仔中三前路（大家睇吓我分析得，對嗎？）

小肥鴨

背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學接近合格。其他學科。學校唔建議留班，對仔幫助不大 ，唔喜歡文科。
喜歡打機上網，考試先溫書，仔承認自己懶惰

我既分析：
1）轉校讀中四（咁懶讀上去，dse都唔會考得好）
2）去外國讀，係香港都咁懶，去外國即係倒錢入咸水海
3）直接出黎做野，讀醫護助理，由低做起，等佢自己發覺能力不夠，重新再讀書

gracelam

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

數學接近合格想讀理科最多讀到chem 同bio, 如果英文好建議加多科history或Geo.

平均分唔合格，轉校應該只轉到b2b或以下中學！你哋接唔接受到？

同佢講想原校讀理科要平均分靚仔先揀到想讀科目， 叫佢發憤努力吓！

小肥鴨

佢討厭geog, 本身想揀chem, bio,唔介意轉低grade 學校，不過問過b3學校都要平均分合格才有機會面試(emoji)

小肥鴨

仔成日講佢唔係唔鐘意讀書，係懶。我儘量將自己要求降到最低，讀到中六，唔讀大學都算。
但佢情況可能連高中都讀不上

twhkleung

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

如果係咁懶,点解英文会咁好？可以从理方面去冧下点鼓勵佢努力

小肥鴨

因為佢鐘意睇Harry Porter 小說，鐘意睇外語頻道。同埋佢既課外活動都係與外國教練溝通多。
懶都係由zoom課開始，之後一直懶。之前鬧都鬧過，罰又罰過，鼓勵獎勵都試過。佢極度自我，有自己一套

oooray

比得起$試下2博一博。
1,3已經可以預見到你唔會滿意嘅結果;2可能繼續沉淪落去,又可能換個環境大翻身?

girl2016

如果比到啲錢. 而個仔想讀書（只係唔鐘意讀某啲科） 就比間alevel 國際學校佢讀。
因為佢英文好，chem bio 加多科就夠用。 考大學結果可以好好。

但如果根本就係唔想讀書嗰啲人，就無謂嘥錢，搵門手藝。

girl2016

係香港嘅國際學校平過去外國，同埋家長仍可以(emoji)住佢

964000

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

轉去國際，佢明顯比較喜歡外國文化，講求尊重小比較，可以揀到自己喜歡讀的科目，起碼可以在身邊睇住，就算最後讀唔成書英文好都有着數，而且平過出國起碼一半

小肥鴨

我真係冇諗過轉去國際學校，咁大過先轉，仲有位？

小肥鴨

如果向國際學校發展, 會考咩試?讀大學途徑?我可以向邊度了解, 謝謝

gracelam

小肥鴨 發表於 23-5-18 16:26
如果向國際學校發展, 會考咩試?讀大學途徑?我可以向邊度了解, 謝謝

國際學校係考IB用嚟入大學，考香港大學經non Jupas, 當然亦同時可以報其他海外大學，但高中先嚟轉， 形式完全同香港DSE學制係兩回事！

高中無論IB，IAL定DSE入大學， 都係要高度自律， 勤力操卷（IAL及DSE), 懶！讀咩學制都難成事！

girl2016

國際學校內有唔少科，除左傳統果啲phy chem bion中西史.
有啲如 film multimedia   drama 但當然要睇你仔真心鐘意嘅科。  另ib 係難的，起碼讀六科（兩個語言 數）
如果你仔鐘意嘅科數少. AL 讀三科 加另外考英文都夠入大學。

最緊要同你仔傾真，係有心想讀但啲科唔夾定 唔想再讀落去

洋蔥頭媽咪

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

差唔多完中三應該大約15歲左右， 其實都唔細好應該諗諗自己嘅將來，讀書懶散淨係掛住打機， 就算英文好都冇可能一科走天涯啦，一分耕耘一分收穫， 無論幾叻面對公開試都一樣要努力， 冇可能靠小聰明去考囉。而家啲細路實在太幸福，咩都旨意父母， 如果懶散冇心向學， 就算送佢出國， 唔懂得珍惜的話都等同倒錢落海，隨時畢唔到業。

樓主建議你認真哋同兒子傾下，自己嘅前途自己負責，咁大個仔都冇得迫，先苦後甜定先甜後苦，佢自己揀啦。

christy2011

回覆 小肥鴨 的帖子

可以考慮啟思

LeeCC

英文好，可以考慮vtc的Vocational Baccalaureate,裡面可能有他有興趣的program

洋蔥頭媽咪

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

如果你唔介意聽 我就講多少少，作為父母當然希望引領孩子行條光明大道，但佢哋唔係BB，父母沒可能拖住佢去行，條路要點行始終都要靠佢自己。

我大仔當年情況同你兒有少少相似，中三果年我仔沉迷打機/上網，佢讀B1初中響精英班，但自從沉迷打機/上網後成績開始下跌(不過大部份科都合格)，到中四果年須然成績尚可(英文/數學成績一向唔錯)，但最大問題係佢欠交功課，由於欠交太多學校最終連成績表都唔發比佢。
我好少鬧仔不過會同佢分析問題，鼓勵佢. 引導佢自己諗清楚究竟自己條路想點行，令佢明白讀好書都係為佢自己，有能力先有得揀，我仔最終DSE成績英文有星，但中文唔合格上唔到大學，我就同佢講如果有心想讀上去就比多次機會自己，但機會衹得一次，如果上唔到大學就出去工作，結果我仔好努力，由HD上番8大，已經大學畢業今年讀緊碩士。

我想講嘅係如果能力唔夠，父母都仲可以幫，但如果態度懶散，根本無心向上似住小聰明，唔肯面對現實去努力，能夠幫倒佢嘅其實好有限，一分耕耘一分收獲，先苦後甜定先甜後苦就睇佢如何選擇啦 !
加油  

KATHY3706

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

借問樓主 最終 原校升中四
定轉校？
另外 選了 邊3個x

stillgood20

小肥鴨 發表於 23-5-15 15:00
背景：
仔中三，讀將軍澳B1,平均分只有45分，喜歡理科，英文補習老師以佢現時成績，考dse有5*。中文，數學 ...

最大問題,在數學．建議,找一d好的補習．

你一科一科去睇佢問題所在．

男仔,懶惰．
有時是籍口．
要理解清楚佢問題．

唔係蠢．就有方法．