宣道 vs 培僑

Sing13

家長－厢情願覺得龍校易讀，話易都啱，因為每日一個鐘頭功課，一年只有兩考冇測。話難亦啱，考試冇話容易喎，中文普通話聆聽只播一次，每題五分，考三四十分唔出奇。至於點解上述學生小二中文都話難，我估計佢家庭是用英文作母語。
培僑是要靈活運用，唔是話教邊課就考邊課。
所謂輕鬆是因為讀書冇太大壓力，唔係話課程容易。
至於IFY係唔係人人有得讀，以前係，而家見到入大學好，變咗僧多粥小。

hlnleung904

Sing13 發表於 23-6-23 19:16
家長－厢情願覺得龍校易讀，話易都啱，因為每日一個鐘頭功課，一年只有兩考冇測。話難亦啱，考試冇話容易喎 ...

S2是小二？應該是中二是嗎？

Sing13

hlnleung904 發表於 23-6-23 19:57
S2是小二？應該是中二是嗎？

哦，是指中二既話，其實人各有志，早去就早拿外國籍，是走是留都正常。

PTL_L

Sing13 發表於 23-6-23 20:14
哦，是指中二既話，其實人各有志，早去就早拿外國籍，是走是留都正常。
...

無端端講國籍事，真搞笑，人地重點「中文搞唔掂，IFY又應該冇份，無奈下，惟有出國讀，因睇唔到升大學前景」非英文母語家庭。

Sing13

PTL_L 發表於 23-6-23 20:16
無端端講國籍事，真搞笑，人地重點「中文搞唔掂，IFY又應該冇份，無奈下，惟有出國讀，因睇唔到升大學前景 ...

培僑從小學開始已經著重中文，跟住話中文搞唔掂，學校已經提供IFY條路，基本可入世界前100大學，考四科又唔使中文，IFY已經開兩個班，又話驚入唔到IFY。如果只是中文差，其他科叻，仲有Alevel條路，就算唔考高考學校都可以推薦到去大學，學校仲可以幫到邊？

PTL_L

Sing13 發表於 23-6-23 20:37
培僑從小學開始已經著重中文，跟住話中文搞唔掂，學校已經提供IFY條路，基本可入世界前100大學，考四科又 ...

其實呢個世界好大嘅，有好多情況係大家唔知，唔可以你認為係咁就一定係咁，如果唔係你想所見所諗，就搵其他原因籍口嚟堆砌，相信每個家庭有自己唔同嘅考量！

Sing13

「其實呢個世界好大嘅，有好多情況係大家唔知，相信每個家庭有自己唔同嘅考量！」所以我前文話是走是留都正常。
相反，如果真是咁既情況，香港有邊間中學可以幫到佢入大學。

nhtnth

2間都是好學校！睇下邊間適合小朋友性格+家庭配合度…
經歷完考小…唔係一條龍的我都放晒了..
你考慮得宣小  即係考小時小朋友都配合度高..亦唔擔心自律性..
既然都有信心 就唔好令自己後悔 再考返心水學校

smallyanchan

回覆 nhtnth 的帖子

宣道收得你小朋友，小朋友都唔差，話唔定六年後小朋友更上一層樓，入到更理想中學。

tummypooh

1. 你自己/小朋友對兩間學校有冇喜惡
    呢個好易，如果心人面好抗拒某間，唔使諗了
2. 你有冇精力去鬥六年
    呢個其實好重要，你有龍校，基本你達到條底線就直升了，你出去冇中學部的，三四年後分精英班，五年後呈分，你如果肯定你小朋友係頂尖，可以係宣道個中學派位第一梯隊，咪留囉。同埋你好似都諗住會跳船，其實跳船真係唔易，因為你只會跳去更好，而更好的學校大把人爭

3. 教學模式，睇下邊間啱你小朋友或日後需要多啲。

nhtnth

smallyanchan 發表於 23-6-24 09:24
回覆 nhtnth 的帖子

宣道收得你小朋友，小朋友都唔差，話唔定六年後小朋友更上一層樓，入到更理想中學。 ...

自知小朋友唔係學霸型 倒不如俾多d空間佢從唔同教學模式/活動體驗學習:D

玩少次呈分… 家庭都和諧d… 小學我覺得主要係要打好語文底…解難..合作等等softskills….學術中學再都好易追

簡單啲來講

講來講去都系圍繞升中派位，升大學比率。都可以瞭解下，呢兩間學校係咩風格學校。是否關愛，自由，同學間關係如何，呢點才係適不適合關鍵。

猴子爸

hlnleung904 發表於 23-6-22 19:21
現在煩緊呢兩間應該選邊間，培僑是否入得去出唔翻黎，宣道學術高絕無需質疑，而培僑學術在小學又是否不高， ...

