急！St Jo vs SPB

myhappylife

快啲放位，好多家長等緊call waiting的

vjcarcar

myhappylife 發表於 23-7-15 22:35
快啲放位，好多家長等緊call waiting的

我都想快，自己都知等有幾痛苦，所以有個急字，希望大家可以比到寶貴意見

PTL_L

vjcarcar 發表於 23-7-16 05:37
我都想快，自己都知等有幾痛苦，所以有個急字，希望大家可以比到寶貴意見
...

其實真係無人可以幫到你選擇，有人會考慮遠近；有人考慮校舍大小；有人會考慮小朋友將會培育成邊類等等，不過我身邊朋友比較多讀直私國際學校，佢哋嘅想法一般都係俾開學費，都會想繼續俾學費，同時消費者模式，要錢嘅會好啲！有朋友嘅小朋友都係呢個選擇，不過係升中，佢哋揀咗spc,小朋友同人講，我哋spc係貴族學校，我地會貴族啲唔知點解咁細個就會有呢啲觀念呢？

f00130

咁呢啲係個別家庭教養問題啫 亦都有人話st Jo啲仔「高鬥」啲啦

kekawai

家長你自己無提供更多資料，如你最注重邊方面，如：升中/大學成績，學生/家長質素，課外活動，返學遠近，好難比較。
不過考到SPB 係小朋友有能力，抽中非叩門入SJ 係幸運。似乎家長多認同小朋友能力去揀。

myhappylife

kekawai 發表於 23-7-16 10:54
家長你自己無提供更多資料，如你最注重邊方面，如：升中/大學成績，學生/家長質素，課外活動，返學遠近，好 ...

見到今年有抽入去嘅St Jo家長，對間學校彈三彈四，又話間學校唔出名，香港有幾間聖若瑟（笑死人），又話校舍殘同恐怖，又話女厠污糟唔想去，亦公然話小二想考軒小，呢類家長又要讀又唔鍾意間學校，唔係old boy又唔知頭唔知路，以上負評供樓主參考同自行消化。

PTL_L

f00130 發表於 23-7-16 10:35
咁呢啲係個別家庭教養問題啫 亦都有人話st Jo啲仔「高鬥」啲啦

認同呀，不過如果身邊氛圍係咁，就唔係好理想喇。st jo仔都曳同串串地

Pinkyleo

回覆 myhappylif

manmonster

今時今日問，沒細佬跟尾，兩間真係無所謂。
仔仔想代代相傳佢又生仔，唔想好似今日佢咁撲學校，就 SJ。

manmonster

回覆 myhappylife 的帖子

畀我抽入，我攞幾圍酒高興下。
每間學校總有利有弊，唔使學費讀英文小學，還有甚麼要求？

myhappylife

manmonster 發表於 23-7-16 14:19
回覆 myhappylife 的帖子

畀我抽入，我攞幾圍酒高興下。

呢啲叫身在福中不知福，好想佢放位造福人群囉

vjcarcar

kekawai 發表於 23-7-16 10:54
家長你自己無提供更多資料，如你最注重邊方面，如：升中/大學成績，學生/家長質素，課外活動，返學遠近，好 ...

小兒係叩入sjps然後收spb call waiting，對我哋嚟講同樣咁喜愛同難得。

我哋係多孩家庭，但冇細佬跟尾，所以要考慮嘅因素都唔少。你所講嘅都係我哋會考慮嘅其中一啲因素。我講吓我哋所知同想法，希望大家比啲意見或糾正。

升中 - spb牌面上較易升返書院，只要主科合格同操行不差就可以直升，唔使靠統一派位要keep到band 1先穩升。但問題係spb程度同考卷深度會唔會都唔容易合格？

升大學成績 - 現時應該係spc dse成績較好，亦有機會揀ial去避開中文。但dse成績應該同sjc唔相差好遠而呢樣嘢應該係時有高低？

學生/家長質素 - sjps雖然唔係全部考入，但相信本身12網家長都係會較多投放（唔少人係為校網而搬去抽），加上會選擇英小嘅家長都有一定英文程度，質素相對唔會參差得太過份。另一方面，SPB全部都係考入，學生質素偏高，課程亦會較深，同時要喺入面有突出表現難度更高，會擔心我哋係唔係可以投放到咁多去追趕同會唔會令小兒失去信心。

課外活動 - sjps聞說課外活動多，學校亦好重視。spb資源亦可以安排不少課外活動，但係咪相對冇咁重視？如我喺一樓提過，我哋暫時冇體藝才能，另外仲引伸交通問題會喺下面再講。

返學遠近 - 地理位置而家係sjps近啲，但未來幾年會搬去比spb更遠嘅地方。而sjps現時係冇課外活動後嘅校車，搬更遠會引致接送問題，如果參加唔到課外活動，就失去咗sjps重視課外活動嘅優勢。另外如果他日需要外補，亦較難作安排，小朋友都會好攰。

