培僑 vs 仁紀

CharlotteCSY

學費唔係考慮因素下，我會揀培僑。有龍揀龍，資源又多。除非對小朋友相當有信心，可以更上一層樓，有信心入到林護，咁就揀紀仁。

AndrewHo_FB

去到仁紀，我相信小朋友花$2000-3000 補習是避免不到，和培僑的學費差不多。而培僑的功課一定沒有那麼 chur, 未必要補習。

兩間的花費差不多。

9284

培僑今年已經翻新好既有蓋泳池超級正, 如果小朋友本身係操水既真係一流, 其實中學部升左上BAND 1B之後, 中一已經開始唔FREE了, 都谷得行架, 因為5班有2班精英班, 家長都肯定爭住入 , 點會唔CHUR, 但小學部都仲係無出面D呈分學校咁大壓力, 一路以來培僑個校本課程都真係幾好, 入面D細路個個2文3語都好OK, 唔談論D英文好唔好, AT LEAST一定唔怕講英文先, 而且好欣賞佢小學/中學部一直都無放棄過每朝早30分鐘既早讀時間, D細路真係要睇書的, 唔係講玩, 當然升到中學, D老師處理班務都唔夠時間, 就有時都會拿左小小時間來處理班務, 你有無入過佢地個圖書館? 大到好似公共圖書館咁, 我係家長都睇到唔捨得走, 又有自修室, 我女都留左唔少腳毛, ANYWAY, 言歸正傳, 好老實, 大果個入到, 細果個真係未必收, 我眼見唔少CASE, 例如: 有個大家姐和二家姐都係培僑讀緊精英班, 有個細妹又想考, 都唔入, 不過就有得SECOND IN, 但最尾, 寫哂求情信, 阿媽親自搵校長傾埋都唔得, 所以真係無寫包單架, 所以如果有細佬妹跟尾, 正常人都會叫你選津校, 但我又覺得如果培僑收得, 証明佢都有一定能力, 又唔好因為有個細既, 而拖累左個大既, 始終呈分對一個家庭黎講真係好大壓力, 我好慶幸我唔洗玩呢個遊戲, 人地個個家長小四小五操緊呈分卷, 讀緊呈分特訓班既時候, 我同我小朋友係去緊旅行玩緊, 與世無爭果種感覺真係好正, 不過, 亦都因為無呈分, 如果想另求更高境界的學校, 你小朋友小六成績一定要好標青先得, 呢個係無呈分既缺點......另外, 高小都會有學生出去補習的, 培僑D中文真係"非一般"咁深, 小學開始已經係, 分分鐘係教高人地1-2級, 所以沙田某大補習社每級都總有at least 一至兩班係FOR培僑的

hakbb

其實無衝突，培僑考左收左先諗

LittlemBB

9284 發表於 23-7-8 11:40
培僑今年已經翻新好既有蓋泳池超級正, 如果小朋友本身係操水既真係一流, 其實中學部升左上BAND 1B之後, 中 ...

沙田邊間？

CharlotteCSY

Deleted

twhkleung

9284 發表於 23-7-8 11:40
培僑今年已經翻新好既有蓋泳池超級正, 如果小朋友本身係操水既真係一流, 其實中學部升左上BAND 1B之後, 中 ...

我重以為讀直資可省回補習費忝

9284

LittlemBB 發表於 23-7-8 22:29
沙田邊間？

沙田第一城X臻