真人真事：朋友兒子升小一時有同樣苦惱，最後揀APS.
6年以來，成績中下，有打排球，玩樂團。小五、小六，成績仍然中下，冇top直資offer, 自行又唔得。6年中，大人小朋友都有覺得心酸疲累時，心諗係咪當初揀錯咗，但小朋友基本上都鍾意返學。
最後，升中派咗入B1B津校，自己叩門入港島名男校，最後更收到叩門top 3男校offer, 我哋相信應該係排球+樂團幫咗佢。依家喺嗰間男校都讀得開心。
呢個case, 我都唔識講，究竟最初揀邊間先係啱，始終各人有自己嘅際遇啦。

小小金

讀培僑唔會走唔到，知道有人插走。但要走並唔係靠學校進度，學校(小一)無教快，我會覺得係淺添，要外闖就要屋企自己努力進補。

先問問自己滿唔滿意小朋友喺培僑讀中學？小朋友谷唔谷得？如果滿意培僑書院，而又會擔心小朋友讀宣道會谷唔嚟，揀龍係穩陣。讀落發覺可以更上一層樓，咪靠自己能力走囉。

但如果而家已經睇到小朋友谷得，我估讀培僑你會嫌讀得太淺太輕鬆，中學又唔係名校而唔甘心。

(上年有同樣選擇，最後揀培僑，因為小朋友唔谷得）

Sing13

小小金 發表於 23-6-26 14:59
讀培僑唔會走唔到，知道有人插走。但要走並唔係靠學校進度，學校(小一)無教快，我會覺得係淺添，要外闖就要 ...

其实你既小朋友都叫做谷過先有依兩間offer。
以低年班嚟講，其實兩間學校都唔谷。
我是比較喜歡輕鬆既學校，咁樣先可以有時間睇書，學樂器，玩運動。
成個小學教學大綱都唔深，（中文及數學都淺過內地），有咩好操？操中文不如睇下金庸，操數學不如直接去參加奧數。

brandy5star

Deleted

小小金

Sing13 發表於 23-6-26 15:58
其实你既小朋友都叫做谷過先有依兩間offer。
以低年班嚟講，其實兩間學校都唔谷。
我是比較喜歡輕鬆既學校 ...

咁事實，我小朋友係可以參加好多課外活動，功課大部份自己搞掂，考試唔洗閉關咁，可以繼續去玩。

都係睇家長想要咩去揀

hlnleung904

小小金 發表於 23-6-26 19:06
咁事實，我小朋友係可以參加好多課外活動，功課大部份自己搞掂，考試唔洗閉關咁，可以繼續去玩。

都係睇 ...

既然是那麼的輕鬆亦唔深，到底小朋友上到中學是否難跟上要追成績？

小小金

hlnleung904 發表於 23-6-26 20:00
既然是那麼的輕鬆亦唔深，到底小朋友上到中學是否難跟上要追成績？

咁我小朋友未讀中學，未親身感受到。朋友係中學用家，佢俾我嘅意見係「放心享受校園生活」

Sing13

hlnleung904 發表於 23-6-26 20:00
既然是那麼的輕鬆亦唔深，到底小朋友上到中學是否難跟上要追成績？

其實深同唔深是睇小朋友，培僑小一小二是要用英文寫幾句讀書報告，做project是創作一個節日，畫張海報，用英文描述幾句，又或者跟格式作首英詩，三年級又會續寫西遊記。有能力既小朋友有發揮既空間。玩多兩次小朋友培養自主能力，自己搞掂。
學生既知識唔是只靠課本，是靠自己多睇書，自己去搵。
上到中學，除中英數音體外，多左好多科目，中史，西史，科學，地理，電腦，有啲學校仲有普通話，英中各科成本英文教材，每課唔少生字，要求學生唔是死記硬背，理解之余仲要識得評論。如果學生能夠一目十行，当中知識點曾經睇書睇過，寫開作文既自然更快掌握。相反操卷只是強化小學既知識點將來邊個容易銜接？（唔是指宣道，宣道既課程都是容易與中學銜接）
亦因此俾人感覺直龍學生小學同中學都唔太谷。
其實培僑教學理念都唔是咩新嘢，外國小學亦是愉快教育及重視閱讀，外國小學教育是操睇書，華人是操卷。