有冇K2,K3轉校建議- 讀緊腐化左既聖三一中心幼稚園, 好失望

CYY123YY

本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個image好好
不過今年轉左個新校長, 本身佢轉黎之前間學校都好細, 仲要上網搵到佢俾之前間學校D老師投訴到飛起.
開學個陣都有D擔心, 點知真係出事。
學校D活動CUT哂不得止, 僅有既活動都加哂價, 仲要時間縮左一大半。

呢間學校本身好多家長都有2-3個小朋友, 有D小朋友都畢哂業讀緊小學喇.
佢地個個都話學校變哂, 以前唔係咁架.
仲有家長話, 個校長同佢個女講, 想唔想住大屋? 要俾心機讀書先可以好似我D朋友咁做醫生, 住半山
細細個就教到佢咁勢利, 同間學校個理念會唔會有出入呀. .
另一單就個小朋友番去同阿爸阿媽講, 校長今日一入課室就話佢坐得衰, 又話佢寫字核突, 叫佢擦哂去再寫.
變左unhappy school喇.
之後安心出行個排, 都目擊過佢同家長係學校門口鬧哂交咁 = w = 都幾無言. .  .

本身揀呢間係因為多元學習, 依家咩都冇哂. .仲要個阿頭仲好似咁冇愛心,  好似唔係好值得留。
請問家長有冇附近有幼稚園推介 驚唔夠時間搞轉校

dennis001

行過幾步路間培道就happy school

KPYH922

我朋友個仔都係讀緊聖三一中心，佢話學校老師換得好密，一個學期換咗3個英文科老師，小朋友學習同適應都明顯出現問題
起初佢以為因為移民潮，到最近學校全部主任都集體辭職，先知新校長咁大問題⋯⋯


而家我都唔敢幫小朋友報呢間所謂 HAPPY school，感覺唔到有幾happy

crayon822

可以考慮聖馬可堂白普理幼稚園
都係聖公會學校，有全日班
校長係前聖三一中心校長，所以兩間學校有好多相似嘅地方
例如一樣有得玩非洲鼓，戶外運動日...本手冊都好相似
聖馬可上上下下都好有愛，疫情後安排好多活動俾小朋友
相反聖三一中心真係零活動... 旅行安排差我都冇參加

Emilycc8

樓主，我好明你呀，我就真係有小朋友已係聖三一畢業，果時每日番學真係好開心架，成間學校校長主任老師或姐姐，都超級有愛心，所以我地D家長都好開心同放心小朋友係聖三一讀書

Emilycc8

但係今年我細仔係聖三一就變哂啦，新校長永遠高高在上咁，之前永遠穿條套裝短裙，從冇抱下攬下D小朋友，一D愛心都冇，我仲親眼見到校長好惡同唔耐煩嘅樣同聲叫個小朋友著番好件嬲，教育唔係應該以愛行先嘅咩？！點解可以用啲咁衰嘅態度對小朋友？？？

Emilycc8

其實我哋家長已經好不滿，220個家長聯署簽名寫左封信去俾香港聖公會，東九龍教區，西九龍教區，聖三一座堂牧師，校監同校董會，但係唔知點解竟然成個聖公會都冇人理過我哋，當件事不了了之，點解可以變到咁？

Emilycc8

我都聽到好多家長話搵緊學校轉校，其實真係好徬徨，而家已經六月尾，其他學校一早就收晒生，真係好徬徨好傷心(emoji)

idy0722

CYY123YY 發表於 23-6-23 15:04
本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個imag ...

月頭聖三一中心call waiting 我地， 我地仲放棄左另一間幼稚園，一心讀聖三一中心
聽到有家長分享完我跌哂眼鏡好擔心呀

idy0722

Emilycc8 發表於 23-6-24 14:14
其實我哋家長已經好不滿，220個家長聯署簽名寫左封信去俾香港聖公會，東九龍教區，西九龍教區，聖三一座堂 ...

請問你地係幾時聯署？ 無有關人士聯絡過你地？

Emilycc8

我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過我哋，直情不了了之(emoji)(emoji)

cherry271

想講校長上任一年已經收聯署信兩封上次係因為親子旅行因為價錢唔合理時間安排失當
最後都冇完全更改安排，完全冇站喺家長立場 特別係N班小朋友太細，令到學校有一半同學都唔參加

idy0722

Emilycc8 發表於 23-6-24 18:09
我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過 ...

睇嚟都晤聆聽家長訴求

idy0722

cherry271 發表於 23-6-24 23:44
想講校長上任一年已經收聯署信兩封上次係因為親子旅行因為價錢唔合理時間安排失當
最後都冇完全更改安排， ...

你小朋友依家讀K幾？

idy0722

Emilycc8 發表於 23-6-24 18:09
我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過 ...

我後悔了，收到call 真係非常開心，放棄左另一間好學校，以為執到個橙，依家睇嚟執到個吉，我打去之前放棄學位間幼稚園R返位個機會應該係0

cherry271

回覆 idy0722 的帖子

其實三一老師們真係好好 有愛心 有耐性 真心希望問題可以解決

Emilycc8

新校長先黎左一年，四個主任就有三個都辭左職，肯定有好多問題發生左，如果唔係D主任做咗10幾年好地地有咩需要一齊辭職？真係好可惜！

Emilycc8

其實有冇人識嗰個新嘅王校長？佢之前做嗰間學校好似係執咗，有冇人知佢以前係唔係一樣都同啲老師主任夾唔嚟？！

pwhr

又唔好咁講, 如果新校長谷得起聖三一, 令到小學同幼稚園部都變成有競爭力嘅真私, 大把家長會吹捧佢, 聖公會都唔會理目前家長呢一點點陣痛, 這是香港的教育玩法, 作為香港家長, 冇理由唔明.....leave it or take it, 決擇唔難

chanti

pwhr 發表於 23-6-26 08:38
又唔好咁講, 如果新校長谷得起聖三一, 令到小學同幼稚園部都變成有競爭力嘅真私, 大把家長會吹捧佢, 聖公會 ...

但聖三一不是私幼喎，唔通想轉做私幼？