自閉症譜系小朋友移民英國支援

Zuzububu

小朋友而家3歲8月，2歲8個月確診自閉症譜系，而家讀緊K1，有到校服務，排緊S位，應該出年有得讀S位。

而家plan 緊移民英國，出年9月夠年齡讀嗰邊reception 班，但過到去嗰邊一般係讀主流公校小學，校內應該有提供Sen 服務，但唔知係點樣。

而家諗緊，今年過去讀Reception 班，還是等佢在香港讀完K3做完評估可以讀返主流小學先至過去。但係如果今年唔過去，之後去英國就會插班生，錯過咗四歲的大排位時間，比較難找到心儀嘅小學。

睇吓大家有咩指教，謝謝(emoji)(emoji)(emoji)(emoji)

Y123

一切以小朋友為先，可以過去，就盡早去

Zuzububu

Y123 發表於 23-5-29 12:47
一切以小朋友為先，可以過去，就盡早去

吾用意思，吾係好明，以小朋友為先吾係應該俾佢在香港完成學前訓練先嗎？謝謝

sonokosy

回覆 Zuzububu 的帖子

恕我直言，如小朋友有自閉譜系都仍然想讓佢進入英國心儀學校，其實會唔會期望過高呢？我不清楚樓主小朋友的自閉傾向情況如何(假如只是asperger就當然沒問題)，但我真心認為自閉傾向的孩子的成長路會比智力差的孩子更不容易。他們外表正常，但社交能力卻很差，不認識他們會難以理解他們的行為情緒。我個人會認為找一家包容度高，按孩子程度和狀況而選學校會比較好。

funghon

其實不如直接d講，排得S位，未來好大機會都係繼續讀特殊學校。你要諗清楚最壞打算你會點做。

hilary_tang

Zuzububu 發表於 23-5-27 02:19
小朋友而家3歲8月，2歲8個月確診自閉症譜系，而家讀緊K1，有到校服務，排緊S位，應該出年有得讀S位。

而家 ...

要睇邊個 borough, 有啲需要做晒評估有份 EHCP 先可以有support 同治療，同埋未必係每個星期上。大家都知NHS 排期做評估可能要等好耐，其他特殊小朋友入reception之前已經做咗評估。好似樓上咁講，你小朋友排得S位，需要嘅support都應該唔少。

小黃豆B

恕我直言，六歲前係治療黃金期，應該有一個相對安穩固定嘅環境去盡力幫助小朋友，你哋移民去英國大人生活和情緒都未必適應到，更可況係一個需要行為治療嘅小朋友？
我兒子小時候是讀S位，明白要讀S位是什麼程度，想要有機會回主流學校真的要花很多時間精力，而且就算能回主流學校，之後亦有很多問題需要很多支援，假如你們堅持要移民，說實話，對孩子情況真的非常不樂觀。