳洲讀PT，都有唔少同學clinical failed 要repeat (local + foreign students 都有）。

Foreign students 除咗因為英文問題，仲有culture 問題，尤其香港學生，習慣埋位就要病人做呢樣做果樣（好似好趕時間咁），又木口木面，啲病人會覺得佢太pushy, awkward 同rude. 澳洲呢邊人習慣吹一輪水講吓天氣正入正題（就算去銀行counter service後面排長龍照吹）。尤其對住小朋友，澳洲小朋友不慣服從指令，一定唔可以匈要氹，如果唔係個paediatrics (兒科）clinical 一定肥硬。

有啲foreign students 英文唔係咁好，但識睇supervisor眉頭眼額，識搞吓笑，行出嚟好有自信，都會容易過關。

ononchu

Activehealth 發表於 23-8-6 22:03
我在澳洲讀PT，都有唔少同學clinical failed 要repeat (local + foreign students 都有）。

Foreign stud ...

多謝你的分享，去外地讀書好，生活好，很容易忽略自身同當地的文化差異。

珍妮

回覆 jnwchan 的帖子

都已經唔係一線，但始終係醫療系，肥一科都死

bbbusy

珍妮 發表於 23-8-7 20:34
回覆 jnwchan 的帖子

都已經唔係一線，但始終係醫療系，肥一科都死

有冇同大學評估課程是否適合囡囡？轉系的可能性？

yamsui

Deleted.