請問直資，私小和津小的分別

danniew

請問直資、私小、津小在教學上是否有很大分別呢？

24-25升小直私申請日期
https://www.getsetparents.com/post/24-25-%E5%8D%87%E5%B0%8F%E7%9B%B4%E7%A7%81%E7%94%B3%E8%AB%8B%E6%97%A5%E6%9C%9F%EF%BC%88%E4%B8%8D%E6%96%B7%E6%9B%B4%E6%96%B0%EF%BC%89⋯⋯

fwstides

呢度問，答案會一面倒…

Charlotte_mom

我嘅答案：資助模式分別
正如官校津校都有分熱唔熱門，直資私校一樣各有教學方式，成效，賣點。沒有最好只有最適合
不過有龍中嘅直私，的確可減低升中壓力（有幾龍，就要努力做吓功課了）

PTL_L

danniew 發表於 23-5-30 18:42
請問直資、私小、津小在教學上是否有很大分別呢？

24-25升小直私申請日期

你問嘅範圍好闊，直私津都有分神、名、一二線，好難一概而論，就我自己小朋友嚟講，讀過一線津、名津、名私，如果呢4間比較課程會：
男名津課程內容係咁多間最深，但學生係咁多間入面最叻最卧虎藏龍，相對地要突圍而出係比較吃力嘅事，亦好難做到，仲要有特異需為校爭光，老師關愛最差。

女名津（中文小學果間）好低調務實，課程適宜，由其中文課程，非常欣賞。

英私小課程深度係男名津同女名津之間，勝在學生差異少，課程可以順利教授，關愛學生係咁多間最好，升中成績亦非常好，始終要交學費，係唔同啲！

地區一線津學生差異最大，叻嘅可以好叻，差嘅可以好差，操行都係，所以課程內容係較淺，因為要令所有小朋友都掌握到，變相叻嘅小朋友上堂無咩挑戰性，有啲悶，仲會容易學到一啲行為問題。

以上只是個人經驗！

lflxl

好同意樓上家長嘅總結。
最大分別係學生類型。就算名校與名校間都有唔同嘅氣質。津校嘅模式填鴨啲，學生程度太參差，要拉高下限，唯有做多啲基礎嘢。

直資私校課程編排相對自主啲，對學生能力及家庭支援要求高。

所謂嘅好大分別都係因應生源而調節，其實冇話最優勝只有最適合。例如我小朋友坐得定專注力高，我係傾向選擇傳統教學模式嘅學校。

有啲家長鍾意關愛度高功課壓力少嘅學校，亦有鍾意活動教學模式，各適其適因材施教。

評論「教學上嘅分別」範圍實在太大，不如家長先思考一下想要咩類型嘅學校，其實香港辦學團體已經算多元化，每一類都有唔同嘅津直私選擇。

AndrewHo_FB

通常要付學费的直資, 私立等都有自己的賣點 (selling points), 如語境, 音樂, 海外課程, 接龍 等等. 如果只是標榜成绩, 那麼就很難和老牌而又免费津貼競爭。

Snoopy_mama

回覆 PTL_L 的帖子

請問是指邊間女校呢?


女名津（中文小學果間）好低調，課程適宜，由其中文課程，非常欣賞。

leekungtse

回覆 PTL_L 的帖子

我都有同樣的選擇困難
而家係地區1線中小, 同私校英小(龍)的決定,仲有間私小冇龍(不過成績好)~

我好想知私校係咪真係老師關愛D, 同學仔質素都係咁上下水平?

alien_ho

leekungtse 發表於 23-6-1 14:08
回覆 PTL_L 的帖子

我都有同樣的選擇困難

都好睇學校氣氛同埋重邊樣野

有d 可能重業績，有咩事都交返個波比家長，叫你返去自己跟

PTL_L

leekungtse 發表於 23-6-1 14:08
回覆 PTL_L 的帖子

我都有同樣的選擇困難

就自己觀察私校「係」關愛啲，同學間能力距離較近，當然都會有漏網之魚，始終見一見，未必能夠睇到詳細，讀落先知，亦因為私小起學界中競爭唔細，又要balance 到開支，總會收到部份稍弱嘅學生，但同津唔同係，呢班私小家長大多會不計成本咁support 小朋友，對教育嘅要求會稍高，所以容易將距離拉近。
地區津小如前言，因要就大部分學生嘅進度，課程內容會較淺，亦由於淺，同學容易高分及滿足，一上到band 1中學就會見到同私小同樣升中嘅距離，當然，叻嘅小朋友係會追番距離，但就開頭會比英小嘅吃力囉，亦有部分追唔到，長期墊底。另一方面，地區津小家長對教育敏銳度係較弱，佢哋一般要去到4/5/6年級，分數真係愈來愈低時，先搵幫手，又或者可能有啲係唔介意成績啩。

不過最後都要講句，因人而異，試過同一個老師，我同我小朋友對佢評價好高，佢同學及媽媽就數到不得了。

Lightwriter

leekungtse 發表於 23-6-1 14:08
回覆 PTL_L 的帖子

我都有同樣的選擇困難

好難講ga wo, 最好入去家長group 入面了解下。

不過整體而言，津校抽獎入就咩人都有，直私filter 過又見晒家長，所以直私差異細d係正路。咁老師唔使花太多時間搞秩序，專心d教書對小朋友都好。

所以如果錢唔係問題，我會揀直私，同學質素（學習環境）都無咁擔心

leekungtse

Lightwriter 發表於 23-6-1 14:31
本帖最後由 Lightwriter 於 23-6-1 14:34 編輯

好難講ga wo, 最好入去家長group 入面了解下。

多謝意見

PTL_L

alien_ho 發表於 23-6-1 14:16
都好睇學校氣氛同埋重邊樣野

有d 可能重業績，有咩事都交返個波比家長，叫你返去自己跟

咁呢樣基本上直私津嘅老師都一樣，個波掉返俾家長，冇分別的！

Lightwriter

PTL_L 發表於 23-6-1 17:32
咁呢樣基本上直私津嘅老師都一樣，個波掉返俾家長，冇分別的！

其實家長要跟，讀國際學校都照跟，唔跟，咩學校都可以hae讀。

Poyau

leekungtse 發表於 23-6-1 14:08
回覆 PTL_L 的帖子

我都有同樣的選擇困難

視乎那間津小/龍小/私小

danniew

我居住的區附近無直資，聽有些朋友說直資的質素好些，但又擔心不知怎樣帶小朋友返學，會否花太多時間在交通上。

danniew

https://www.sundaykiss.com/%E4%B8%AD%E5%B0%8F%E5%AD%B8/%E7%9B%B4%E8%B3%87%E7%A7%81%E7%AB%8B%E5%B0%8F%E5%AD%B8-ib%E5%B0%8F%E5%AD%B8-%E5%AD%B8%E8%B2%BB-sk02-510717/全港79間直資私立小學報名及學費

Sing13

danniew 發表於 23-6-4 21:54
我居住的區附近無直資，聽有些朋友說直資的質素好些，但又擔心不知怎樣帶小朋友返學，會否花太多時間在交通 ...

讀得直私，預左要坐校車，有offer再慢慢考慮吧。