學覇的個性

流浪地球

BB-Tiger 發表於 23-8-26 01:08
咁中學點算？讀私校？IS?

中學就按小學情況發展，冇固定答案。大前提係按小朋友嘅意願。－

加樂爹

流浪地球 發表於 23-8-25 17:42
主要靠家人，我感受好深刻。如果可以返回小學階段，我會放任我小朋友，讓𠈄做自己喜歡做嘅事，自由 ...

你好似有感觸, 覺得孩子現在情況可以再好D, 所以先才要返回小學階段, 重新一次, 是嗎?
可否分享之前怎樣沒樣孩子隨心所欲? 現下情況怎樣? 你理想又怎樣? 如何隨心所欲可以達至理想?

可能比 Happy School  (主張有Guideline 的活動教學, 啟發學習, 避開太多背誦, 及對考核的重要性) 行得更開放, 可以隨心所欲,  有另一番道理.

流浪地球

加樂爹 發表於 23-8-26 11:08
你好似有感觸, 覺得孩子現在情況可以再好D, 所以先才要返回小學階段, 重新一次, 是嗎?
可否分享之前怎樣沒 ...

我感觸係因為過去已成往事，無法重來。如果能回到小學階段，我會教導孩子如何快快樂生活，告訴孩子宇宙譲你到來，不是要你去工作，去解決問題，去改變呢個世界。讀書不是你人生嘅全部。宇宙早已經替你安排好一切你所需⋯⋯⋯⋯。
現下孩子情況我見是身體健康，吃喝玩樂不缺，學業又中規中舉。
我能夠做到隨心所欲，可以話係心想事成，所以無必要有理想。

學校並不是育人的地方，只不過係教導知識嘅場所。

加樂爹

流浪地球 發表於 23-8-26 12:58
我感觸係因為過去已成往事，無法重來。如果能回到小學階段，我會教導孩子如何快快樂生活，告訴孩子宇宙譲你 ...

都很好, 甚或外表一切無變化, 但係內心可以好唔同.呢個可以係人生住後數十年既調子, 由小學要培養好.

你說得對, 家長要令小朋友明白自己, 懂得去追尋自已, 能夠自我滿足, 係一個大迴環; 家長要怎樣引導, 要給他什麼的價值, 怎樣去理解事情, 呢D都係應該由小學時期由家長去溝通和實踐.

mcl233

學霸，竟然冇乜人會講到基本嘅要求，就係上堂專注聽書。課堂教乜都唔知，莫非靠課餘補習或操卷咩～

上堂唔使專注但又成績超班，溫書都唔使，果啲叫做學神，根本唔使討論～

天外之人

加樂爹 發表於 23-6-10 11:54
我有興趣想知， 學霸暑假會付做什麼？

主要輕鬆去玩,適量時間睇下書

天外之人

Marina227 發表於 23-6-13 10:34
我覺得學霸係不停追求新知識，狂睇書，而且非常自律，應該會係咁

唔一定狂睇書,容易成為書呆子.

天外之人

BB-Tiger 發表於 23-8-26 01:08
咁中學點算？讀私校？IS?

若果係真學霸,中學冇咩大問題,話之理係私校IS津校

天外之人

回覆 mcl233 的帖子

你講得係冇錯，所以真學霸係有充足睡眠，自然就唔會出現你所講唔專注聽書。課堂教乜都唔知，更唔需要靠課餘補習或操卷，且真係有一個真真正正既愉快童年～

天外之人

penguinding 發表於 23-6-12 19:54
小學低年級唔駛催谷唔係正常？啲野咁淺

呢樣野好多人有唔同睇法,所以如我所講,入讀邊間小學都一樣. 之但係有好多人睇到去好長遠到入大學,要入那些出名小學先保証到,雖然最終係入到,但普普通通得到一張大學畢業證書.唔能夠將學識用到更高層次,所以香港政府要找其他地方既人才.

天外之人

snakesnake2013 發表於 23-6-12 08:43
我見過既學霸係自律，仲要好勝.

佢自律，所以唔會比佢自偷懶.

這一種好容易慢慢做成心理精神上出問題,長期發展對心理壞處多於好處.

天外之人

cafeva 發表於 23-6-11 10:27
有無高中生學霸分享

部份家長都有提及,"玩"係成為真學霸最主要因素,其次就係充足睡眠,隔天精神亦亦返校細心聽書,有心學習唔需要用逼.

lot888

有幸曾接觸兩個唔同年齡學霸，一個中學同學，一個親戚孩子。他們都有共通點，係非大家想像中勤力。你打波時，佢打波，你唔打波時，佢都係打波，到你讀書時，佢一樣打波，但成績一樣領放。我結論係**心理質數**決定一切，你考试能發揮八，九成已不錯，學霸分分鐘有110%能力輸出，平時未必識嘅，考试時都會識。到你問佢點解會識，佢答你在那裏學過，明明一齊上堂，佢講嘅我都識，點解佢可以用老師教嘅基本，推論及應用到高深問題上，再用簡單方法解答。同時這兩位學霸都不太喜歡群体活動，但绝不自私，你問佢嘢，佢會答，更願意張佢份筆記同大家分享，吾一個特點係佢地鬥心出其地低，不太在意對手嘅強弱，不重視競爭，隨心而行。

hkcsty

lot888 發表於 23-8-30 14:21
有幸曾接觸兩個唔同年齡學霸，一個中學同學，一個親戚孩子。他們都有共通點，係非大家想像中勤力。你打波時 ...

即係吸收力強，舉一反三

lot888

最重要係心理質素。當其他人緊張，壓力下失分，學霸住住能處之泰然，舉重若輕，輕鬆跑出。这方面我或我小朋友難於做到，所以早早接受自己係平凡人，當個平凡人也不錯。

hkcsty

回覆 lot888 的帖子

之前已經有人提過學覇專心上堂已經ko 其他人死讀爛讀

marrowcherry

其實學霸係咪都係資優生多？

寶力加

marrowcherry 發表於 23-8-31 07:56
其實學霸係咪都係資優生多？

小學唔敢講，但中學其實應該係IQ高，理解能力強，我有個中學同學會考7個A,都係日玩夜玩，到中六七走堂搞學生會野，A-level都考四條A,所以都唔關上堂專唔專心，但我知佢考試前個星期就溫通頂，play hard, work hard

天外之人

寶力加 發表於 23-8-31 08:55
小學唔敢講，但中學其實應該係IQ高，理解能力強，我有個中學同學會考7個A,都係日玩夜玩，到中六七走堂搞學 ...

睇到好多回應都係一樣,更印証學習路途上,"玩"係佔有一定因素.

高0媽媽

小學睇專注力 勤力
中學睇智商 專注力
到了中學尤其理科智商一般，只靠勤力好難成為學霸。