心路歷程

天外之人

https://youtu.be/jRsvywilqVc
雖然不知是真是假,但都是學生自我講解心路歷程,
真係要小朋友將來社交圈子好,小學絕不適合單性學校.玩耍正常不分男女,這階段隨時做成中學青春期思想改變.真係選擇單性學校,家庭溝通及陪伴更加重要,唔係隨便有些錢放底或有工人照顧,間中聚下就算. 選校的家長慎重.

honeybibibibi

謝謝分享。我好心用睇曬。

gracelam

天外之人 發表於 23-5-16 14:34
https://youtu.be/jRsvywilqVc
雖然不知是真是假,但都是學生自我講解生路歷程,
真係要小朋友將來社交圈子好 ...

响ek好多家長主張齋校 ，不過自小家長陪伴同引導孩子係不可或缺。

Azzurro

感謝分享第一身說法

呢個頻道都幾多奇案。。。

TAIOU4

帶風向式女同訪問
最大問題係佢屋企人不斷逃避冇引導佢
正宗細個自己唔教大個畀人教

天外之人

gracelam 發表於 23-5-16 15:50
响ek好多家長主張齋校 ，不過自小家長陪伴同引導孩子係不可或缺。

學習方面我也主張齋校,所以中學階段比較合適. 玩耍是小孩子天性,應不分男女一起玩,幼稚園以致小學,這階段係最合適,所以不應單性學校為好. 且成長中自會慢慢學習,家長怕將來社交及性的問題,這方面真的在於家長既陪伴同引導,加上家庭環境給予孩子感受.對將來入了大學及出來社會的社交圈子自會有佢自己想法.
-
影片中的孩子,我相信家長都係對孩子好,衹是感覺真正陪伴孩子成長肯定好少.

天外之人

TAIOU4 發表於 23-5-16 17:18
帶風向式女同訪問
最大問題係佢屋企人不斷逃避冇引導佢
正宗細個自己唔教大個畀人教 ...

有文化同冇文化都一樣,所以點解講家庭教育很重要,入到名校都未必一定係好事.

mandy_ng207

天外之人 發表於 23-5-17 12:21
學習方面我也主張齋校,所以中學階段比較合適. 玩耍是小孩子天性,應不分男女一起玩,幼稚園以致小學,這階段係 ...

小學階段男女多數分開玩，反而中學才多交流，或者拍拖。性教育幾時都要做，但無人天生識做父母，總有行錯路的時候。

fupigpig

我一個讀齋校，一個讀男女校，喺學校真係極少機會玩，反而見唔少係男嘅厭女仔煩，女嘅厭男仔咁嘈，都8、9成時間係坐喺度聽書，冇乜機會溝通。我比較兩個仔女小學階段，我覺得齋校可以更集中管教男/女嘅方式。
我仔女校內校外有唔少課外活動，喺呢part係輕鬆氣氛下就容易兩個性別有傾有講一齊玩。
有得揀，我都偏向覺得香港讀書喺齋校比較適合。

天外之人

回覆 mandy_ng207 的帖子

點樣做到好父母,各人的準則及要求都不同,但大部份都知道對與錯,孩子成長中的家庭教育,不是幾句說話就可以令小朋友明白,所以我才提及過"生養教陪"四字,現今父母最難做就係最後那個"陪"(片中主角父母我估應該就是這樣),亦都係好多小朋友成長中最想要既野,最容易令小朋友將來行差踏錯原因之一.
-
兩小無猜的玩耍先係最真,正常小學係不應分開玩,更不會咁容易受成年人那種情情愛愛心態去一起玩. 中學多交流以上所講既野隨時有不好變化,更隨時影響學習.特別某些家長講咩科女學生優勢,咩科男學生優勢等等......好像定好晒孩子能力,不是正確教育觀念.

fupigpig

天外之人 發表於 23-5-17 12:21
學習方面我也主張齋校,所以中學階段比較合適. 玩耍是小孩子天性,應不分男女一起玩,幼稚園以致小學,這階段係 ...

「玩耍是小孩子天性,應不分男女一起玩」
咁真係要計吓小學生由8:00am到放學3:00pm實際有幾多分鐘可以玩！
喺某d學校嘅小息更定下規矩多多！甚至將小息時間偷d嚟用，臨落堂至寫手冊，阿邊個要做番個好corr等等等等⋯

如果你都認同「學習方面我也主張齋校」咁可能真係可以套用到喺香港好多間小學。我亦因為咁而情願揀齋校，喺課外活動就揀男女一齊玩得開心得多。

天外之人

回覆 fupigpig 的帖子

教育本身係要令小朋友學到應有既野,吸收多少睇孩子做化,現今唔講世界其他地方,香港教育升學路上,真係令好多小朋友少了應有既童真,令部份家長費煞思量刻意去步處升學路,從而做成對學習有厭惡心態,自然學習上方面都得過且過.
-
玩,都一樣可以學習,玩耍中學習最容易令孩子上心,這方面最能體現就係幼稚園及小學階段,提及課外活動更體現出男女一起玩那種自然,中學就很難這樣子,一不小心又走向情情愛愛關係,出現這問題肯定對學習有所影響. 當學習上有心了自然學得好,學得好自然基礎會穩定,步向中學更容易得心應手,唔需要靠"谷"呢種方式去學習,這些就是走向專業人才步伐.
-
齋校有好一定也有不好,在男女一起社交方面就會差些,所以更要分開什麼時間合適,什麼時間不合適,當然讀什麼學校,最主要父母對孩子既家庭教育最重要,這方面攪得好,齋校一樣冇問題. 就好像最近女兒叫我一起睇那套韓國節目"boys planet",更知道佢讀齋校的性方向都冇問題,且這節目從中又可教育到孩子,這個節目更體現比家長睇,孩子學習過程中,不用太刻意理會分數,做好自己喜歡既野享受學習及表演既過程,自己有努力一定有回報及認可,多個考核都不是第一名,最後都一樣可以得到第一名,那位中國男孩子章昊,身在異地做好自己,做到一個好好樣辦比人睇.

天外之人

回覆 fupigpig 的帖子

所以才講香港教育制度係有好多不完善,點解有人不喜歡填鴨式教育. 8:00到15:00既課堂學習,小息的確又不長,體育堂又不是天天有,所以中文英文數學甚至好多科目,都一樣可以輕鬆方式學,這就在於老師點教能力,所以點解講統一書本(硬件)未必唔好,老師(軟件)先係最重要.什樣可以改得令孩子學習更好,對孩子對社會都係好事,  

-
我認同「學習方面我主張齋校」係分階段.