大學生活

kittttty

想請問有經驗嘅家長, 第一年嘅大學生活會係點架? 例如: 係咪會冇exeat, 得返聖誕節, 復活節同暑期呢幾個大假? 大學宿舍可唔可以自行添置小型雪櫃, 電磁爐之類嘅小型電器? 又可唔可以有時入下佢宿舍架? 係咪同寄宿中學好大分別架呢?  唔好意思, 第一年唔太清楚, 可能對好多家長嚟講唔係問題...都想知道下.... 心中有個底.......

SIYip

係好大分別，自由度好高。放假可以留喺宿舍，亦唔會有exeat。有d 宿舍講明家人/朋友可以住一、兩日，但基本上唔係好管佢地。如果唔係shared bedroom，放咩家電其實無咩人管。

小曳人

其實，會唔會唔同大學、唔同宿舍，會有唔同policy??

長假~我可以答到你，大學website有寫exeat~ 我見過有宿舍收費項目有提，簡單d講，如果長期全包就貴d，長期空返間房就平d

beastiebistro

kittttty 發表於 23-5-4 12:51
想請問有經驗嘅家長, 第一年嘅大學生活會係點架? 例如: 係咪會冇exeat, 得返聖誕節, 復活節同暑期呢幾個大 ...

完全兩回事喎。中學生仲係靚仔，洗衫食飯有人安排好晒，定時定候，遲到冇到有人鬧有後果。大學係大人，冇人理你食唔食飯，洗唔洗衫，上唔上堂。只要唔犯宿舍規矩，唔離開宿舍房或者唔返宿舍都冇人理。

至於可唔可以自至電器傢俬，或者有人寄住少時間，真係唔同大學，唔同宿舍，各自有各自嘅規矩。

大學當然冇exeat或者half term。因為其實佢係冇housemaster24/7照顧學生，冇需要呢啲學期中嘅break。

kittttty

多謝以上各位家長嘅資訊, 而家心中總算有個底, 好在佢都算係一個自律嘅學生, 咁自由真係一個挑戰

Jennie

宿舍有分大學本身宿舍，亦有私營學生宿舍。睇你需要，我女鍾意飲湯、食飯，對佢嚟講最緊帶電飯煲同長少少筷子煮野。第一年去到未夠21歲，ikea 連普通刀都唔賣比佢，結果我要寄過去。
大學要自己煮，自己清潔，都好多野要添置。

奥脫福

借位一問，我見唔少大學，同一個課程都有三年制的學士及四年制的學士
（中間有一年ｐｌａｃｅｍｅｎｔ），唔知邊樣會較適合畢業後留英的同
學呢？


例子：



Chemistry BSc (Hons)

https://www.thecompleteuniversityguide.co.uk/courses/details/chemistry-bsc/54969760


Chemistry with an Industrial Placement Year BSc (Hons)

https://www.thecompleteuniversityguide.co.uk/courses/details/chemistry-with-an-industrial-placement-year-bsc/57504634

Belfastmummy

奥脫福 發表於 23-5-5 01:40
借位一問，我見唔少大學，同一個課程都有三年制的學士及四年制的學士
（中間有一年ｐｌａｃｅｍｅｎｔ）， ...

梗係有placement year好啲，如果表現良好，之後間公司有機會請返佢工作。但要多一年住宿費同學費。

vincat

kittttty 發表於 23-5-4 12:51
想請問有經驗嘅家長, 第一年嘅大學生活會係點架? 例如: 係咪會冇exeat, 得返聖誕節, 復活節同暑期呢幾個大 ...

可能電費問題，我個女宿舍係唔可以帶私人電器去，不過我個女都偷偷帶左電飯煲(emoji)

Jasber

開學嘅時候，大學網頁有寫明唔准帶電飯煲，但上個月我再去探佢，入過宿舍廚房，明目張膽地放左幾個電飯煲同幾個氣炸鍋

kittttty

我諗住放個小型雪櫃, 唔知會唔會好誇張呢?

Jasber

kittttty 發表於 23-5-9 01:11
我諗住放個小型雪櫃, 唔知會唔會好誇張呢?

有冇需要好難講，要視乎宿舍提供嘅雪櫃是否足夠，另外都要睇吓間房有冇位放雪櫃，以倫敦計都係寸金尺土，放完基本床衣櫃書枱，其實都唔係太多地方走動。

kittttty

回覆 Jasber 的帖子

有160尺 本身已放有書枱, 看圖片有位置可放, 只是不知學校準不準而已..

BATIKA

想問如果大學year 1 話9月18日開課，大家會幾時到？會唔會有迎新活動？

poonseelai

BATIKA 發表於 23-5-10 16:48
想問如果大學year 1 話9月18日開課，大家會幾時到？會唔會有迎新活動？

一般開學前有 fresher week, 我孩子大學有分配入宿舍日期，到埗就開始fresher week