宗教 - 我哋同sjps同宗教，唔需要轉channel。另外我哋都欣賞sjps堅持有教無類唔轉直資嘅精神。

中文教學語言 - 我哋prefer粵教中，中文相對難學，我哋希望小朋友先focus喺打好語文根基而唔希望再增加佢難度。而spb小四至小六係普教中。

學樂器要求 - sjps冇要求，而spb每年都需要做樂器演奏評估。我哋冇亦冇打算學樂器，呢個要求對我哋嚟講係多一種時間精神上嘅負擔。

學費 - 最後當然就係性價比問題。我哋冇經濟負擔問題，其他小朋友冇讀緊直資。有說直資有收學費之餘，同時會有津校得到嘅政府資助，所以資源一定豐富啲。但sjps有舊生support資源亦唔會少。

以上係我自己做功課所知同自己想法，有錯請指正，亦希望大家會可以慷慨給予意見，等我哋早日作出決定。謝謝

vjcarcar

myhappylife 發表於 23-7-16 11:19
見到今年有抽入去嘅St Jo家長，對間學校彈三彈四，又話間學校唔出名，香港有幾間聖若瑟（笑死人），又話校 ...

放心，係真愛我先叩的，過程都經歷唔少辛酸，所以都好愛惜我有的。

vjcarcar

manmonster 發表於 23-7-16 14:15
今時今日問，沒細佬跟尾，兩間真係無所謂。
仔仔想代代相傳佢又生仔，唔想好似今日佢咁撲學校，就 SJ。
...

可惜叩門時都見到唔少old boys要叩門，都唔敢奢望子孫將來可以入讀嘅保障

manmonster

回覆 vjcarcar 的帖子

你小朋友叩入 SJPS 而 SPCPS 又收，已證明在此階段極有實力，不用擔心學術水平。
SPCPS 我略知一二，簡覆如下：

1. SPC 到目前為止，很照顧小學師弟，除非操行和成績好差，要上中學部難度不高。

2. DSE 成績我唔覺兩者有顯著差別。星期三放榜，不知今年情況如何。

3. 坊間一般認為 SJPS 課程深，我沒比較過。SPCPS 英文科有點難度，但也非不能應付。其他科目唔覺好難。不論直資或傳統名津，你會預料到家長會自行投入不少資源和心力。但是，你叩入 SJPS 又考入  SPCPS，絕非等閒之輩，何必妄自菲薄？

4. 體藝活動我相信 SJPS 會比 SPCPS 來得精彩。SJPS 會否搬去「偏遠」地方而增設課程活動校車也是未知數。沒法子擔心這麼多現階段不能確定的因素。

5. 天主教跟聖公會的差別，與其他基督新教宗派來得少。況且，SPCPS 甚少向學生推廣其宗教。

6. 以往小一至小三，音樂科可以用口試代替樂器考試。四年班起要學牧童笛，但當年因疫情而要戴口罩，這要求也沒有實行。個人意見，學樂器對小朋友成長也有幫助，多一項興趣也不是壞事。

同意樓上朋友講，其他家長給予的資料無論如何仔細，到最後還是你們一家自行決定。這兩間學校，胡亂選一間都令其他仍在大海等消息的家長羨慕不已。人生有很多決定，總沒法子在做決定的一刻百分百十拿九穩的，盡了力問心無愧便算。

Tababe

1.Sjps 暫時地址都係傳 都未肯定 2.英文小學 (我個人偏向英文教學) 升中容易pick up 有好多中文小學升到上中學追得好吃力 3.12年免費 可以投放更多課外資源 4.你個孫可以受惠🤣 當年大仔同今年細仔都有叩門 但連interview嘅機會都冇

叩門都收你 你小朋友真係叻

基實兩間我都鐘意 但SPCPS相對位置偏遠 而且中文教數 要學費

所以各有優點 睇吓你點揀

jbbmom

回覆 vjcarcar 的帖子

我個人喜歡spb多啲，但睇完你嘅分析，覺得st jo比較適合你

vjcarcar

manmonster 發表於 23-7-16 16:40
回覆 vjcarcar 的帖子

你小朋友叩入 SJPS 而 SPCPS 又收，已證明在此階段極有實力，不用擔心學術水平。

好多謝你嘅用心回應。可能呢個係對我哋一家嘅考驗，或者係要我哋想得更透徹。我哋都知道等待嘅痛苦，雖然心痛，但都會盡快決定放位

vjcarcar

Tababe 發表於 23-7-16 20:57
1.Sjps 暫時地址都係傳 都未肯定 2.英文小學 (我個人偏向英文教學) 升中容易pick up 有好多中文小學升到上 ...

好多謝你無私分享你嘅睇法。其實考小學真係一場緣份遊戲，老實講我小朋友並不突出（如一樓所講），如果我哋早個零月收到call waiting，又未必會有今次呢個帖。

PTL_L

manmonster 發表於 23-7-16 16:40
回覆 vjcarcar 的帖子

你小朋友叩入 SJPS 而 SPCPS 又收，已證明在此階段極有實力，不用擔心學術水平。

欣賞「人生有很多決定，總沒法子在做決定的一刻百分百十拿九穩的，盡了力問心無愧便算。」每事都未必能做到通贏局面，總要有取捨！只要揀咗，日後唔會有一絲想法「早知揀⋯⋯啦」就已經足夠，更何況，呢個case已經近乎雙贏局面，即冇得再輸了！