選擇PN班（聖雅各銅鑼灣/保良局莊啟程/北角明慧)

Jacconcerto43

本人兒子剛滿兩歲， 準備九月上PN班， 最後註冊了三間幼兒園，到了四月開始要求俾書簿費和買校服，三間學校都各有優點缺點，都想各位家長谷友指教和俾意見，因為本人想搵英語和普通話語境都不太差，謝謝。
1) 聖雅各銅鑼灣
佢既印象俾我感覺老師都有愛心，校長都有幾強既教育理念，我見有Post講佢教學程度係傳統學校當中算深少少，不過校舍位處商業大廈一樓和地下半層舖位， 活動空間好似較少， 對於較為好動既仔仔好像較為遜色。

2) 銅鑼灣保良局莊啟程
校舍有較大露天操場，佢地會提供每日平均大半小時至一小時大肌肉訓練環節， 聽過學校簡介，佢地推行雙班主任制，一個講中文，一個講英文， 想係課堂製造雙語語境，而且佢地都幾重視活動教學，都會要求同學做短講，幼稚園K3做下小組專題研習， 不過我見有post講佢地教學程序較淺少少，PN班英文專門課堂好像每星期只有40分鐘，而且幼稚園未教phonics，同埋未聽過有NET teacher (唔知有無聽錯，請指教)

3) 北角明慧
見唔少家長post話唔錯，小朋友話學到野，鍾意返學，聽講佢地會有NET teacher，而且較多NET teacher課堂（想問平均有幾長), 而且佢地提供既活動空間應該都充足既， 不過見有部分Post 話佢地較為商業化，課堂好似有較多時間只係開YouTube 俾同學睇片唱遊（唔知有無聽錯，請指教)

所以都想聽各位家長谷友點樣去選擇或俾意見，謝謝

azure7689

要NET及普通話語境可以考慮蘇淅，老師有愛心，校舍算大。